Etwalemo
GSAM 3.1Opo panopa omikanda dihapu di nawa momakono govanhu, netomheno lange lokuwedela omukanda umwe vali okuti moomukanda umo ohandi holola iiyuma ihapu i li kombinga yOvaadventista, unene kombinga yOvaadventista vefiku etiheyali, i hayi kala ya hololwa ngaashi ngaha. Pamo naasho, ovanhu vahapu va kwatele ombinga moshilonga moshikalo shimwe vali, ndele ihava mona iiyuma ngaha, oya pula nashihapu kutya iiyuma ei noiitikoteko yi hololwe kovanhu va li mo moshilonga tete. Nda li ndi shiiva ongongole yokuuya kwapili mo 1843 nomo 1844, ndele okuza po 2 Januali 1849 nda kala ndi yandja etumwalaka, tete nda li Omuadventista, nomo 1852 nda li Omuadventista wefiku etiheyali, ohandi mono oshi li nawa “okuhonga iiyuma nda mona nokukala nda yi uda.”
GSAM 3.2Nda holola ombapila yongongole yokuuya kwapili, oyo okuza mo 1831 fiyo mo 1844 ya hangana keeshi oshiwana shounyuni sha xuma komeho meputuko.
GSAM 3.3Okuza mo 1845, omahangano amwe gOvaadventista a holola, ndele nopaife taa holola, okuya kwapili kwaKristus kuli popepi. Ponhele yokushikula omahangano oo aeshe, elalakano lange ola kala okuhokolola moule ehovelo nokuya komeho kOvaadventista vefiku etiheyali, ndi yandje elitulemo la fimana kwaavo va kwafela, mewiliko laKalunga, okuxumifa oshiwana komeho okuza mouhepele nomehovelo linini, oshiwana osho, nonande shi na ashike ovanhu 100,000 lwaapo, vamwe vovakondjifi vasho ova ti: “Mokukala kwavo nomashendjo nomatenga mokulonga, omunhu ota tokola kutya oya li ovanhu 2 miliyona.”
GSAM 3.4Nando ovanhu va shiiva shonashona ondjokonona yOvaadventista vefiku etiheyali, oya shiiva kutya okuza mo 1845 Meme White okwa li a kwatelwa unene mongongole, ngaashi omupopi nomunyoli. Oya shiiva vali kutya pamo neshilonga she, okwa li oiningwanima ya yooloka, ile eeshali. Onda kala ndi na oufembanghenda wokukala po nda mono oshali ei tai longo lwe 50 lwaapo. Membo eli onda yandja elitulemo komaxunganeko a yela 26 lwaapo, a popiwa kuMeme White, oo a wanifwa pauyuki lela.
GSAM 4.1Pamwe nomayelelo ange, onda holola vali ombapila yovanhu vamwe va li va mono iiyuma ei, konima yoku yi mono vavo. Oinima ei yoshili oi na okukala i na ondjudo inene komuleshi omuyuki, i dule omatumbulo a popiwa nopehe na omadiladilo kovanhu ovo inava kala po nandenande poiningwanima ya tya ngaho.
GSAM 4.2Ohandi yandja oshilonga shika kovanhu tava lesha, ndi indile kutya, nenangeko laKalunga, oku lesha omukanda ou otaku kala oshilonga shokukwafela ehangano laKristus momitima ihapu, ndele ndi na eitavelo kutya ovanhu aveshe, ngaashi tava lesha, otava dimbuluka omalaka aPaulus kovanhu vaTesalonika: Konakona iiyuma aishe; diinina osho shiwa.