Saar 11 — Bataaxalu Malaaka bu Ñaareel bi
GSAM 171.1“TE am na beneen malaaka bu topp, di wax ne, Babilon daanu na, daanu na, dëkk bu mag boobu, ndaxte def na ba xeet yépp naan ci biñu meru njaaloom.”1
GSAM 171.2“Booba boroom kër gi, ci mer, nee na surga bi, Génnal gaaw ci mbedd yi ak mbedd yu ndaw yi ci dëkk bi, te indil fi ñi ñàkk, ñi am gàññ-gàññ, ñi tàmb, ak ñi gumba.”2
GSAM 171.3Boroom bi, jaarale ko ci ay ndawam, yëngaloon na àddina ak bataaxal bii di: “Waxtu àtteem agsi na,”—bataaxal boobu ñépp ñi wax ne ay taalibeem lañu mën nañoo booloo ci, su leen neexoon. Lii mooy woote bu njëkk bi jëm ci “reeru” céet gi. Te waxees na ko “ñi ñu woo woon.”3 Bi ñu bañee woote googu ak ay lay yu wuute, ñu joxe ñaareelu woote, mu ànd ak bataaxalu ñaareelu malaaka bi.4 Ci woote googu la Boroom bi tànn ab askan ngir ñu dem ba ca njeextalu jamono ak leerug dëggam giy gën a yokku.
GSAM 171Ñaareelu Woo ci Reeru Séy bi
GSAM 171.4Ñaareelu bataaxal bi—bi topp ci yuuxub waxtu àtte bi—nees na, “Babilon dafa daanu, dafa daanu, dëkk bu mag ba, ndaxte dafa tax mbooleem xeet yi naan ci biñu meru fujj gi.” Te ñaareelu woo gi jëm ci reer gi nee na, “Génnleen gaaw ci mbedd yi ak mbedd yu ndaw yi ci dëkk bi, te indileen fi ñi ñàkk, ñi am gàññ-gàññ, ñi tànk-tànk, ak ñi gumba.” Ci bépp ci mbind yii, ñi wax ne askanu Boroom bi lañu, dañu leen di woowe “dëkk.” Ak seeni gëm-gëm yu wuute te jaaxle, dañu leen di woowe “Babilon.” Ci beneen mbind bu wax ci jamono ju mujj ji, danu gis ne lu jiitu tuuti ñëwum Boroom bi, dañuy woo askanam ñu génn ci “Babilon:” “Babilon bu mag bi dafa daanu, dafa daanu, te mujj di dëkku-dëkku jinné yi, ak lëmu-lëmu rab yu bon yépp, ak kasu picc yu tilim te ñu bañ yépp.... Génnleen ci moom, sama askan, ngir bañ a bokk ci bàkkaar yi, te bañ a jot ci mbugal yi.”5
GSAM 172“Fàttaliku ni nga déggee woon”
GSAM 172.1Ci wax ji ñu waxoon jàngu Sardis, ñu ngi ci jànge ne, “Fàttalikul kon ni nga jotee ak ni nga déggé, te dëgëral ko, te tuub. Su fekkee kon doo yewwu, dinaa ñëw ci yaw ni sàcc, te doo xam ci ban waxtu laay ñëw ci yaw.”6 Jàngu Sardis dafa melni ci jamonoy Yeesal gi la feeñoon, ginnaaw jamono ju lëndëm ju liggéeyu “Yezabel”—di jàngu ju wàcc ci diine. Ñu waxoon jàngu Sardis ne jàngu ju dund la woon; waaye bi mu déggee te bañ njàggalem dikkug Boroom bi, dafa taxaw ci anam gu mën a tax xew-xew boobu jàpp ko ni “sàcc ci guddi.” Kon, ni ko ndawul Yàlla Pawlos waxe ci 1 Tesaloñik 5:1-5, noonu la nekkinu ñiy yuuxu “Jàmm ak kaaraange” di mel, bu dikkub Boroom bi jegee. Ñi topp leerug dëgg ñu ngi leen di woowe “doomi bés bi,” te Boroom bi du leen feg ni sàcc.
GSAM 172.2Ci melokaanu yonent bii ñeel juróom-ñaari eglis yi, danu gis ne daanuug eglisu Sardis dafa toppanteek bu gaaw ak bu eglisu Filadelfi, maanaam (ni baat bi tekke) mbëggeelug mbokk. Ñooñu lañu woon, dëgg-dëgg, juróom-fukki junniy gëmkat yi nga xam ne, ci kàddug malaaka ma ñaareel bi, lañu leen jëlee ci eglis yu wuute yépp, te booloo ci benn lëkkaloo mbëggeelug mbokk ci dëgg gu mag gii di ñëwug Kirist gu jege.
GSAM 173Naka lañu Yéglewoon Bataaxal bu Ñaareel bi
GSAM 173.1Midnight Cry bu 12 Sàttumbar 1844, am na wax ju Pasteur J. V. Himes defoon ci lu jëm ci bataaxalub malaaka bu ñaareel bi, ak li waraloon ñu yégal ko. Bataaxalam bi, ñu bindoon ko McConnelsville, Ohio, 29 Ut 1844, te nii la waxe:—
GSAM 173.2“Bi ñu tambalee liggéey bi ak Mbokk Miller ci atum 1840, mu ngi doon jàngale ba mat juróom-ñeenti at. Ci jamono jooju, dafa nekkoon lu mel ni moom rekk a fa nekkoon. Waaye liggéeyam dafa doon wéy te am njariñ ci yee ñi waxoon ne ay gëmkat lañu ci yaakaar gu dëgg gi askanu Yàlla am, ak waaj gi war ngir Sunu Boroom dikk; ak itam yee mbooleem xeeti ñi gëmagul ci xam-xamu seen nekkinu sànku, ak warugaru gaaw a tuub te dellu ci Yàlla, loolu di waaj ngir dalal Jëkkër ji ci jàmm bu muy ñëw. Loolu la doon jubluwaay yu mag yi ci liggéeyam. Jéemul woon a duggal nit ñi ci benn mbooloo walla kuréel ci wàllu diine.
GSAM 173.3“Bi nu gëmee dëgg-dëgg ne dikkub Boroom bi jege na, te nangu njàngale mi ci mbooloo, amoon nanu benn xalaat rekk, te toppoon benn yoon rekk ci biir mboolooy diine yu wuute yi, fa ñu nu woo woon, ci ndigalu Yàlla, ngir liggéey. Waxoon nanu kilifay diine yi ak eglis yi ne sunu liggéey du woon di leen tas, walla di leen séddale te jaxase leen: Benn jubluwaay bu leer rekk lañu amoon, te mooy joxe ‘yuuxu bi,’ artu bi ci àtte bi ‘nekk ci buntu bi,’ te gëmal sunuy moroomi nit ñu waajal bés boobu.... Pasteur yi ak waa jàngu yi jëfandikoo sunuy liggéey, waaye nanguwuñu woon njàng mi ci seen xol bépp, gis nañu ne war nañoo ànd ak njàng mi, di ko waare te di ko taxawu, walla ci jafe-jafe bu leen di dal, dinañu am ay jafe-jafe ak gëm-kat yu dëgër te taxawu. Looloo tax ñu tànn bañ njàng mi, te fas-yeenee, kenn ku nekk ak sa yoon, ñu tëye mbir mi. Lii dafa dugal sunuy mbokk yu góor ak yu jigéen ci seen biir ci nekkin bu metti lool. Li ci ëppoon dañoo bëggoon seeni eglis, te mënunu woon xalaat sax di leen bàyyi. Waaye bi ñu leen tàqe, ñu leen sonal, te ci anam yu bare dindi leen seen àq-àq ak seen bànneex yu njëkk ya, te bi ñu leen tere woon ‘lékkum jamono’, te woyu naxum ‘jàmm ak kaaraange’ di leen dugg ci nopp Sàbat bu nekk, gaaw nañoo bàyyi seeni pas-pasu mbooloo, te taxaw ci seen kàttan gu mat, rotal nañu kil gi leen tëye woon, te yuuxu, ‘Génn leen ci moom, sama askan.’
GSAM 174Ci Nekkin bu Jafe
GSAM 174.1Loolu moo ñu dugaloon ci nekkin wu jafe, (1) Ndaxte ñu ngi woon ci njeextalu sunu jamonoy yonent, jamono jooju lañu doon xaar Boroom bi dajale askanam gépp ci benn; te (2) saa su nekk njàggalem gu wuute lañu doon waare; te léegi bi nekkin yi soppikoo, su ñu bokkee ci coowu tàqalikoo gi ak tasug eglis yi ñu dalaloon te nangu sunu bataaxal, dinañu ñu jàppe ay naaféq. Looloo taxoon ñu sikk, te ñu wéy di topp sunu taxawaay bu njëkk ba, jàngu bi ak njiit yi yóbbu mbir mi ba fu mu mën a yam, ba tax ñu waroon, ci tiitaange Yàlla, ñu taxaw temb ngir aar dëgg gi ak doomi Yàlla yu ñu noot yi.
GSAM 174Royuwaay bu Ndaw yi ngir sunu doxalin
GSAM 174.2“‘Mu dem ca sinagog ba, wax fa ak fit lu mat ñetti weer, di xuloo te di dénk mbirum nguurug Yàlla. Waaye bi ñenn ñi seen xol dëgëree, te gëmulñu, waaye di wax lu bon ci yoon woowu ci kanamu mbooloo mi, mu tàggoo ak ñoom, tàqale taalibe yi, di waxtaan bés bu nekk ca daara ju benn Tyrannus.’7 Ba keroog ‘ñenn ñi di dëgër seen bopp’ te ‘di wax lu bon ci yoon woowu [ñëwug Boroom bi] ci kanamu mbooloo mi,’ la suñuy mbokk yëngaloo ba génn te tàqalikoo ak jàngu yi. Mënuñu woon muñ ‘wax ju bon’ jii jóge ci ‘jaam yu bon’ yi, te jàngu yi nekkoon ci yoonu fitna ak ‘wax ju bon’ jii jëm ci ñi doon xaar ‘yaakaar bu barkeel’ bi, ci ñoom, kenneneen lañu woonul ak doomi Babilon bu kumpa bi. Nii lañu leen ko yéglewoon, te dugg ci goreelu Injiil bi. Te donte ñun ñépp bokkul ci xalaat benn ci li taxawal Babilon, waaye danoo dëppoo ci tàggoo gu gaaw te mujj ak képp ku bañ njàggalem dikkug Yàlla ak nguuram gu jege. Ñu ngi gëm ne mbirum dund ak dee la. Dee la bu dee nga des di ànd ak mbooloo yooyu di wàññi walla di kontar dikkug Boroom bi. Dund la bu dee nga génn ci bépp aaday doom-aadama, te taxaw ci kàddug Yàlla, tey xaar bés bu nekk feeñug Boroom bi. Kon nag, léegi ñu ngi wax ñépp ñi nekk ci kilu njaam gi, ‘Génnleen ci seen biir, te tàqaleekleen, nee na Boroom bi, te bañ a laal lu setul; te dinaa leen nangu, te dinaa nekk Seen Baay, te yéen di samay doom yu góor ak yu jigéen, nee na Boroom ji, Yàlla ji Am Kàttan gépp.’”8
GSAM 175Ñaawteef gu amul sabab
GSAM 175.1Wm. Miller nii la waxe ci xuloo bi amoon ca jamono jooju diggante eglis yi ak Adventist yi:—
GSAM 175.2“Lu jaaxal te amul benn firnde la ni jàngu Kirist yi di dàqe njàngale mii ak seeni bokk ngir yaakaar bu barkeel bii. Xam naa ne am na ci jàngu Baptist yi ñu naan du seen ngëm li tax ñu leen di dàqe, waaye seen jokkoo ak ñi gëm dikkati bi. Kon, su fekkee ne du seen ngëm ci Musalkat buy ñëw, lu tax ñu may dàq ci seeni minbaar, man mi musula bokk ak kenn ku dul jàngu Baptist? Loolu naxe la. Waaye loolu mënul nekk sabab bi Metodist yi ak Presbiteriyen yi di wax; ndaxte ñoom ñu ngi gëm bennoo gu jaxasoo. Lu tax ñuy dàq nit ñi? Dégg naa ne am na ñu ñu dàq ndax ñu doon ‘woy’ woyi ngir xaar dikkug Kirist; ñeneen ñu dàq leen ndax dof, te li ñu leen tuumaaloon ci wàllu dof mooy rekk ne dañu doon xaar Kirist. Yàllaay, ‘jéggal leen, ndaxte xamuñu li ñuy def.’”
GSAM 176Storrs ci Jikko Kër-diine yi
GSAM 176.1George Storrs waxoon na ci jikkoos jàngu yi jëm ci Adventist yi, ni mu ko waxee nii:—
GSAM 176.2“Ñan ci ñoom, ci jamono jii, ku nekkul di wax, ‘Dama toog ni buur-jigeen’? Te ñan ci ñoom ñoo ngi dul bànneexoo ci xalaat bi ne bés dina ñëw bu ñu daane àddina, te mu wara topp seen ngëm? Ñan ci ñoom dina bàyyi benn ruu mu des ci seen biir ci jàmm, tey wone ci anam gu leer te amul tiitaange ngëmam ci ñëw gi jege? Ndax sart yi ñu la may nga des ci jàmm ci seen biir, du nekk nga ‘bàyyi lépp lépp’ wax ci mbooloo mi sa ngëm ci ñëwum Boroom bi ci at mii, lu man a doon sa xalaat ci mbir mi, ak ni nga ko gisee am solo ba tax nga yuuxu ne, ‘Ragal leen Yàlla, te jox ko teddnga, ndaxte waxtu àtteem agsi na’?”
GSAM 176Seedeeb Mansfield
GSAM 176.3L. D. Mansfield, bi mu doon bindee ca Oneida, N.Y., ci 21 Maars 1844, nii la seedee:—
GSAM 176.4“Yàlla mi ngi yëngal xeli doomam yu baax yi di xaar Boroom bi jóge asamaan, te di leen jiite, du rekk ci ñu déglu malaaka mi ‘am xebaar bu baax bu sax ba fàww ngir yégal, di wax ne, Waxtu àtteem agsi na,’ waaye itam ci ñu topp ndigël li ci topp, ‘Génn leen ci moom, sama askan!’ Léegi, gën naa am kóolute bu ma masul am, ne mbootaayi diine yu jamono jii ñoo bokk ci xaaj bu mag ci Babilon boobu ñu war a daaneel ak doole, te duñu ko gisati mukk.... Waaye, dafa ma mel ne ci yenn mbootaay yi, ni ñu melé ak béjjén bu ndaw bi moo gën a fés. Ay misaal dinañu leeral mbir mi.
GSAM 176Xelum Mbooloo mu Yàqu mi Feeñ
GSAM 176.5“Amna benn mbokk bu doon liggéey bu baax lool ci gox bii, di yégal ñëwug Boroom bi, mu jël diggante ngir wax ca benn béréb ci waxtu wu ñu tëral. Waaye Boroom bi dafa ko def ba mu nekk fukki miil ak juróom-benn sore béréb ba ñu ko waroon a xaar, waaye amna fa benn pasteur bu _____, mu jiite mbooloo mu mer, ñu yor gudron ak ay plim, ngir muur ko ci ndawul Yàlla ju Kawe ji. Pasteur boobu sax, tuuti ginnaaw loolu, tambali na ay ndaje yu yàgg, waaye lépp sedd na te sedd lool ni galaas bu bëj-gànnaar—amul benn ruu bu yewwu mbaa bu soppiku. Mujje na, pasteur bi nee na dafa gëm ne dina ‘toog ci toogu ñi am njàqare.’
GSAM 177.1Benn kilifag mbooloo ci dëkk bii waxoon na mbooloo mi mu bokkal ne, li dale bi ñu tambalee am ndajey yi fii, su amee ku ñëw ci kërëm te wax ne gëm na ne Kirist dina ñëw at mii, dina ko génne ca biti.
GSAM 177Warugar ci Eglis yi
GSAM 177.2Fii lañuy dugal seede bu jóge ci wax ju ñu defaloon ndajem gëm-gëmkat yi daje woon ca Boston, Mass., bisu 31 Mee 1844, te Wm. Miller, Elon Galusha, N. N. Whiting, Apollos Hale, ak J. V. Himes siñe ko. Ñu ne:—
GSAM 177.3Ci sunu warugar ci Eglis yi, mën nañu ci wax itam ab kàddu. Njàqare li fii, ni mu demee ci lu bare ci yeneen mbir yi, dafa ñeel ci ñaari wet yu metti yi. Melo bu njëkk bu njàqare li mooy ñu bàyyi sañ-sañu Eglis bi ñu bokk mu tëye ñu sunu gémmiñ ci mbirum warugar bu mel nii. Amunu sikk ne ay junni-junniy nit ñoo dugal seen bopp ci àtte bu bon bu Yàlla, ndaxte dañoo nangu laaj yu wuute ak li Biibël bi wax ci mbir mii, te bu fekkoon ne taxaw nañu woon te wóor, kon léegi dinañu gën a nekk ci jàmm, te gën a am njariñ, donte sax dinañu leen woo ci sonn.
GSAM 177.4Ñaareelu xeetu musiba bi mooy ñu nangu ruu feyu ci jàngu yi ndax njublaŋ gi ñu ñu defal, tey xare ci anam gu ñàkk tànneef ci mbooleem mbootaay yu ni mel. Bu dee ci wareefu Adventist yi, ci lu jëm ci jàngu yi ñu mën a bokkal, su ñu leen laajoon ñu def ko, duñu mën a joxe benn ndigal lu ñeel ñépp. War nañoo dox ci tiitaange Yàlla, ni ko jamono ji ak ni mu deme laajee.
GSAM 178.1“Waaye, war nanoo dëgër ci def sunu wartéef, di seedeel dëgg gi ci bépp waxtu bu yeyoo te mat. Te bu fekkee ci topp yoon wii, danu merloo jàngu yi, ñu di ñu xatal ne dinañu ñu génne buñu deful noppi (waaye suñu gisee ne dafa gën ñu tàgganteek jàngu ji ci jàmm, loolu mën naa gën), nañu def sunu wartéef, te buñu ñu génnee, nañu muñ ci coono yi, te nangu ànd ak sunu Boroom ‘génn ci buntu bi, di yenu saagaam.’”
GSAM 178.2Ci ay wax yii ñeel jëf ju jàngu yi amoon ci ñi doon yégal bataaxalub malaaka bu ñaareel bi, mën nañu gis bu baax ni, ci njëlbéenu yégal woote bu ñaareel bii ci “reer bi”, ñi ñu booloon ci benn pàrku ruu ñu leen di waxee “ñi am ay gàññ-gàññ,” “ñi tàmb,” ak “ñi gumba,” loolu di wone bu baax ni ñu leen songe woon ci “dóor” gi seeni “moroomi jaam” defoon ci ñoom, ñoom ñi ñu leen beraloon.
GSAM 178Askan wu ñu Beral te Tànn ngir Jël Ay Dëgg yu Bees
GSAM 178.3Jubluwaayu Boroom bi leer na nàññ ci taxawal askan wu wuute ci biir yégle gu bataaxalub malaaka bu ñaareel bi—woote gu ñaareel gi ci “reer bi”—ak “yuuxu diggu-guddi gi.” Dëgg-dëgg yu am solo ngir jamono ju mujj ji lañu waroon a seet te yégle—liggéey boobu mënul woon a defaroo ci eglis yu “tëju ci seen gëm-gëm”, ni eglisu ndaw yi mënul woon a yégle Injiil ci àddina sépp te di sax ci lëkkaloo ak mbooloo yu Yawut yi. Yàlla laaj na fa tàqalikoo,9 te laaj na itam gëm-gëmkati ñëw gi ñu tàqalikoo ak ñi leen bëggoon a téye ci biir seen gëm-gëm.
GSAM 179“Juróom-benn Waare” yu Storrs
GSAM 179.1Tuuti gannaaw génn googu, gis nanu ne leer gi ñëw na ci mbooloo yi gëm dikk gi ci mbirum mbugal mi nar a ñëw, ni ko téereb xibaar bi leeralee, “Juróom-benn Waare yi”, bu George Storrs, di jël taxawaay ne nit ci cosaanam ku mën a dee la; ne ñi dee duñu yëg dara ci diggante dee gi ak dekki gi; ne mbugal gu mujj gu ñi bañ Yàlla di nekk mooy ñu jeex takk; te ne dund gu dul jeex may gu Yàlla la, gu ñu jël rekk ci ngëm ci sunu Boroom bii di Yeesu Kirist.
GSAM 179.2Junni-junniy Adventist ñoo nangu woon njàngalem jikkoo doomu aadama bii, waaye du ñoom ñépp. Bañ gi ñu ko bañ indi wul benn jaaxle ci seen biir, ndaxte dañu ko jàppe woon rekk ne mbirum ngëm la, te du nattukaayu jikko; looloo tax seen goor-goorlu gu bennoo ngir artu àdduna bi ci jege gi Kirist di jege, daggul woon. Waaye, loolu tax na jàngu yi mer lool ci ñoom.
GSAM 179Mënunu woon weddi “Juróom-benn waare yi”
GSAM 179.3Pasteur Metodist bi ci dëkk ba ma dëkkoon, te bokkoon ci ñi daan waare njàngalem dikk gi ci atum 1843, jot na “Juróom-benn Waare yi,” jàng ko, te nangu ci kanamu waa jàngam ne mënul woon a weddi njàngale mi; waaye bi mu gisee ne ñu bare ci waa jàngam ñu ngi koy nangu, dafa digal ñeneen ñu bañ a jàng téere bi, ndaxte “dinañu gëm njàngale mi suñu ko jàngee.” Ci weeru Sàttumbar atum 1844, ginnaaw bi pasteur bi dellusee ca ndajem at mi, dafa jóg ci pulpitam, weddi ci kanamu ñépp njàggalem advent bi, te ci woyof laaj jàngu bi mu baal ko ndax li mu woo woon waxkat yi ñu ñëw wax ci kër gi.
GSAM 179Ñu àtte ko ci wàllu gëm-gëm gu juum
GSAM 179.4Jëf jii pasteur bi defoon, mu gannaaw loolu amoon jéem-jéem ngir àtte ñi gëm ñëw gi ci tuumaal leen ne seen gëm-gëm juum na; waaye bi ñu leen mayee ñu layoo seen bopp ci Biibël bi, egëlis bi amul ndam ci loolu. Ñu bare lañu dàqe ci jàngu gi ndaxte seen doxalin dëppowul ak yoonu jàngu gi, te ñu bare ci ñi des génn ci seen bopp ndax dàq gi ñu dàq ñi seen ngëm mënuñu woon a wone ne dafa safaanoo ak Mbind mu Sell mi. Noonu la njàggalem advent bi mujjee tëju ba fàww ci jàngu gi, fa ay téeméeri nit ame woon Musalkat bi te bég ci Yàlla.
GSAM 180.1Li xewoon ca sama dëkk ba, am na itam ci téeméeri jàngu yu bare ci biir réew mi. Ñi seeni mbokk yu njëkk jëflantee ak ñoom noonu, am nañu dal gu mag ci kàdduy yonent Yisaya: “Déglul kàddug Boroom bi, yéen ñi di lox ci kàddoom: Seen mbokk yi leen bañoon, yi leen dàqoon ngir sama tur, nee nañu, na Boroom bi am ndam; waaye moom dina feeñ ngir seen mbégte, te ñoom dinañu rus.”10
GSAM 180Meru Ñu Bon Ñi Feeñ
GSAM 180.2Bi bés bi ñu doon xaar Boroom bi di jege, gëmkat yi gën a takku ci seeni liggéey, te ñu bon ñi gën a mer te gën a ñagas, ni ko kàddu gii di topp te ki doon bind Midnight Cry bu 31 Oktoobar 1844 di waxe firndeele:—
GSAM 180.3“Li yëngu-yëngu bii def ci ñu bon ñi, loolu itam dimbali nañu bu baax ci gëm gi ñu amoon ne Yàlla ci la nekkoon. Bi doomi Yàlla dajeekoo ngir sukk ngir wàññi seen bopp ci kanamam, te waajal ag ñëwam, ni ko mbooloom bàkkaarkat yu xamoon ne ci yërmande rekk lañu mënee mucc waroon a def, ñu bon ñi woné nañu iñaan gu réy-a-réy. Bi ñu xamalee sunuy daje ci sunu boppu jurnaal rekk, te woo wuñu woon askan wi, doomi Beliyal yi feese nañu ci, te indi ay yëngu-yëngu yu bari. Ci ngoonu Gaawu, fukkeel ak ñaar ci weer wii [12 Oktoobar 1844], amunu woon benn ndaje ca tabernacle ba, ngir ki yoroon setal kër gi am jot setal ko ngir bésu Sàbat bi [Dibéer]. Waaye mbooloo mi daal di dugg ci kër gi, te bañ sax may ko loolu. Waaye, meer bi, ci boppam te laajunu ko woon, dafa gaaw a taxaw, génne leen fa.
GSAM 181.1“Ci sunuy ndaje ci Sàbat bi ci toppoon, ginnaaw bi tabernacle bi feesée, mbooloo mu rëy moo feesoon mbedd mi ci kanamu tabax bi, te ñu bare ci ñoom di mer lool ndax am na ñu gëm ne Boroom bi dina ñëw. Ci ngoon si, ndax coow li nit ñi defoon, amul benn ndaje; waaye mbooloo mi feesoon nañu dell ci mbedd mi ci ngoon si teel; waaye bu mayor bi ak polisuam yu jàppandi yi gaawantee dugg, ñu setal mbedd mi, ginnaaw bi ñu yóbboo ñenn ñi ca kaso ba. Dañu mënoon rekk nattale jikko mbooloo mi ak li wëroon buntub Loot, ci ngoon gi laata ñuy al Sodom.... Yëngu-yëngu googu ci seen wàll dafa bette woon, te ñépp a ci bokkoon, te yaatoon lool, ba bi mu feeñee ci bés bu njëkk bu weeru Yawut bu juróom-ñaareel bi, loolu gën nañoo dëgëral ci sunu xalaat ne weer wii la war a doon.”
GSAM 181Ñiy ñagas sol nañu yére yu yéeg gi
GSAM 181.2Ci ñaar-fukki fan ak ñaar ci weeru Oktoobar, atum 1844, bés bi ñaari junni ak ñetti téeméeri bés yi jeexee, ca Paris, Maine, bi gëmkat yi dajeekoo ca kër gu ñuy jaamanee, ñu nekk ci ñaan gu am solo jëme ko ci Yàlla, di xaar ne Boroom bi dina ñëw bés boobu, ñiy ñagas ñépp daje wër kër gi, di woy ay woy yu ñagas. Ñaar ci saay-saay yooyu sol nañu ay saaya yu weex yu gudd, yéeg ca kaw kër ga, di woy ay woy, di caaxaan ñi nekkoon ci biir kër gi di ñaan te di xaar Boroom bi ñëw.
GSAM 181.3Xeyna ci mbir moomu la baña-digg yi tasaaroo ci ne Adventist yi dañuy sol ay yére yu weex yu gudd ngir yéeg; ndaxte, doonte sax jurnaali Adventist yi joxe nañu ay payoor yu tollu ci 500 dolaar ngir benn misaal bu wóor rekk bu am Adventist bu sole woon yére yu weex yu gudd ci atum 1844, te noonu di xaar Boroom bi ñëw, amul benn misaal bu ñu mës a indi.
GSAM 182Gis-gisu Hazen Foss, 1844
GSAM 182.1Ci jamono yooyu, amoon na ab waxambaane bu tuddoon Hazen Foss, di dëkk ca Poland, Maine. Gëm na woon bu wér ne Boroom bi dina ñëw ci fukkeelu fanu juróom-ñaareelu weer wi. Nit ku rafetoon la woon, ku am yar gu neex, te jàngoon bu baax. Ay ayu-bés yu néew laata “yuuxu diggu-guddi gi” di jeex, Boroom bi jege na ko, may ko gis-gis, mu gis ci biir gis-gis boobu tukki gi askanu ñiy xaar yi di def jëm ca dëkku Yàlla ba, ak seeni ngérte. Am na ay bataaxal yu artu yu ñu ko joxoon, yu mu waroon a yégal, te itam gis na jarrab yi ak fitna yi ko doon topp su fekkee ne dafa wóor ci nettali li ñu ko wonoon. Moom, ni Sëñ Foy, won nañu ko ñetti jéego yu askanu Yàlla waroon a jël ba egg ci yoonu dëkk bu sell bi. Ndaxte dafa gëmoon bu wér ne Yàlla dina ñëw “ci ay fan yu néew” (ni ñu daan woyee ca jamono jooju), wàllu gis-gis bi jëm ci ñetti jéego yi ci yoon wi, mënul woon koo firi; te itam, ndaxte ku am ruu rëy la woon, dafa dàqaru ci kuruwa bi, te bañ a ko nettali. Gis-gis bi dellusiwaat na ñaareelu yoon, te ñu yokk ci ne ko bu fekkee bañ na wax li ñu ko won, dinañu jël ci moom ndogal li, jox ko kenn ci ñi gën a ñàkk doole ci doomi Boroom bi, ku nar a wax ak wóor lépp li Yàlla di feeñal. Mu bañati. Gannaaw loolu, ñetteelu gis-gis daldi ñëw, ñu wax ko ne gore na, te ñu teg ndogal li ci kaw kenn ci ñi gëna ñàkk doole ci doomi Yàlla yi, te moom dina def li Boroom bi santaane.
GSAM 182Foss mënul woon a nettali gis-gisam
GSAM 182.2Loolu jaaxal na waxambaane wi, mu dogal ne dina nettali li ñu ko wonoon, mu joxe bis bi mu leen waroon a waxe. Nit ñi dajaloo nañu ngir gis te dégg. Mu nettali leen ak pas-pas li mu dundoon, naka la bañoon a nettali li Boroom bi ko wonoon, ak li waroon a juddoo ci bañ gi. Mu ne, “Léegi nag, dinaa nettali gis-gis bi.” Waaye ay! Dafa tàrdi woon: taxaw na ci kanamu nit ñi mel ni ku ñàkk wax, ba mujj na wax ci naqar bu metti ne, “Mënatu ma fàttaliku benn baat ci gis-gis bi.” Dafa doon xëccoo ay loxoom ci naqar, di wax ne, “Yàlla def na li mu waxoon. Jël na gis-gis bi ci man,” te ci naqar gu réy ci xolam mu ne, “Ku ñàkk yaakaar laa.” Dale ci jamono jooju, yaakaaram ci Kirist jeex na, mu daldi jaaxle lool. Mësulati dem ci benn ndajem Adventist, te amatu ci diine benn yitte bu mu moom boppam. Jikkoom ci fànn yu bare, bu ñu ko tuutalee wax, dafa meloon ni ku ñu jële ci moom laalu Xelum Boroom bi bu lewet bi, ni ku ñu “bàyyi mu topp yoonam, mu fees ak ay jëfam.” Ci xel mu mel nii la faatoo ci atum 1893.
GSAM 183Gis-gisu Foss bi, kenn keneen a ko nettali
GSAM 183.1Lu tollook ñetti weer gannaaw bi mu mënatul fàttaliku gis-gisam ba, mu dégg ci néeg bu jege foofu, kenn kuy nettali beneen gis-gis. Ndaje bi ci biir kër gu ñu dëkk la amoon, fa mu nekkoon. Ñu doon ko dénk mu dugg ci ndaje bi, waaye dafa bañ. Mu ne gis-gis bi dafa jege lool li ñu ko wonoon, ni ñaari nit ñuy nettali benn mbir. Te noonu lañu xamee li mu gisoon waaye mënutoon koo fàttaliku bi muy jéem a nettali. Bi mu gisee nit ki gannaaw loolu, mu ne, “Moom mooy jumtukaay bi Boroom bi teg ndogal li.”
GSAM 183Ñàkk yaakaar bu metti
GSAM 183.2Bésu fukkeel ci weeru juróom-ñaareel, ci waxtu Yawut yi (22 Oktoobar 1844), mujje ñëw. Bés boobu fekk na ay junni-junniy nit ñu doon xaar ci bés boobu ngir seeni yaakaar mat. Waajaluñu woon dara ci àdduna bi lu weesu bés boobu. Soppaluñu woon sax xalaat bi naan, “su ñëwul,” waaye waajal nañu seeni mbiri àdduna ni ñu ko nar a defee su fekkoon ne bés boobu mooy mujjug seen dundug àdduna. Artu nañu te soññ ñu bon ñi ñu daw meru Yàlla gi di ñëw, te ñu bare ci ñoom ragaloon nañu ne xibaar bi mën na nekk dëgg. Dañoo digaloon te ñaan ak seeni mbokk, te nuyoo woon ñi ci ñoom joxewul seen xol Yàlla. Ci gàttal, dañoo bàyyi woon lépp lu àdduna ak yéene ju sedd ju mel ni ku xalaat ne dafa nar a taxaw kanam ak Àttekatub àdduna yépp. Noonu, ci tiitaange gu metti, dañoo daje ca seeni bërëbu jaamu, di xaar, saa su nekk, di dégg “baatub malaaka mu mag mi ak trompetu Yàlla,” te gis asamaan di taal ak ndamu seen Buur bi nar a ñëw.
GSAM 184.1Waxtu yi di dem ndànk-ndànk, te bi jant bi mujjee so ci sowu, bésu fukkeel bu Yawut yi ci weeru juróom-ñaareel bi jeex na. Lëndëmum guddi dellu muur àddina; waaye ak lëndëm googu, naqar bu metti daldi ñëw ci xolu ñi doon xaar dikkug Buur bi, naqar boobu amul moroom ludul ci naqaru taalibey sunu Boroom bi, bi ñu doon dellu seeni kër ci guddig bi toppoon takk gi ñu ko takkoon ci kuruwa bi ak suul gi ñu suuloon ki ñu, lu yàggul woon, dugal ci Yerusalem ak mbégte ak ndam niki seen Buur.