Bab 22 — Organisasi
GSAM 343.1“SABAB nyan kheueh lôn tinggai gata di Kreta, mangat gata peuseuleusoe hai-hai nyang mantong kureueng, dan gata tunyok peumimpin-peumimpin di tiep-tiep banda, lagee nyang ka lôn peurintah bak gata.”1
GSAM 343.2Lam peumaju peusan malaikat keulhèe ka liwat duwa blah thôn (phôn thôn 1846 sampoe 1858) sigohlom umat geutanyoe sadar keu peureulèe na saboh perkumpulan nyang leubèh resmi nibak cit keuyakinan ateueh keubeunaran ngon gaséh sayang Kristen. Bah pih Tuhan ka geupeugah haba ubak umat Gobnyan bhah hai nyoe meulalu karunia nubuet, lagee jih peureulee na padum-padum boh pengalaman nyang brat keu geupeusadar awaknyan seupunoh jih bhah peureulee geupeudong organisasi konferensi, geurija, ngon asosiasi keu geu atô urusan donya dari peukara nyan.
GSAM 343Penentangan ateueh Organisasi
GSAM 343.3Lam saboh catatan gaki bak halaman 12 buku Supplement to Experience and Views, nyang geupeuteubiet bak thôn 1854, Peundita James White geupeugah:—
GSAM 343.4“Lheueh masa nyang teujadi bak thôn 1844 na keubingongan nyang rayeuk, dan leubèh le ureueng geulawan peu mantong organisasi, geupeugah bahwa nyan hana seujalan deungon keubebasan nyang samporeuna nibak Injil! Puan White sabe geulawan tiep-tiep beuntuk fanatisme, dan sigra geupeugah bahwa saboh beuntuk organisasi nyan peureulèe that keu geucegah dan geupeubeutôi keubingongan. Jinoenyoe hana le ureueng nyang jeuet geuhargai keuteguhan nyang geupeureulèe bak watèe nyan keu geupeuteun pendirian gobnyan geulawan anarki nyang teungoh meukeumang.”
GSAM 344.1Ukhuwah nyang ka na lam kalangan Umat Advent Hari Keu Tujôh that geupeukong ngon geupeuteun lé peuingat ngon peurintah gobnyan nyang teupat bak watèe.
GSAM 344George Storrs keuhai Organisasi
GSAM 344.2Nyang berikut nyoe dari George Storrs, nyang geutuléh bak thôn 1844, akan geupeuleumah peu nyang geupeurunoe bhah organisasi keu ureuëng-ureuëng nyang ka jipisah droe dari geurèja-geurèja di yup peumakluman advent:—
GSAM 344.3“Beu até-até bék neucuba peudong saboh geurija la'én. Hana geurija nyang jeuet geupeudong lé ciptaan manusia nyang kon langsong jeuet keu Babilonia bak watèe geupeudong nyan. Tuhan geupeudong geurija droe Gobnyan keudroe ngon ikatan gaséh sayang nyang kreueh. Nyang leubèh kreueh nibak nyan hana jeuet geupeugèt; dan meunyo ikatan lagèe nyan hana jeuet peusaboh ureueng-ureueng nyang meuaku seubagoe ureueng ikôt Almaseh, awaknyan ka hana lé jeuet keu ureueng ikôt Gobnyan, dan ka teupisah dari tubôh nyan deungon sendirijih.”2
GSAM 344Atôran bak Masa Rasul
GSAM 344.4Umat Advent Uroe Keu Tujôh, lagèe nyang ka geupeugah sigohlom nyoe, hana saboh pih organisasi resmi sapeue macam ka meuthôn-thôn, bahkan hana organisasi geurija. Soe mantong ureueng nyang na keuberanian moral keu jiteurimong keubeunaran dan jiseumikoe nyan di yup teukeunan bantahan dari luwa nyang na bak masa nyan, geuanggap jujô dan patôt keu gaséh sayang dan silaturahmi Kristen. Teuka saboh watèe bak masa rasul-rasul bahwa ka jeuet keu peureulèe keu “geuatô hai-hai nyang kureueng.”3 Kira-kira thôn 65 Masehi, Titus geubri kuasa keu “geutunyok peumimpin-peumimpin di tiep-tiep banda” pat na ureueng-ureueng nyang meuiman, dan Timotius geuteurimong peutunyok nyang cukôp leungkap bhaih nyan.4
GSAM 344Peundita White keuhai Organisasi
GSAM 344.5Nyang berikut nyoë dari Peundita James White bhah organisasi ngön disiplin ka jiteubiët lam Review tanggai 4 Januari 1881:—
GSAM 345.1“Organisasi geupeugöt keu peuteuntèe kesatuan bak buet, dan seubagoe perlindungan nibak keupalsuan. Nyan hana sagai geumaksud seubagoe cambuk keu paksa ta'at, tapi leubèh keu perlindungan umat Allah. Kristus hana geupaksa umat Gobnyan; Gobnyan geutawök awaknyan. ‘Biri-biri Lôn jideungö su Lôn, Lôn kuteupeue awaknyan, dan awaknyan jiseutöt Lôn.’ Ulèe geutanyoe nyang udép geupimpin jalan, dan geutawök umat Gobnyan keu jiseutöt.
GSAM 345.2“Aqidah manusia hana jeuet jipeuhasé keusaboh. Teunaga geurija hana jeuet jipeusaboh geurija jeuet keu saboh tubôh. Almaseh hana sagai geurancang bahwa pikeran manusia beu jipeubeuntuk keu syuruga lé peungarôh pikeran manusia la'én. ‘Ulèe tiëp-tiëp ureuëng nakeuh Almaseh.’ Bagian Gobnyan nakeuh geupimpin, geubentuk, dan geucap citra droë Gobnyan ateuëh ureuëng-ureuëng nyang meuteumèe warisan keumuliaan keukai. Bah pih organisasi nyan peunténg that keu peulindôngan geurèja, dan keu peuteuntèe keuseujalan tindakan, organisasi nyan hana jeuët jicok disiplin nyan nibak jaroe Po Geurèja.
GSAM 345Meusaboh Antara Duwa Sisi Nyang Meuleubèh
GSAM 345.3“Di antara dua ekstrim, paksa keu geurija ngon keumandirian nyang hana suci, geutanyoe meurumpok rahsia rayeuk keu meusaboh ngon efisiensi lam peulayanan ngon lam geurija Allah. Perhatian geutanyoe geutarék u hai nyoe lam saboh seruan nyang that serius dari rasul nyang mulia Petrus keu para peundita jameun gobnyan: ‘Ureuëng-ureuëng tuha nyang na lamkawan gata, ulôn meuhôi, ulôn nyang cit sidroë ureuëng tuha, ngon saksi ateuëh sengsara Almaseh, ngon cit sidroë nyang rôh lam keumuliaan nyang teuma geupeuleumah: peulara keuleumbuë Allah nyang na lamkawan gata, ngon peungawasan ateuëh jih, kon ngon paksa, tapi ngon seunang haté; kon keu laba nyang kuto, tapi ngon seudia haté; kon lagèe ureuëng nyang mat kuasa ateuëh pusaka Allah, tapi jeuët keu conto keu keuleumbuë nyan. Teuma meunyo Gembala Ulèe ka geupeudeuh droe, gata teuma neuteurimong mahkota keumuliaan nyang hana reuloh. Meunan cit, hai gata nyang muda, tundôk kheueh droe bak ureueng tuha. Beutôi, gata mandum beu tundôk saban droe-droe, dan beu neungui keurendahan haté; sabab Allah geulawan ureueng sombong, dan geubri rahmat keu ureueng nyang rendah haté. Sabab nyan, peureundah kheueh droe di yup jaroe Allah nyang kreuh, mangat Gobnyan geupeu'ék gata bak watèe nyang teupat.’5
GSAM 346Kesederhanaan ngon Bentuk Organisasi Perjanjian Barô
GSAM 346.1“Ureuëng-ureuëng nyang susôn bentuk organisasi nyang geunguy lé Umat Advent Hari Keu Tujôh ka geu-useuha keu geupeusapat lam nyan, seubisa-bisa, kesederhanaan ungkapan ngon bentuk nyang na lam Perjanjian Barô. Leubèh le geupeuleumah roh Injil, ngon leubèh sederhana, leubèh efisien sistem nyan.
GSAM 346.2“Konferensi Umum geumat pengawasan umum ateueh buet bak mandum cabeueng jih, termasôk konferensi Nanggroe. Konferensi Nanggroe geumat pengawasan ateueh mandum cabeueng buet lam Nanggroe nyan, termasôk geurèja-geurèja lam Nanggroe nyan. Dan geurèja nyan nakeuh saboh tubôh ureueng Kristen nyang meusapat deungon janji sederhana keu geupeubuet peurintah-peurintah Tuhan dan iman Isa.
GSAM 346Peujabat Geurija Nakeuh Hamba
GSAM 346.3“Peujabat-peujabat saboh geurija lokal nakeuh hamba-hamba geurija nyan, kon tuan-tuan, nyang atô geurija nyan ngon paksa. ‘Soe nyang paleng rayek di antara gata, jih nyan keuh hamba gata.’6 Peujabat-peujabat nyoe beu jeuet keu conto keu anggèeta geurija lam hai saba, waspada, meudoa, gèt haté, ngon murah até, dan beu geupeuleumah saboh tingkat cinta nyang gèt keu ureueng-ureueng nyang geulayani nyan, nyang ka geupeuleumah lam udép ngon ajaran Tuhan geutanyoe.”
GSAM 346Keusaksian Phon keu Atôran
GSAM 346.4Lam Supplement to Experience and Views, nyang jipeuteubiet bak thôn 1854, na padum-padum boh peutunyok khusuih nyang jibri ateueh bhah atôran Injil. Bak ôn keu lapan blah geutanyoe tabaca lagee nyoe:—
GSAM 346.5“Jeum'at harôih geujak meulindông bak feureuman Po Teuh Allah, dan geupeukukôh ateueh atôran Injil, nyang ka geupeubiyeu dan geupeulalèe. Hai nyoe sangat peureulèe that keu geupeusaboh jeum'at lam saboh iman.”
GSAM 347Atôran Peureulèe Bak Akhé Zaman
GSAM 347.1Lam saboh keusaksian nyang geubri bak 23 Des. 1860, geutuléh:
GSAM 347.1“Seumakén rap u akhé masa, Syaitan jitrôn deungon kuwasa nyang rayeuk, sabab jiteupeue watèe jih ka paneuk. Khusuih that kuwasa jih nyan akan jipeuguna ateueh sisa umat. Jih akan jimeuprang lawan awaknyan, dan jimeu-useuha keu jipeucre dan jipeusipreuek awaknyan, mangat awaknyan jeuet keu leumoh dan teupeukalahkan. Ureuëng-ureuëng Tuhan harôih meubuët deungon meuphôm, dan harôih meusaboh lam usaha awaknyan. Awaknyan harôih saban pikeran, saban putôsan; barô usaha awaknyan hana meucé-cé, tapi meubri peungarôh nyang kreueh keu peukong buët kebenaran jinoe. Atôran harôih geupeuteun, dan harôih na keusaboh lam peuteun atôran nyan, meunyoe hana, Syaitan akan jicok keuseumpatan ateueh awaknyan.”7
GSAM 347Atôran Malaikat nyang Patôt Taconto
GSAM 347.2Lam Testimony No. 14, nyang geupeuteubiet bak thôn 1868, na geutuléh: “Seumaken tanyoe taikôt sifeut seujalan ngon teuratur pasukan malaikat, seumaken meuhasé usaha agen-agen syuruga nyan ateueh geutanyoe. Meunyo geutanyoe hana takalon peureulèe keu buet nyang meusareukah, dan hana teuatô, hana disiplin, ngon hana teususôn lam buet geutanyoe, malaikat-malaikat, nyang ka teususôn that beuget ngon meugrak lam atôran nyang sampôreuna, hana jeuet geukeurija keu geutanyoe deungon meuhasé. Awaknyan geupaling muka deungon seudeh, sabab awaknyan hana geupeuizén keu geubri beureukat ateueh keuadaan nyang kaco, pikeran nyang meucé-cé, ngon hana teususôn.
GSAM 347Tuhan, Allah Nyang Tetap Meuatô
GSAM 347.3“Peuë ka meugantoë Allah dari sidroë Tuhan nyang meuatôran? Hana; Gobnyan saban mantong bak masa jinoë lagèe bak masa dilèe. Paulus geupeugah, ‘Allah nyan kon Tuhan nyang peujeuet karu, tapi Tuhan nyang peujeuet damè.’ Gobnyan jinoë teutap that teliti lagèe bak masa dilèe. Dan Gobnyan meukeusud mangat geutanyoë meurunoe peulajaran keu atôran ngon organisasi dari atôran nyang samporeuna nyang ka geupeudong bak masa Nabi Musa keu keubajikan bansa Israel.”8
GSAM 348Do'a Almaseh keu Tata
GSAM 348.1Lam saboh keusaksian nyang geutuléh bak thôn 1882 geutanyoe takalon peurasaan nyang saban geupeugah lam kata-kata nyoe,
GSAM 348.1“Mangat meusaboh ngon gaséh sayang nyan na lamkawan murib-murib gobnyan nyan keuh inti doa keuneulheueh Jurèe Seulamat geutanyoe keu awaknyan sigohlom geupaku ateueh kayèe saléb.... ‘Kon keu awaknyan mantong lôn meudoa, teuma cit keu awaknyan nyang akan meuiman keu lôn meulalu firman awaknyan; mangat awaknyan mandum jeuet keu saboh; lagèe Droeneueh, Bapak, na lam lôn, dan lôn lam Droeneueh, mangat awaknyan pih jeuet keu saboh lam geutanyoe; mangat donya jipeucaya bahwa Droeneueh ka neukirém lôn.’”9
GSAM 348Bahaya Keumandirian Sidroe-droe
GSAM 348.2Bak thôn 1885, keusaksian nyoe geubri:
GSAM 348.2“Saboh hai harôh tajaga, nyan keuh keumandirian sidroe-droe. Sibagoe teuntra lam teuntra Kristus, beuna keuseupakatan lam buet bak meubagoe bideueng buet nyan.”10
GSAM 348Syaitan Galak Peurusak Atôran
GSAM 348.3Lam saboh keusaksian khusuih nyang geupeuteubiët bak thôn 1895 geutuléh,
GSAM 348.3“Alangkah galak haté Ibléh meunyoe jeuet jitamong lamkawan ureueng-ureueng nyoe, dan jipeukacho buet bak watèe organisasi nyang teuatô beuget nyan peureulèe that, dan akan jeuet keu kuwasa nyang paléng rayek keu theun pemberontakan-pemberontakan palsu, dan keu sanggah klaim-klaim nyang hana geupeusah lé firman Allah. Kamoe meuh'eut keu jaga baréh beu rata, mangat bék na reuloh sistem atôran ngon tertib.”
GSAM 348Pujian keu Peulayan
GSAM 348.4Salah saboh hai phôn nyang harôh geupike bak geupeudong atôran lamkawan umat geutanyoe, nyang seusuai ngon keusaksian nyang barô geucok nyan, nakeuh cara keu geuturi ureuëng-ureuëng nyang peusampoe peusan nyan. Phôn thôn 1850 sampoë 1861, rancangan nyang geupeulaku nakeuh geubri keu para peundita nyang ka teubukti meubakat, dan nyata geuteurimong lé Tuhan, dan seujalan ngon banmandum buet, saboh kartu nyang geurekomendasi awaknyan keu persekutuan umat Tuhan di sigala teumpat, nyang isijih sederhana geupeugah bahwa awaknyan geuteurimong lam buet peundakwah Injil. Kartu-kartu nyan geupeutanggal dan geutèkèn lé duwa droe peundita ulèe, nyang geuturi lé umat geutanyoe seubagoe peumimpin lam buet nyan.
GSAM 349Dukôngan keu Peundita
GSAM 349.1Bak musém leupië thôn 1858-59 geubri peurintah nyang meumakna bahwa Alkitab na meusistem nyang leungkap keu dukôngan keureuja peunginjilan, dan meunyoe ureuëng geutanyoe geupelajari bhah nyan dari sudut pandang Alkitab, awaknyan akan meuteumèe sistem nyan. Ngon sabab nyan, saboh kelas Alkitab geupeuna di Battle Creek, nyang geupimpin lé Peundita J. N. Andrews. Lheueh geupelajari Kitab Suci ngon saksama dan meudo'a, saboh artikel geupeusiap dan geupeuteubiet lam Review tanggai 3 Februari 1859, nyang geupeugah saboh rancangan nyang mencakup prinsip persepuluhan. Saboh pidato bhah topik nyan geupeusampoe ubak saboh perkumpulan rayeuk ureueng-ureueng geutanyoe, nyang meugumpôi lam saboh rapat umum di Battle Creek, Mich., bak tanggai 6 Juni 1859, dan geuteurimong ngon suara bulat lé banmandum ureueng nyang na disinan.
GSAM 349Atôran Nyang Ka Geupeuteutap Geupujoe
GSAM 349.2Lam Testimony No. 6, 1861, Tuhan geupeugah meunoe, meulalu Puan White, keuhai atôran nyang ka geuteurimong lé Umat Advent Uroe Keu-Tujôh:
GSAM 349.2“Bèk tacurèe nibak Allah ngon hana tabri persepuluhan ngon kurubeuen gata. Nyan nakeuh buet suci nyang phon keu tabri keu Allah saboh bagian nyang patôt. Bèk na soe peususah gata ngon tuntutan jih sampoe gata curèe nibak Allah. Bèk sampoe aneuk-aneuk gata jicurèe kurubeuen gata nibak mezbah Allah keu keupeunténgan droe jih.
GSAM 349Sistem Persepuluhan keu Peukembang Sifeuet
GSAM 349.3“Sistem persepuluhan nyoe, nyang ulôn kalon, akan jipeukembang sifeuet, dan jipeuleumah keuadaan haté nyang sibeuna jih. Meunyo ureueng-ureueng jipeuhadap masalah nyoe deungon cara nyang beutôi, dan jipeubiyeu keudroe-droe jipeutusôn, awaknyan akan jikalon hikmah dan teuratô lam sistem persepuluhan.”
GSAM 349.4Ngon cara nyan, saboh sistem keuwangan ka geupeudong lam kalangan Umat Advent Hari Keu Tujôh, keu geudukông buet peulayanan, dan jinoe ka geunguy lé umat geutanyoe di ban sigom donya.
GSAM 350.1Lam Review tanggai 21 Juli 1859, seubagoe hasé nibak peurintah nyang ka geubri sigohlom nyan meulalu Testimonies, phon that geusaran mangat tiep-tiep Nanggroe geupeuna rapat thônan nyang lam nyan geupeugöt rancangan buet nyang beutôi-beutôi; dan deungon nyan jeuet geupeusiblah karu nyang ka lazém that na lam cara keureuja peulayan, dan mangat tata cara ngon sistem geupeujak lam buet geutanyoe. Sarén nyan beutôi-beutôi geukalon u keue keu geupeudong organisasi konferensi Nanggroe.
GSAM 350Milék Harta Geurèja
GSAM 350.2Seuiring peusan nyan meukeumang ngon jumeulah ureuëng meutamah, ka teuntèe teujadi meutumpôk hareuta, nyang jeuët keu sabab geupike keu cara sah meunurôt hukôm keu geumat hareuta geurija. Lam saboh artikel dari Peundita White, nyang na lam Review tanggai 23 Februari 1860, geutanyoe tabaca lagèe nyoe:—
GSAM 350.3“Teuma, kamoe meuharap watee nyan hana jioh lé, watee umat nyoe ka na bak posisi nyang peureulèe mangat jeuet geupeu-asuransi atra geurija, geumat rumoh meugumpôi deungon cara nyang beutôi, mangat ureueng nyang geupeugèt wasiet, ngon nyang na hajat geupeugèt nyan, jeuet geupeuteuntèe saboh beunagi keu bagian penerbitan. Kamoe meulakèe bak peumbeuet-peumbeuet ngön syèdara-syèdara nyang pimpin mangat geupeureulèe hai nyan. Meunyoe na nyang hana seutuju ngön usôlan kamoe, tulông tuléh saboh rancangan nyang jeuet geupeubuet lé geutanyoe mandum?”
GSAM 350Organisasi Sah Diteupatéh
GSAM 350.4Bak musém khueng thôn nyoe, na diskusi nyang leubèh kureuëng ramah bhaih subjek nyoe lam Review. Dan lam saboh peuramèe umum waki-waki ureuëng geutanyoe dari Michigan ngon padum-padum boh Nanggroë la'én, nyang geupeuna di Battle Creek dari tanggai 28 September sampoë 1 Oktober, na pertimbangan nyang jujô bhaih subjek nyan, ngon diskusi nyang peunoh ngon bibueh bhaih organisasi sah meunurôt hukôm keu tujuan geumat kantô ngon hareuta geurija la'én—rumoh-rumoh meureumpok, ngon la'én-la'én. Diskusi nyoe na teuseurat leungkap lam Review, Jilid 16, Nombor 21, 22, ngon 23, nyang jipeuteubiet bak tanggai 9, 16, ngon 23 Oktober 1860.
GSAM 351.1Seubagoe hasé nibak musyawarah bak peuramèe nyan, ka geupeuputôh deungon su bulat keu geupeudong saboh asosiasi penerbitan secara sah, dan mangat badan hukum nyan jeuet geupeudong sigra-sigra, ka geupiléh saboh panitia nyang na limong droe anggèeta lé konferensi nyang meusapat.
GSAM 351Nan Denominasi
GSAM 351.2Konferensi nyoe cit geupeutimang bhah nan nyang teuma geunguy keu ureuëng-ureuëng geutanyoe. Hai nyoe lom teuka meubagoe peundapat, na nyang dukông saboh nan dan na cit nyang dukông nan la'én. Nama “Geurija Allah” geu usôi, teuma geu bantah ateueh dasa bahwa nan nyan hana jipeuleumah ciri khusuih iman geutanyoe, seudangkan nan “Adventis Uroe Keutujôh” kon mantong jipeunyata iman geutanyoe bak teuka Almaseh nyang ka rab, tapi cit jipeuleumah bahwa geutanyoe ureueng nyang peujaga Uroe Sabat keu-tujôh. That meusaboh su jama'ah nyan geudukông nan nyang keudua nyan, sampoë watèë geupeugèt pemungutan su, cit sidroë ureuëng nyang lawan, dan hana trép lheueh nyan gobnyan geutarék keulayi keberatan gobnyan.
GSAM 351Nan Nyang Geupeusah
GSAM 351.3Lam Testimony No. 6, geutuléh:
GSAM 351.3“Hana nan la'én nyang jeuet tacok nyang cocôk, seula'én nan nyang seu'suai ngon peungakuan iman geutanyoe, geupeugah iman geutanyoe, dan geutanda geutanyoe seubagoe bansa nyang khusuih....
GSAM 351.4"Nan Adventis Uroe Keutujôh nyan jipeuleumah deungon trang sifeut-sifeut iman geutanyoe, dan akan jipeusadar ureueng nyang galak meutanyong. Saban lagèe aneuk panah nyang teubiet dari raga Tuhan, nan nyan akan jipeuluka ureueng-ureueng nyang meulanggeh hukôm Tuhan, dan akan jiba ureueng nyan bak meunyeusai ubak Tuhan dan meuiman bak Tuhan geutanyoe Isa Almaseh."
GSAM 351.4Hasé nibak kesaksian nyan nakeuh keu peuteuntèe siumu masa peurtanyaan nyoe lam pikéran ureuëng-ureuëng nyang meuiman.
GSAM 351Tugas Saboh Karunia Nyang Seujati
GSAM 351.5Kon nyan keuh wilayah khusuih nibak saboh manifestasi karunia Roh Allah? Paulus geupeugah, awaknyan geupeuduek lam geurija “keu peuseumpurna ureuëng-ureuëng suci, keu buet keurija pelayan, keu peudong tubôh Kristus: sampoë tanyoe mandum trok bak saboh keusatuan iman,” dan la'én-la'én.11 Betapa patôt, lheueh ureuëng-ureuëng meuiman deungon meudo'a ngon meureundah até geulakèe pencerahan, Roh geupeugah haba dan geukheun, “Nyoe kheueh jalannyan; keuputôsan gata nyan beutôi;” dan lheueh nyan “geupeukong” lom geurèja, lagèe lam hai nyoe, deungon geupeugah bak awaknyan keupenténgan praktis nibak peurtanyaan nyan, ngon padum-padum boh hasé jroh nyang teuma teuka dari keuputôsan awaknyan.
GSAM 352Organisasi Geurija
GSAM 352.1Lam saboh pidato nyang geupeusampoe lé Peundita White di hadapan Konferensi Umum di Battle Creek, bak buleuen April 1861, dan geupeuteubiet lam Review, tanggai 11 Juni 1861, gobnyan geupeuturi gagasan keu saboh organisasi geurija geutanyoe nyang leubeh leungkap. Ateuh undangan, sikureueng droe peundita geupeuna kelas Alkitab keu geumita cahya ateuh bhah nyan, dan geulakèe lé Konferensi mangat geupeuteubiet lam Review hasé nibak penyelidikan nyan. Lheueh geupeusampoe keusaksian nibak Kitab Suci keuhai atôran geurèja ngon peujabat geurèja, geupeugah cit bhah waki nyang saban dari padum-padum boh Nanggroe Bagian lam Konferensi Umum, meunan cit waki nyang patôt ngon saban dari geurèja-geurèja lam konferensi Nanggroe Bagian. Bak keunyataan jih, nyoe nakeuh phôn that geupeusampoe gagasan keu na delegasi nyang geupiléh secara sah keu asosiasi umum ngon rasio nyang saban nyang jeuet geusetujui.
GSAM 352Konferensi Negara Bagian Michigan Geupeudong
GSAM 352.2Bak 6 Oktober 1861, Konferensi Michigan geupeudong deungon geupiléh sidroë keutuha, sidroë sekretaris, ngon saboh komite eksekutif nyang na lhèë droë anggèëta. Deungon suë konferensi, geusaran mangat geupeudong organisasi lé geurèja-geurèja, deungon geunguy nyang di yup nyoe seubagoë ikrar geurèja:—
GSAM 352.3“Kamoe, nyang teutuléh di yup nyoe, deungon nyoe meugabông droe jeuet keu saboh geurija, geucok nan Adventis Uroe Keu Tujôh; meujanji keu tapeubuet peurintah-peurintah Po Teuh Allah ngon iman Isa Almasih.”
GSAM 353Surat Izin Peundita
GSAM 353.1Bak konferensi nyoe, phon that geupeuputôh bahwa surat-surat wewenang harôih geujôk keu mandum peulayan Advent Hari Keutujôh lam Nanggroe nyoe nyang na lam keuadaan göt, dan bahwa peulayan-peulayan nyan harôih geuba surat-surat nyang na lam nyan surat peungukuhan peulayan, ngon surat wewenang nyang geutèkèn lé keutuha ngon sekretaris konferensi, nyang surat wewenang nyan harôih geupeubarô tiep thôn.
GSAM 353.2Geupiléh cit deungon su bahwa saboh panitia beu geupiléh keu geupeusiap saboh surat peusan nyang peutunyok bak umat geutanyoe cara-cara atô organisasi geurèja. Surat peusan nyan geupeuteubiët lam Review tanggai 15 Oktober 1861.
GSAM 353Surat Keabsahan Delegasi
GSAM 353.3Bak buleuen Sikureueng, thôn 1862, Konferensi Michigan geupeuna sidang phôn gobnyan di Monterey. Disinan keu phôn that geupeusampoe gagasan keu geuteurimong geurèja-geurèja lam konferensi meunurot cara anggèta geuteurimong deungon su lam geurèja-geurèja. Saweueb tujôh blah boh geurèja di Nanggroe Bagian nyan ka lheueh geupeudong, geurèja-geurèja nyan, meunurot su, geuteurimong lam konferensi; dan banmandum anggèta geurèja-geurèja nyan nyang na hadir geuteurimong seubagoe utôsan.
GSAM 353Gaji Peundita
GSAM 353.4Bak konferensi nyan cit, geuteurimong rancangan keu geubayeue gaji keu para peundita sejumlah pèng tiep minggu ateueh jasa nyang ka geupeubuet. Para peundita geupeuwajéb keu geulapô watee nyang ka geunguy keu buet peundakwah bak konferensi, sajan ngon hasé tamong ngon beulanja gobnyan; dan konferensi nyang teurimong lapôran nyan akan geupeuseuleusoe peumbayaran nyang patôt.
GSAM 353Surat-surat Kuasa Phôn Jipeuleumah Lé Delegasi
GSAM 353.5Bak 20 Mei 1863, Konferensi Umum geupeuna di Battle Creek, Mich. Nyan nakeuh sidang phôn badan nyan nyang bak nyan delegasi-delegasi geuba surat-surat kuasa dari neugara bagian maséng-maséng. Teuma, perwakilan nyan kon meudasajih ateueh dasar jumeulah. Neugara bagian nyang geuwakili bak keuseumpatan nyoe nakeuh Michigan, Wisconsin, Iowa, Minnesota, New York, ngon Ohio.
GSAM 354Konstitusi Konferensi Umum ngon Nanggroe
GSAM 354.1Bak uroe 21 Mei, saboh konstitusi geupeusah lé Konferensi Umum, dan bak uroe nyang saban saboh konstitusi Nanggroe geusaran keu konferensi-konferensi Nanggroe. Nyan geupeusah lam saboh sidang Konferensi Michigan. Konstitusi-konstitusi nyan geuatô dasar meunurôt jumeulah keu perwakilan delegasi lam konferensi-konferensi Nanggroe ngon lam Konferensi Umum. Konstitusi Nanggroe nyang geusaran nyan, rab saban ngon nyang jinoe geunguy lé tujôh plôh duwa konferensi lokal geutanyoe di ban sigom donya.
GSAM 354.2Bak watèe Konferensi Umum, bak musém semi thôn 1864, phôn that geupeusaran bak konferensi Nanggroë mangat geupiléh saboh Komite Audit nyang anggèeta jih ureuëng biasa nyang hana tom geupeukerija lé konferensi lam sithôn nyan, keu geupeubuët sajan komite eksekutif lam hai geu-audit ngon geupeuseuleusoe hitôngan ngon para peundita. Meunan keuh, langkah demi langkah, meunurôt peu nyang geupeureulèe, teutap geupeudong atôran lam buët ngon urusan Po Teuh Allah.
GSAM 354.3Ngon lagèe nyan, ka geupeugah secara ringkas langkah-langkah nyang ka jipeutunyok u arah organisasi resmi buet nyan. Hai nyoe geupeulaku bak watèe denominasi nyan mantong ubit that meunyo tabandéng ngon keadaan jinoe.
GSAM 354.4Watèe Konferensi Umum ka geupeudong deungon leungkap bak thôn 1863, jumeulah mandum utôsan hana ramèe lagèe nyang tanyoe na tiep thôn bak ladôm konferensi lokal nyang ubeut.
GSAM 354Tujuan Organisasi
GSAM 354.5Tujuan nyang keuneuk dicapai deungon organisasi nyan nakeuh mangat hareuta badan nyan jeuet geumat secara sah ngon geu-urus secara hukôm; dan mangat ureueng-ureueng nyang keurija lam buet nyan jeuet geujak seucara seutuju, hana meukacho, saweueb buet geuh nyan geupeubuet ateueh dasar musyawarah, ngon nyan, hana teuganggu. Prinsip-prinsip nyang saban nyang geunguy lam organisasi geutanyoe sampoe thon 1864 geupeusapat cit lam buet nyan watee ka meukeumang ngon meuluwah u nanggroe-nanggroe ngon bansa-bansa la'en.
GSAM 355Organisasi Umum Nyang Geupeudong
GSAM 355.1Seuiring peusan nyan meukeumang, organisasi-organisasi umum nyang berikut nyoe geupeudong, nyang peujabat-peujabatjih geupiléh bak sidang-sidang rutin Konferensi Umum:—
GSAM 355.2The General Conference Association—saboh badan sah meunurôt hukôm nyang anggèeta jih na duwa plôh sa droe, keu geumat hak milék ateueh hareuta meubagoe lembaga di Amirika ngon nanggroe-nanggroe la'én.
GSAM 355.3Dewan Misi Luwa Nanggroe—keu geu-awaih ngon geupeuluwah buet misi di luwa konferensi nyang ka teuatô.
GSAM 355.4The International Tract Society—nyang tugasjih nakeuh geupeusipreuek bahan beuet ngon surat-menyurat, sira geu-useuha peuhah misi-misi barô.
GSAM 355.5The Religious Liberty Association—bidang khusuihjih nakeuh keu geubantu ureuëng nyang geupeunindéh kareuna keuyakinan, ngon keu geupeusipreuek naskah bhah prinsip-prinsip keubebasan meuagama.
GSAM 355.6The International Sabbath-School Association—tujuan jih nakeuh keu geupeudong ngon geupeumaju buet sikula Sabat di mandum bidang.
GSAM 355.7The Medical Missionary and Benevolent Association—buet jih meuhubông ngon pelatihan dokto ngon perawat, peujak sanatorium, rumoh keu aneuk yatim, ureueng tuha, ngon la'én-la'én.
GSAM 355Wilayah Keurija Sampoë Thôn 1868
GSAM 355.8Sampoe thôn 1868, wilayah keureuja kamoe jitamong beunagi Amirika Syarikat blah timu Krueng Missouri ngon blah utara garéh lintang nyang saban ngon garéh blah rot tunong Missouri. Bak watèe nyan, Komite Konferensi Umum cit na lhèe droe anggèeta, ngon presidèn konferensi nyan nakeuh sidroe nibak anggèeta nyan. Lapan boh konferensi lokal mandum na di yup peungawasan Konferensi Umum, nyang meukantô pusat di Battle Creek, Mich.
GSAM 356Pakon Peureulèe Peusaneut Lom
GSAM 356.1Seuiring peusan nyan meuluwah u nanggroe-nanggroe la'én, teuka keupeureulèe keu geupeugöt ulang ban saboh wilayah nyan. Ngon sabab nyan, bak thôn 1897 ka geucok langkah-langkah nyang meutuju u arah nyan; tapi buet atô ulang nyan ka leubèh tuntas geupeubuet lam peuet thôn nyang ka u likôt, bak watèe nyan ka geupeudong Konferensi Umum Éropa, deungon saboh komite eksekutif nyang na peuet blah droe anggèeta; dan Konferensi Umum nyang phon, deungon kantô pusat di Washington, D.C., na saboh komite eksekutif nyang na duwa plôh lapan droe anggèeta, nyang mewakili mandum macam keupeunténgan peusan nyan, dan geugantoe padum-padum boh asosiasi umum nyang ka geupeupiyôh.
GSAM 356Organisasi nyang ka na bak 1 Januari 1903
GSAM 356.2Nyang berikut nyoe dari General Conference Year Book thôn 1904 geupeugah padum-padum boh fakta statistik nyang meunarek sampoe 1 Januari 1903:—
GSAM 356.3Bak watèe nyan buet geutanyoe nyang ka geuatô na dua Konferensi Umum, nyang teudong nibak peuet blah Konferensi Uni, tujôh plôh duwa Konferensi Lokal, ngon peuet plôh duwa misi. Nyan geubagi lagèe nyoe: Konferensi Lokal di Amirika Utara, peuet plôh sikureueng; di luwa Amirika Utara, duwa plôh lhee. Konferensi Uni di Amirika, lapan; di nanggroe la'én, nam. Wilayah misi di Amirika, tamasôk Alaska, Hawaii, ngon New Foundland, limong; misi di luwa Amirika, lhèe plôh tujôh, nyang teuduek lagèe nyoe: Dua blah di Èropa; peuet di Afrika; lhèe di Asia; duwa di Amirika Seulatan; duwa di Afrika Seulatan; ngon nyang la'én di Amirika Teungoh, Meksiko, Hindia Barat, ngon Pulo-pulo Pasifik. Nyang meuhubông ngon misi-misi nyan nakeuh nam plôh tujôh droe peumimpin agama nyang ka geutahbis ngon geubri izin, ngon siratôh lhèe plôh sa boh geurèja.
GSAM 356Meusaboh lam Meubida
GSAM 356.4Jeut keu seumangat that meunyo tateupeue bahwa organisasi-organisasi nyang meubida-bida di meubagoe nanggroe ngon bansa nyan mandum meusaboh lam geupeumaju saboh tujuan nyang rayek, nakeuh keubeunaran ngon keuseulamatan manusia. Kon bak wujud luwa organisasi mantong kamoe peucaya, tapi bak Po Teuh Allah, nyang peujeuet keuteuraturan. Deungon beureukat Gobnyan ateueh buet meusaboh ngon meuharmoni ureueng-ureueng geuh, jeuet takalon betapa jroh ngon seunangjih meunyo “banmandum hai geupeubuet deungon sopan ngon teuratur.”