Adventist Pioneer
Library
aplib.orgLibrary
Table of Contents
01 / 31
01 / 31

Amang'ana 'Ogochakera

John Norton Loughborough

GSAM 3.1EBITABU ebinge ebigwenerete bikire koba ase amaboko y'abanto. Engencho yane y'okomenta ekinde ase omobaro ogo n'eye: ase amarongo aya nigo ngokwana amang'ana amange igoro y'Abaganyi b'ogocha kwa Kristo, kobua mono Abaganyi b'ogocha kwa Kristo abarendete Esabato, aya atana koerigwa abanto ase enchera eye. Naende abanto abange abaanchire omoremo ogo ase emyaka yanyama, abatana korora amang'ana aya akwanirwe, basabire mono ng'a baria baatang'aniire ase omoremo babatebie amang'ana aya y'ekeene na buna barenge. Ekiagera namanyete obwatanio bw'ogocha kwa Kristo ase 1843 na 1844, na korwa omotienyi omotang'ani 2, 1849, narandia amorokererio aya, ritang'ani buna Omoganyi bw'ogocha kwa Kristo, na korwa 1852 buna Omoganyi bw'ogocha kwa Kristo orendete Esabato, nindorire ng'a nomogoko “gokwana amang'ana naroche na koigwa.”

GSAM 3.2Natebire amang'ana y'obwatanio bw'ogocha kwa Kristo, obwo korwa 1831 goika 1844 bwayarire goika ase kera ense yamenyete obomenyi bw'ense eye.

GSAM 3.3Korwa 1845 biaba ebieombe binde bi'Abaganyi b'ogocha kwa Kristo ebirandirie, na bigendererete korandia, ng'a ogocha kwa Kristo nkore ang'e. Tinarigeti korondora ebieombe ebio bionsi. Egetio kiane nigo kiaba goteba ase oborambanu omochakano n'okogenderera kw'Abaganyi b'ogocha kwa Kristo abarendete Esabato. Nkorokia mono chinchera echio, ase oborendi bwa Nyasae, chiakonyete kobagua abanto aba korwa ase obotaka n'omochakano omonini. Nonya bare ang'e 100,000 oka, abande b'ababisa babo batebire, “Ase chinguru n'omokia bagokorera, omonto nanyare kurengereria ng'a mbare 2,000,000.”

GSAM 3.4Nonya abamanyete amang'ana make oka y'ebiro bi'Abaganyi b'ogocha kwa Kristo abarendete Esabato bamanyete ng'a korwa 1845 Omokungu E. G. White abwatanete mono n'obwatanio obo, ase okogamba n'okorika. Naende bamanyete ng'a emeremo yaye yabwatanete n'amang'ana 'ogokora ay'engencho eyemo, gose ebiegwa. Naboire ribaga koba agwo na korora ogokora kw'ekeegwa eki ang'e chingaki 50. Ase amarongo aya noroketie amang'ana ang'e 26 Omokungu White abanete ayagiire goika goikerana ase oboronge mono.

GSAM 4.1Igoro y'aya inche omonyene naroche, namentete oborori bw'abanto bande baroche namaiso abo, igoro y'aya baetiremo. Amang'ana ay'ekeene aya agwenerete koba n'oboreito obonene ase omosomi ore n'enkoro y'oboronge kobua amang'ana 'ogokwana bosa y'abanto abatana koba agwo ekero amang'ana ayo yaabire.

GSAM 4.2Nkaeire abasomi omoremo ogo, ngosemeria ng'a, ase ogosesenigwa kwa Nyasae, ogosoma kw'amarongo aya nigo koranyare kogendereria omoremo wa Kristo ase chinkoro chinyinge. Negenire ng'a bonsi, ekero bagosoma, nibarinyore amang'ana Paulo atebirie Abatesaloniki, “Teema ebinto bionsi; bwata ekere ekiya.”

GSAM -J. N. Loughborough. Mountain View, California, omotienyi wa gatano 1, 1905.

Note

Back