Adventist Pioneer
Library
aplib.orgLibrary
Table of Contents
01 / 31
01 / 31

Prefacio

John Norton Loughborough

GSAM 3.1YA TIN hopi buki util den man di e pueblo, y mi motibo pa agrega un mas na e lista ta cu den e paginanan aki mi ta conta hopi cos tocante adventistanan, y especialmente Adventistanan di Siete Dia, cu ainda no a wordo presenta na e pueblo den e forma aki. Ademas, hopi cu a uni nan mes cu e causa den añanan mas reciente, y cu no a presencia e cosnan menciona, a pidi cu insistencia cu esnan cu tabata den e obra mas prome conta e hechonan y experiencianan aki. Siendo cu mi tabata conoce e movemento adventista na 1843 y 1844, y cu for di 2 di januari di 1849 mi a proclama e doctrina, prome como adventista y for di 1852 como Adventista di Siete Dia, ta un placer pa mi “papia di e cosnan cu mi a mira y tende.”

GSAM 3.2Mi a presenta un relato tocante e movemento adventista, cu di 1831 pa 1844 a plama te na cada nacion civilisa di mundo.

GSAM 3.3For di 1845 tabatin otro gruponan di adventista cu a proclama, y ainda ta proclama, e pronto binida di Cristo. En bes di sigui e historia di tur e gruponan ey, mi proposito tabata pa conta cu cierto detaye e origen y progreso di e Adventistanan di Siete Dia. Mi ta yama atencion especial na e medionan cu, den e providencia di Dios, a yuda forma, for di pobresa y un cuminsamento chikito, un pueblo di cual algun di su opositorenan a bisa, aunque e ta conta solamente mas o menos cien mil hende: “Pa e energia y celo cu nan ta traha cu ne, un hende lo pensa cu nan ta dos miyon.”

GSAM 3.4Hasta esnan cu ta conoce e historia di e Adventistanan di Siete Dia solamente un tiki sa cu for di 1845 Sra. E. G. White tabatin un luga prominente den e movemento, tanto como oradora cu como escritora. Nan sa tambe cu den su obra tabatin manifestacionnan particular, of donnan. Mi tabatin e privilegio di ta presente y presencia e obra di e don aki mas o menos cincuenta biaha. Den e paginanan aki mi a yama atencion na mas o menos binti-seis prediccion concreto haci pa Sra. White cu a wordo cumpli cu gran exactitud.

GSAM 4.1Fuera di mi mes observacionnan, mi a presenta tambe e testimonio di otro testigonan ocular tocante nan experiencianan. E hechonan ey mester tin mas peso pa e lector sincero cu declaracionnan sin fundamento di esnan cu nunca tabata presente na e ocasionnan ey.

GSAM 4.2Mi ta confia e obra aki na e lectornan, cu e speransa cu, cu e bendicion di Dios, lesamento di e paginanan aki por ta un medio pa adelanta e causa di Cristo den hopi curason. Mi ta confia cu tur hende, ora nan ta lesa, lo tene na mente e palabranan di Pablo na e Tesalonicensenan: “Examina tur cos; tene firme loke ta bon.”

GSAM -J. N. Loughborough. Mountain View, California, 1 di mei di 1905.

Note

Back