Prefas
GSAM 3.1ENA deza boukou liv itil dan lame bann dimoun, ek mo exkiz pou azout enn lot dan sa lalis-la se ki dan sa bann paz-la mo dir boukou kitsoz konsernan bann Advantis, ek sirtou bann Advantis setiem zour, ki zame pa ti prezante dan sa form-la devan piblik. Anplis, boukou ki finn adopte sa koz-la dan bann lane apre, e ki pa finn temwin bann kitsoz mansione, finn demann avek serye enn rakont sa bann fe ek lexperyans par bann ki ti dan travay avan zot. Parski mo ti konn mouvman pou deziem vini Zezi an 1843 ek 1844, e depi 2 Zanvie 1849 mo finn proklam doktrinn-la, koumansman kouma enn Advantis, e depi 1852 kouma enn Advantis setiem zour, mo konsider li enn plezir pou “koz lor bann kitsoz ki mo finn trouve ek mo finn tande.”
GSAM 3.2Mo finn prezant enn resi konsernan mouvman pou deziem vini Zezi, ki depi 1831 ziska 1844 ti propaze dan sak nasion sivilize dan lemond.
GSAM 3.3Depi 1845 finn ena lezot group Advantis ki finn proklam, e ki ankor pe proklam, ki deziem vini Zezi pre. Olie swiv tou sa bann group-la, mo finn ena lintansion donn, avek enn sertin longer, kouma bann Advantis setiem zour finn koumanse ek finn progrese, an attirant latansion sirtou lor bann mwayin ki, dan providans Bondie, finn ed pou devlop, depi lamizer ek bann koumansman tipti, enn pep ki, mem si zot zis apepre enn san mil, sertin zot adverser finn dir, “Akoz lenerzi ek zel avek ki zot travay, enn dimoun ti pou krwar ki ena de milyon parmi zot.”
GSAM 3.4Mem bann ki konn listwar bann Advantis setiem zour zis enn tigit kone ki depi 1845 Madam E. G. White finn ena enn lien bien vizib avek mouvman-la, kouma enn orater ek enn ekrivin. Zot osi kone ki dan so travay finn ena bann lexersis spesial, ouswa bann don. Mo finn gagn privilez pou prezan ek temwin fonksionman sa don-la apepre sinkant fwa. Dan sa bann paz-la mo finn atir latansion lor apepre vennsis prediksion presi ki Madam White finn fer, e ki finn realize avek enn gran exakditid.
GSAM 4.1Anplis mo prop obzervasion, mo finn osi prezant temwagnaz lezot temwin ki ti trouv ar zot lizie konsernan zot lexperyans. Sa bann fe-la bizin ena plis pwa pou enn lekter onet ki bann deklarasion azar par bann ki zame pa finn prezan dan bann lokazion koumsa.
GSAM 4.2Mo remet sa travay-la dan lame bann lekter, avek lespwar ki, avek benediksion Bondie, lektir sa bann paz-la kapav enn mwayin pou promouvwar koz Kris dan boukou leker, ek avek konfians ki tou dimoun, pandan zot lir, pou gard an-tet bann parol Pol pou bann Tesalonisien, “Verifie tou; tini ferm seki bon.”