Biehmiapa
GSAM 3.1Chyhsazy ku liata châbu phahnai hneipa hluhpi a y haw. Cha liata châbu hropa pakha ei baichhapa chhâpa cha, he châhmiazy liata Adventist zy kyh, a peimawh via ta Noh sarina Adventist zy kyh, tahmâ hlâta he hawhpa ta chyhsazy hmiakô liata palâsa lei chhâpa hmo hluhpi ei rohpa vâta a châ. Cha hleikhôpa ta, a hnoh kôzy liata he raihria a pypazy hluhpi, he liata reipazy a hmô lei chhâpazy ta, a hlâta raihria a thaopazy tawhta he hmo hmeiseihpazy nata ama pahnopasiana thâtih cha chho awpa ta a châ ngaita ei. Kô 1843 nata 1844 liata Zisu vy heihna hmâhlana kyh ei pahno ta, kô 1849, thla 1, noh 2 tawhta pachuna he ei phuah haw; a hmiatua ta Adventist ta châ na ta, kô 1852 tawhta Noh sarina Adventist ta ei phuah hawpa vâta, “ei hmôpa nata ei theipa hmozy rei” he alyna ta ei pachâ.
GSAM 3.2Kô 1831 tawhta 1844 taihta khizaw liata châthaipa nata hmasiena a hneipa râh zydua taihta a hliezâhpa Zisu vy heihna hmâhlana kyh rona ei palâsa haw.
GSAM 3.3Kô 1845 tawhta Adventist sahlao hropazy y ei ta, Krista a vy nawpa â hnai haw tahpa phuah ei ta, tahmâ chhaota ama phuah lymâ. Cha sahlao zydua chithâtih zi awpa hlâta, Noh sarina Adventist zy âthaona nata hmâhsiena thâtih chyh leipa ta chho awpa he ei chhuahpa a châ. Khazohpa mohôhna ry liata ama dyhchhiena nata âthaona achyh kawpa tawhta chyhsa sahlao cha a laiseih thei nawpa ta baotuhpa hmozy cha ei palâsa peimawh. Ama hluhzie cha 100,000 tlai deita a châ hrasala, a dyuhtuhpa thokhazy ta, “Ama raihria liata tha nata hmahlana ama palâsapa he hmôpa ta, ama zie cha 2,000,000 châ awpa ta pachâ theipa a châ,” tahpa ta ama reih.
GSAM 3.4Noh sarina Adventist chithâtih achyhpa deita a pahnopazy chhaota, kô 1845 tawhta Pihno E. G. White cha bie reituhpa nata châ rohtuhpa ta he hmâhlana nata â zaoh kaw tahpa ama pahno. A raihria nata pazaopa ta hmotaona eihhrâhpazy, hmopiepa zy a y tahpa chhao ama pahno hra. He hmopiepa ta rai a hrie dâh cha ei ypa ta ei mo ta a hmôna ei 50 tlai tovyuh ei hnei haw. He châhmiazy liata Pihno White ta a vaw y awpa ta a reihpasopa bie 26 tlai a sia kawpa ta a tlô khainazy cha ei palâsa haw.
GSAM 4.1Kei tlai ta ei hmôpazy hleikhôpa ta, a mo ta a hmô hrapazy ta ama pahnopasianazy kyh pahnokheina bie chhao ei palâsa hra haw. Cha hawhpa hmo hmeiseihpazy cha, cha daihtizy liata a y beih leipazy ta pachâ pasia leipa ta a reipa biezy hlâta, a pasipasawhpa ta châ areituhpa châta ama peimawh via awpa a châ.
GSAM 4.2He châbu he areituhpazy ku liata ei pie haw; Khazohpa byhnâ ta, he châhmiazy areina he palôh hluhpi liata Krista raihria patlôna a châ nawpa ta hnabeiseihna ei hnei. Châ ama reih nota Pawla ta Thysalawnika chyhsazy hnohta, “Hmo zydua pasia teh u; a phapa kha pypa ta chaba teh u.” tahpa bie cha ama zydua ta ama palôh liata ama khâ awpa ei ngâ.