Odhai 15 — Dal·bata Seng·ani aro Dal·batgipa Aiao Inmananirang
GSAM 235.1“Seng·atako man·ani ja·mano, na·simang dukrangni dal·gipa dakgrikaniko chakchikgipa skangni salrangko gisik ra·bo; changsao na·simang manenganichi aro duk on·anichi manderangni nirokani ong·aha, aro changsao indake dakako man·giparangni ripeng ong·aha.”1
GSAM 235.21844-ni ka·donggijani intaltal Rongtala ba toromni biap aro Gittamgipa Salgini s·greni aga·ata katni gimin rongtale seng·aniko parakatona kingking somoia dingtangmanchagipa dake niani somoi ong·achim. Batanggimin cholo an·tangtang kakket ong·achim ine mangrake dongkugipa Adventistrangara, Aga·ata kat chu·gimikan chu·sokgijani ong·aha ine chanchigiparangna, bebeko agangenchimode, “nirokani” ong·aha; aro iani a·sel uamang namen manengako man·aha. Bebera·anichi Gitelko rim·kingkinge Uni Gisik Rongtalgipani dongpaaniko man·mitingo uamang iako katchae chakchikna man·achim.
GSAM 235Minggni Dingtangmanchagipa Choloniko Dakgrikani
GSAM 235.3Adventist manderangko dakmajona Satan minggni dingtangmanchagipa cholko jakkalaha. Skanggipara, katchinikani somoi bon·aha ine mangrake bebera·giparangko, Kristoni gnigipa re·baaniara gisikni gita re·baanisa ong·a, aro Ua Sal 2300-ni bon·ao maiba cholchi re·baaha ine bebera·atna jotton ka·ani ong·achim. Gnigipara, batanggimin chagronganini gimin jajrenggiparangko pilakkon watgalatna cholani ong·achim. Uni gimin, Rongtala ba toromni biap aro Gittamgipa Salgini s·greni aga·ata katni gimin bebeko Sastrooniko ka·sine parakatmitingo, Katchinike aganani on·anichi Isolni Gisikni Aga·ata kattarang batanggimin cholko mangrakataha. Uko Isol ramani a·bachengao don·gimin, songjinmaona kingking rama gimikna teng·suchina on·gimin “ching·gipa seng·ani” ine mingaha, aro Kristoni Gnigipa re·baaniara chongmotgipa aro An·tang bimangchi re·baani ong·gen ine mesokgipa Sastroni sakkirangko mesokaha; uni gimin ua “salrangni” bon·ao ong·gipa obostade ong·na man·jawa.
GSAM 236Aiao Inmangipa Parakatanirang
GSAM 236.1Ia bon·kamgipa salrango Gitel An·tangni manderangna Nikanirangchi agangenchimode, ua parakatanio Isoloni ong·ani rongtalgipa chinrang donggen ine an·ching ka·dongjawama? Ia chinranga Mrs. E. G. Whitena on·gimin Nikanirango rongtale nika. Odhai 13-o mesokaha gita, Nikanirang an·tangtangan aiao inmangipa kam ong·a; indiba uni skanggipa Nikanirang baksa nangrimgipa bang·a aiao inmangipa obostarang donga, jekon na·a ia ki·tapko porairoroao nikgen. Manderangni gisikko salna aro Mose gita, “Anga an·pile ia dal·gipa nikaniko nigen” ine aganatna Isolni tarigimin indakgipa on·anio iana agre gipin dake ong·gen ine an·ching chanchina man·ama? Gopramona napnasienggipa gita nikgipa, kangal, saa bilgri aro bilgrigipa me·chik bi·sa saksa, Gitel una Nikaniko on·aha ine agana mangmangde iako dakna chu·ongjawachim. Nikanirang baksa nangrimgipa aiao inmangipa parakatanirang uarangna gisik nangatbebeaaha; aro gipinrangna u·iatchina Gitel uni aganna ge·etgiminrangko agane on·na, biap ge·saoni ge·saona re·angchina ua me·chik bi·sako okamaha.
GSAM 236Gittamgipa Nikanio Dingtangmanchagipa Mesokanirang
GSAM 236.2Uni pagipani noko on·gimin, Odhai 13, jak 212-o janapgimin uni gittamgipa Nikani gimin maiba ong·bebegipa kattarangko anga iano agangen. Iarangko Mrs. Whitena pagipa aro ma·gipa, uni noabigipa Srimoti Sarah Belden aro gipinrang angna agane on·aha.
GSAM 236.3Nikaniko on·gipa dringni ning·o, kaprang gnanggipa almarini kosako nokdangni dal·begipa Sastro dongachim. Uan 1822 bilsio Boston-o Joseph Tealeni chapa ka·giminrangoni king·sa ong·achim. Ki·tapara ro·ao inchi 18, apalo inchi 11 aro ritchaao inchi 4 ong·a, aro jrimao paun 18-na bate ontisa ong·a. Nikanio dongmitingo ua chakat·e ia jrimbea Sastroko an·tangni jakasio de·aha; ki·tapko oe, an·tangni be·en baksa digri 90 ong·e mikkangchi jakko snile rim·e donaha. Unikoa adha kontana baten, jakrachi jakrangko wilwilate Sastroni dingtang dingtang kattarangko jaksi on·mesokaha, aro mikrontangrangko kosakchi niate ki·tapko niani pal uni bikpilchipak nimitingo ua kattarangko aganaha. Uni noabigipa Sarah (ja·mano Stephen Beldenni jikgipa ong·gipa), ba basakobade uano donggipa gipin mande, uni jaksi mesokgipa kattarangko pilakkon niaha; aro changantian uni jaksi donggipa Sastroni kattarangkon ua aganenga ine rongtale nikaha. Ma·gipa Harmon aganaha je uni demechik Ellen “ramram somoio bil chu·onggijanina, ua jrimbea Sastroko almari kosakoniko de·na man·jachim; indiba Nikanio ua uko, jepango ra·bitgipa Niam Gitalsan ong·a gita, altue rim·e dona gita nikachim.”
GSAM 237.1Iara bebeko aiao inmanani ong·achim!—Paun 70-san jrimani bilgri me·chik bi·sa saksa, bilakgipa me·asa saksa minit gninaba rim·e donna amgijagipa cholchi adha kontana baten jrimbea Sastroko rim·e donaha. Aro, mikronrangko kosakchi niate ki·tapni bikpilchipak nimitingo, ua dingtang dingtang jakrangko wilwilate Sastroni kattarangko jaksi on·mesokaha, aro changantian uarang uni agangipa kattarang baksa apsan ong·achim. Bon·chote, ka·sop il·enggijagipa aro be·eno rang·sitani donggijagipa mandeoniko ku·rang ong·kate mesokgimin Sastroni kattarangko kakket dake aganaha. Iako mandeni bilchi dakaha ba saanini a·sel ong·aha ine matnangna bebeko man·jawa. Iako nikgiparang wa·al ching·gipa bu·rongoniko agangipani Gisikni rongtalbegipa parakatani ine ra·chakaha. Me·tra Harmonni gittamgipa Nikanio indakgipa parakatanirangni gimin u·igipa biaprangode, Nikanirango mandeni sima gnanggipa bilna batgipa bil donga ine bebera·na gita bilakgipa sakkiko uaranga ra·baaha.
GSAM 237Topsham-o On·gimin Nikani
GSAM 237.2Iani ja·mano dikdiksaosan, Portland, Maine-oniko salaram aro salgipengni gisepchipak mail 30 mang chel·gipa Topsham-o donggipa Adventistrangni dol, Me·tra Ellen G. Harmon baksa Gitelni dakgimin kamrangni gimin knae, uko ua biapona okamaha. Uko ra·chakaha, aro indaken ua Topsham-ona skanggipa chang re·angaha. Ua somoio Adventistrangni tom·bimonganirangko Srijut Curtissni noko ong·atachim. Oakland, California-ni Srimoti Frances Lunt (skango Me·tra Frances Howland ong·gipa), Januari 19, 1890-o see ia ka·mao donggipa kattarangko angna on·aha:—
GSAM 238.1“1845-o anga pagipani nokdang baksa Topsham-o Adatang Harmonni tom·bimonganirangona re·angpaaha, aro ia tom·bimonganirango ua Nikaniko man·aha. An·ching uko Nikanio nikani ian skanggipa chang ong·achim. Jong-gipa Curtissni skangni rokomni Sastrorangoni king·sa [paun 18 jrimani Tealeni Nokdangni Sastro] dongachim. Nikanio dongmitingo Adatang Harmon ia dal·bea Sastroko almari kosakoniko de·ra·aha, aro ki·tapko niatgija kosakchi mikronrangko niate dongmitingo, jak ge·saoni ge·saona wilwilate Sastroni kattarangko jaksi on·mesokaha. Uni agangipa kattaranga skiani, ka·dimeatani ba manengani kattarang ong·achim. Ua somoio parakatanini gipin dingtangmanchagipa bewalara ki·tapko rim·e donani ong·achim. Uko an·tangni ogimin jakpao digri 45 ong·e rim·e donachim; indiba indakgipa cholchi king·sa ki·tapkoba jakoniko rang·sanan chotwatgija donna gipin darangba amjachim. Adatang Harmonde minit bang·ana ua Sastroko jak baksa nangchapgimin gita rake indaken rim·e donaha, aro uni gisepon dringni ning·o saksaoni sakgipinona re·roroaha.”
GSAM 238Srimoti Truesdailni Saki On·ani
GSAM 238.2Ia apsan Nikani gimin gipin kattarangara Trenton, Mo.-ni Srimoti M. C. Truesdailoniko ong·a, jeko Januari 27, 1891-o seaha. Ua indine agana:—
GSAM 238.3“1845-o anga bilsi 15 ong·achim; aro Adatang Harmon Topsham-ona skanggipa chang re·ange, Jong-gipa Curtissni noko Nikaniko man·mitingo anga uano dongpaachim. Uano ua dal·bea nokdangni Sastroko de·e jakni kosako indakgipa bewalo rim·e donaha je, ua rokomo rim·ode gipin darangba ki·tapko jakoniko rang·sanan chotwatgija rim·e donna amjachim.
GSAM 238.4“Adatang Harmon konta gnina baten Nikanio dongaha. Angni nikgimin Isolni bilni parakatanirangoni ian aiao inmanbatgipa ong·achim, aro anga uko Nikanio chang 12-na baten nikmanaha. Iarang pangnan ning·tue gisik on·ani aro an·tangko sandie niani somoirang ong·achim, indiba iara pilakna baten ong·aha. O! Salgini Rasong Gnanggipa An·tangni bilgrigipa jakkalanichi an·chingko skimitingo an·ching baditan moachim! An·chingni dukni obostao ka·dimeatbegipa aro kragipa kattarangko ua an·chingna poraie on·mitingo indake ong·achim; uarangara Ibri 2:2, 3; Jakob 5:7, 8; Ibri 10:35, 39; 1 Pitor 1:7; Luk 12:32-37 aro gipin bang·a kattarang ong·achim. Ua dal·bea nokdangni Sastroko inditan chue rim·e donahachim je, uni jaksi mesokgipako poraina anga asongchakani kosako chadengna nangaha. Adatang Harmon angna bate inchi 2-na baten chua ong·aha ine anga chanchija.”
GSAM 239.1Indakgipa parakataniranga mandeni bilna batgipa maiba bil ua sontolgipa jakkalaniko sason ka·enga ine gisik kakketo nigiparangko bebera·ataha; aro uni re·bae Saki on·aniko agane on·china New Englandni dingtang dingtang biaprangoniko okamanirang re·baaha.
GSAM 239Jakchi Kam Ka·ania Pap Ine Skiani
GSAM 239.2Iani dikdiksa ja·mano, jakchi kam ka·ania pap ong·a ine bebera·gipa manderangni dongram Paris, Maine-ona re·angchina Me·tra Harmonko Nikanio ge·etaha. Woodstock, Maine-ni Gipi Stephens ia ong·gija skianini dilgipa ong·achim, aro gipinrangni kosako bilakbee uni gisik salani dongachim. Ua skango Methodistni skiprakgipa ong·achim, aro uko sontolgipa, kakketo donggipa Kristian ine chanachim. Bebena uni bimchipani aro rongtale tanggipa gita nikani a·sel bang·a manderang uo ka·dongaha, aro mitamrang uko Isolni dingtangmancha dilgipa ine bebera·aha. Gitel Me·tra Harmonna uko manengani kattako on·aha. Kam ka·aoni an·tangko ra·rikani, an·tangni ong·gija skianirangko gipinrangna drae ra·chakatani, aro uarangko ra·chakgijagipa pilakkon dos on·anichi ua Isolni kattani kosako dakenga ine ua aganaha. Uni ong·gijaniko u·iatna Gitelni on·gimin pilak sakkirangko ua jechakaha, aro an·tangni dosrangko ku·rachakna sikjaha. Ua an·tangni gisikona re·bagipa chanchianirangko ja·rikaha, aro neng·begnigipa songreanirangko dake chel·bea biaprangona ja·achi re·angaha; indiba uarangode manenganikosan man·aha. Ia pilakon ua Kristoni a·sel duk chakenga ine chanaha. An·tangni chanchie u·iani aro bichal ka·ani bilko ua galaha.
GSAM 239.3Me·tra Harmonni Saki on·ani aro ia obostani bon·kamani gimin, ua somoio Paris, Maine-o donggipa Srimoti M. C. Truesdailoniko man·gimin chitioniko anga ra·e agangen. Kosako agangimin baksa apsan ong·gipa mitam obostarangko aganani ja·mano, ua indine agana:—
GSAM 240.1“Uamangni dilgipa Jesse Stephensna agre pilakan an·tangtangni dosko ku·rachakaha. An·tangni ong·gijanirangko ku·rachake sontol ong·jaode, dikdiksaosan an·tangni janggi tangani cholko bon·atgen ine Adatang Harmon uko mikrakataha. Iara maiba cholchi ua an·tangko so·otgen ine katchinike aganani ong·a ine pilakan ma·siaha.”
GSAM 240.2Uni obostani ja·mano ong·gipara indake ong·aha:—
GSAM 240.3“Uni chongipa dol uko watgalani ja·mano ua gisiko namen duk ong·aha, aro dikdiksaosan gisikni bilko gimaataha; namgijagipa manderangni song·gimin cha·aniko cha·na sikjaha. Anga Massachusetts-oniko pil·baaha ine ua knakujachim, aro anga uni saljatchini cha·aniko ra·ange on·aha. Ua kelkini chongipa kil·dikoniko be·grini gita ran·begipa jakko snile sing·aha, ‘Adatang Marion, Isol iako ra·e nang·ko watataha ma?’ Angni aganchakna jajaaniko nike ua uko cha·e nina sikjaha. Bebera·gijagipa uni jongadani noko chongipa dring ning·o chipchangako man·e donggipa uni dukni obosta, salgioni inditan ka·sae una watatgimin, indiba uni gisik rakanichi jechaksogimin mikrakatani kattako angna gisik ra·ataha. Ua dukni grongani ja·mano salgni ong·oa uko an·tangni nokdangona rimangaha; uano dikdiksaosan tuanini ba·rarangchi buduko dake ua an·tangko so·ote janggi tanganiko bon·ataha.”2
GSAM 240Katchinike Agansoani Chu·sokaha
GSAM 240.41845-ni ding·kari somoio, Otis Nicholsni okamanichi, Me·tra Harmon Massachusetts-ona re·angaha; uni noabigipa Sarah un baksa re·angpaaha. Uamang Srijut Nicholsni nokdang baksa dongaha. Ua aro uni jikgipa an·tangtangni garichi uamangko dingtang dingtang biaprangona tom·bimonganirangko ong·atna rimangachim, aro uano Me·tra Harmon an·tangni Saki on·anirangko agane on·achim. Indake ua Boston, Roxbury aro Carver-ona re·angna man·aha. Uamang Massachusettsni Boston-ona gnigipa chang re·angmitingo, gisik nangatbegipa ong·a obosta ong·aha.
GSAM 240.5Boston aro uni samtangtango gisik bimchipgipa ong·gija skianiko ra·chakgipa dolsa manderang dongachim; uamangba kam ka·ania pap ong·a ine bebera·achim. Uamangni mongsonggipa Aga·ata katara, “Na·simangni gnangko pale kangalrangna on·bo” ine ong·achim. Uamang an·tangtangko jakgitelatani bilsio donga, a·a neng·takna nanga, aro kangalrang kam ka·gija aldako man·na nanga ine aganachim. Sargent, Robbins aro mitam gipinrang uamangni dilgiparang ong·achim. An·tangtangni ong·gijanirangko mesokgimin ong·ani a·sel, uamang Nikanirangko diaboloni ong·a ine dos on·aha. An·tangtang baksa apsan bebera·gijagipa pilakni kosako uamang ka·namgija dakachim.
GSAM 241.1Me·tra Harmon aro uni noabigipa Srijut Nicholsni noko dongmitingo, Sargent aro Robbins unoniko dakchakaniko am·na Boston-oniko re·baaha; aro uamang uko grongna aro un baksa walsa dongna re·baaha ine aganaha. Sarah aro Ellen Harmon noko dongenga aro uamang ia me·chik bi·sarang baksa u·igrikna ua skenga ine Srijut Nichols uamangni re·baanina katchaaha ine aganchakaha. Uamang rang·sanan gisikko dingtangataha, aro nokning·ona napchina mol·moloba man·jaha. Ellen Boston-o uni Aga·ata katko aganna man·genma, aro uamang knae ja·mano bichal ka·genma ine Srijut Nichols sing·aha. “Oe,” ine uamang aganaha, “re·bagnigipa Neng·takani salo Boston-ona re·babo [uamang Robibarko miksongachim, maina uamang Neng·takani salko ra·chakkukujachim]; chinga uni kattako knana cholko man·na ska.”
GSAM 241.21858-o Dorchester-o an·tangni noko Srijut Nichols iako angna agane on·aha. Me·tra Harmonko miksonggimin tom·bimonganiona rimangna, Neng·takani salni pringo an·tangni garichi Boston-ona re·angna pilak tarianirangko dakmanahachim ine ua aganaha. Ua attamo, nokdangni bi·ani somoio ua Nikanio napaha. Uaoni ong·katani ja·mano, ua aganaha, “Jong-gipa Nichols, knalo anga Boston-ona re·angjawa; anga Randolph-ona re·angna nanga ine Gitel angna mesokaha. Uano angni ka·na nanggipa kam Uni donga.” Srijut Nichols an·tangni ku·rachakaniko namen gamchatnikachim. Knalo uko Boston-ona rimangna ua ku·rachakmanaha, aro ua jajrenge sing·aha, “Sargent aro Robbinsna angni on·gimin kattako anga maidakgen?” Me·tra Harmon aganaha, “Uani gimin jajrengnabe; Gitel angko gipin ramachi re·angchina ge·etaha.” “Indide,” ine Srijut Nichols aganaha, “anga iako ma·sija.” Me·tra Harmon aganaha, “An·ching uano sokon ma·sigen ine Gitel angna mesokaha.” “Indide,” ine Srijut Nichols aganaha, “chinga re·ange nang·ko rimangjaode na·a uano sokna gipin chol dongja; indiba Bostonni Jong-giparangna anga obostako maikai talatgen uko u·ija.”
GSAM 241.2Srijut Nichols angna indine agandapaha, “Adatang Harmon Nikanio uamangni cha·chipilaniko nikaha: Neng·takani salo Boston-o tom·bimongani dongjawa, indiba Sargent, Robbins aro gipin bobil dakgiparang Neng·takani salo Randolph-o (Boston-oniko mail 13 chel·ao) dal·gipa dol baksa tom·bimonggen; aro an·ching Neng·takani salo Randolph-o uamangni tom·bimonganio ua bobil dakgiparangko grongna nanga. Uano uamangna on·na uko Aga·ata kat on·gen, aro uni Nikaniranga Giteloniko ba Satanoniko ong·a, uko gisik kakketgipa aro skangoni bichal ka·gijagipa manderangna bebera·atgen.” Boston-ona aro uni ja·mano Randolph-ona re·ange mail 22 songreani pal, uamang Randolph-onan tik re·ange tom·bimongani somoi mango sokaha. Uano uamangko Boston-o grongna ku·rachakgipa uamangkon nikaha. Unon Srijut Nichols aganaha, “Da·o anga ma·siaha.”
GSAM 242.1Me·tra Harmonni Saki on·aniko gelna Sargent aro Robbinsni ia jotton ka·ani, aro uamangko grongna gita uko dilgimin bewal, uano donggipa mitamrangni gisikko namen nangataha. Ua tom·bimongani gimin Srijut Nicholsni on·gimin serikaniko anga ra·e agangen:—
GSAM 242Aiao inmanpilgipa Mesokanirang
GSAM 242.2“Adatang Ellenko aiao inmanpilgipa mesokanirang baksa nikani-ni ning·o rim·angaha, aro nikani-ni dongmitingo rongtalbeo aganaangaha; uni ku·rangko donggipa pilakan sal napani somoiona name knatimaha. Sargent, Robbins, aro French nikani-ni dongmitingo Adatang Ellenko agananiko knana namen ka·onanganio dongaha; uamang iako diabolni ong·a ine aganaha. Uamang nikani-ni bilko nisiatna pilak bilko joljole jakkalaha. Uamang apsan ong·e namen ring·aha, aro gipin somoio Sastroniko bilakbee aganaha aro pora·aha, indake Ellenni ku·rangko knana man·jawa; uamangni bil bon·e, uamangni jakrang pora·na man·gija ken·ken ong·aha. Indiba ia pilak knalani aro jegrikanio Ellenni rongtal aro chrikani gam·agita ku·rang, ua nikani-ni dongmitingo agananiko, donggipa pilakan knatim. Uamangni jegrikani uamang agana aro ring·na man·jaskal dongkuaha, uamangni mitam ripengrang uamangko man·ija agane dontongchina aganoba. Indiba Robbins aganaha, ‘Na·simang miteona ja·rikaha: na·simang sonani matchu bi·sako olakkia.’”
GSAM 243.1“Noko nokgipa Thayer, Robbinsni agan gita uni nikani diabolnion ong·a ine chu·gimik ka·dongjaha. Ua uko maikai dake nina man·gen ine nangnikaha. Satan-ni bilchi ong·gipa nikanirangko Sastroko oe nikani-ni ning·o donggipa mandeni kosako donode dondikata ine ua knaaha, aro Sargentko indake dake naina man·genma ine sing·aha; indiba ua jechakaha. Unikode Thayer tebilni kosako donggipa aro bang·e jakkalgijagipa dal·gipa, kragtang nokni Sastroko ra·e, uko oe Ellenni ka·bak kosako donaha; ua nikani-ni dongmitingo nokni konachi pakmaro pangchake dongachim. Sastroko uni kosako donmano, ua rang·e chadengaha, aro Sastroko jaksa oe chuatang·e nokni gisiko re·angaha. Uni mikronrang salgiona mikrakbee dongmitingo, ua rongtalbee aganaha, ‘Isoloni on·gimin agangimin sakki,’ ba indakgipa miksongani kattarang. Unikode Sastroko jaksa chuatang·e, uni mikronrang uko nikgija salgiona dongmitingo, gipin jakchi Sastroni podrangko dingtang dingtang oe, mitam podrangni kosako jaksachi mesokaha aro uarangni kattarangko rongtale aganaha. Donggiparangni bang·an uni mesokgipa podrangona niahachim, uni ku·rangko chongmot aganama ine ninaa, maina uan somoio uni mikronrang salgiona niengachim. Mitam podrang namgijarang aro Isolko kal·stapgiparangni kosako bichalrang ong·aha; gipinrang an·chingni da·o obostana dakchakgipa aganani aro skianirang ong·aha.”
GSAM 243Uni Ro·batsranggipa Nikani, Konta Dokna Bate
GSAM 243.2“Ia obostao ua attam gimik sal napani somoiona nikani-ni ning·on dongaha; unon nikani-oniko ong·katbaaha. Ellen nikani-ni ning·o rang·e chadengchengaha, jako dal·gipa oe donggipa Sastroko ra·e nokni gisia re·angmitingo Sastroni podrangko aganon, Sargent, Robbins, aro French ku·rang donggija ong·aha. Somoini donggipa bang·a gipinrang baksa uamang dukko man·aha; indiba mikronrangko chigipae uamangni ka·tongni chanchianiko aganaoni jechakaha.”3
GSAM 244Harmon me·chikni Bia Ka·ani
GSAM 244.130-08-1846, E. G. Harmon me·chik aro Gipi James White bia ka·e nangrime, aga·ata kattana dal·bate dakchakna apsan kam ka·aha. 1847 bilsio uamangni kamrang bang·bate Maine aro Massachusetts-o dongaha.
GSAM 244.204-ni skanggipa Neng·takani salo, Topsham-o Stockbridge Howlandni noko, jeo ua somoio metingrang bang·bate dakachim, Mrs. White-na namen mikrakgipa nikaniko on·aha. Ia nikani Skanggipa Seani-o agangimin nikani ong·a; uano ua rongtala ba toromni biap aro uni nokni bosturangko, neng·nikani somoiko, rongtalgiparang songoniko katangako, namgijarang uamangko bao gapatako, Isolni ku·rangchi uamangko jokatako, Jubilni sal-ko, Gitelni meg·chiani rathao re·baani-ko, aro gipinrangko nikaha. Ia nikani dongmitingo uni dakgimin mitam dakbewalrangko nina namgen.
GSAM 244Nikani-ni Ningsao Bang·a Sastrorangko Jakkalani
GSAM 244.3S. Howlandni demechik Frances Lunt me·chik, 19-01-1890, angna indake aganaha:
GSAM 244.3“Metingrang dakgipa nokni baksa tebil dongachim; tebilni kosako ma·a ma·a dakgipa ki·taprangni gisepo dingtang dingtanggipa ki·taprang dongachim, uarangni gisepo bang·a gita dakgipa Sastrorang dongachim. Nikani-ni ning·o dongmitingo, Mrs. White rang·e chadengaha, tebilona re·angaha, aro gipin ki·tapko dangtalgija Sastro kingsa ra·aha. Ua uko oe jakasichi an·tangni skoni kosako chuatang·aha, aro jakrani jaksiotrachi ua poraigipa Sastroni kattarangko mesokaha; ua ua mandeni mikkango chadengmitingo je mandena ua odhaigipa ong·achim, unon ua oe donggipa ki·tapko ua mandeni ka·bak kosako donaha. Ua tebilona pil·angaha, gipin Sastro kingsa ra·aha, aro apsan dakbewalo gipin Sastroni podko agane, ua mandeni ka·bak kosako oe donggipa Sastroko donaha. Ia kamko mande sakdok mangna dakaha; unikode ka·sachakgipa dakbewalo asongani donga-o asongaha, uni mikronrang jringjrotna salgiona aro ki·taponiko chel·e dongachim.”
GSAM 245.1Ia gimin Truesdail me·chik indake agana:
GSAM 245.1“[04, 1847] ang dongachim, Adatang White tebilona re·angaha aro tebilni kosako donggipa ki·taprangni giseponi Sastro kingsa kingsa ra·aha, aro je mandena Sastroni pod dongachim, uni ka·bak kosako Sastroko donaha. Uni mikronrang salgiona chuatangmitingo ia kamko dakaha. Ia somoio ua ang baksa aganmitingo Sastroko an·tangni kosako chuatang·aha; unikode uko angni ka·bak kosako donaha. Angna on·gimin podara 2 Korinthirang 6:17 ong·achim.”4
GSAM 245.2Frances Lunt me·chikni chitthio, ua ia somoio donggipa manderangoni gittamni bimungko aganaha; uamangni kosako Sastrorangko donachim, aro Mrs. White uamang baksa aganmitingo sakprakni pod gimin aganaha. Ua bimunggrangni gisepo Truesdail me·chikni bimungba dongachim.
GSAM 245Skanggipa Kamo Adventistrangni Gisepo Ong·achim
GSAM 245.3Harmon me·chikni kam, katchinike aganani on·anini dilanio, 1845-ni 01 oni 1846-ni brispringona, karibu ja 18, Kristoni sepang re·baanio “bebe donggiparang” baksa ong·achim, uamang baksa ua skang nangrime dongachim. Sal 2300 bon·mano (22-10-1844), uamangni ka·donggijani-ni a·sel aro ua somoio ong·gimin obosthani miksonganiko u·ijaskal, bebe donggiparang ong·gijagipa chanchianirangona seng·angna, ba uamangni skangni chagronganiko chu·gimik watgalna, kenaniko dongachim. Uamangna uni agananiara indake ong·achim: “Skangni chol Isoloni ong·achim. Na·simangni bebe-ko rim·kingkingbo. Gitel uni manderangna kam dongkuenga. Sastroko poraibo. Kattako sandibo, aro na·simang seng·aniko man·gen.”
GSAM 245.4Ia skiani Gitelni miksongani baksa apsan ong·a. Uni manderangna on·gimin dingtang dingtang aga·ata kattarangko uamangni somoio uni kattarangoniko parakna nanggen ine uni miksonganide jringjrotna ong·ahachim; aro unon katchinike aganani on·ani “gnigipa dakbewalo” re·bae, bebe donggiparangko ka·dongatna aro bilakatna ong·a.
GSAM 246.1Ia bebe-ni namen mesokgipa dakmesokaniko Watatarangni Ki·tapo Corneliusni obostao nikna man·a. Isolni sa·greni saksa uaona re·bae uni an·tangni nokning·o uaona nikani on·aha. Ua sa·gra nama kattani bebegipa kattarangko u·iaha, aro uarangko Corneliusna skina man·genchim; indiba ua jokatani man·gipa mandena dangdike Corneliusna nikani on·na watatako man·aha. Ua uni olakkianirang aro Isolna on·kangani Gitelchi ra·chakako man·aha ine uko ka·dongataha. Ua una nama kattako aganjaha, indiba Joppa-o matburung bigil kam ka·gipa Simonni noko donggipa Peterko okamatna aganaha. Peter re·bae Sastroni katta gita Corneliusna Kristoni nama kattako aganaha.
GSAM 246Katchinike Aganani On·anini Biap
GSAM 246.2Ia biapona sokbaon, Gitelni kattarangon ua mesokgimin gita on·gimin on·anirangni mikkangchi ong·atani niamko niatna namgen. Paul Korinthirangna seani chitthio iako agana: “Isol mondolion mitamko skanggipa watatarang, gnigipa dakbewalo katchinike agangiparang, ong·ataha.”5
GSAM 246.3Apostolni ia on·anirangni nama kattani kamo nangrimani gimin agangimin kattarangko niatmitingo, ia orderni miksonganiko rang·gipa u·ia. Ia on·anirangko nisusaa, Paul agana: “Maina ku·sikrang chin ong·a, bebera·giparangna ong·ja, indiba bebera·gijagiparangna ong·a; indiba katchinike aganani bebera·gijagiparangna ong·ja, indiba bebera·giparangna ong·a.”6 Gitelni niamara, a·gilsakna uni dingtang dingtang aga·ata kattarang uni kattarangoniko on·gimin ong·na nanggen; uni gimin ua manderangko Sastrorangko sandina aro apostolrang gita re·angna, Gitelni aga·ata kattarangchi ka·tong gapatgipa ong·e chasongrangni dake nianio chadenggipa Sastroniko uarangko agananina chakatata. Bebe donggiparang chakatatako man·oba, katchinike aganani on·ani “gnigipa dakbewalo” re·bae “rongtalgiparangko chu·sokatna, dangdikanini kamna, Kristoni be·enko rikna” an·tangni bakko chu·sokata.7