Adventist Pioneer
Library
aplib.orgLibrary
Table of Contents
29 / 31
29 / 31

Capitulo 26 — Nos misionnan den exterior

John Norton Loughborough

GSAM 403.1“Ta skirbi: Esnan cu no a tende papia di Dje lo mira; y esnan cu no a tende lo comprende.”1

GSAM 403.2Nos prome mision den un campo pafor di Estados Unidos a wordo habri na 1874, ora cu Pastor J. N. Andrews a wordo manda pa Suisa y a cuminsa e obra aya.

GSAM 403E CAMPO DI EUROPA CENTRAL

GSAM 403.3Na e tempo ey, ocho nacion tabata inclui den e mision aki; esta, Suisa, Francia, Italia, Turkia, Belgica, Spaña, Portugal y Grecia, un teritorio cu 140,000,000 habitante.

GSAM 403.4Por ta di interes pa menciona aki e circunstancianan cu a hiba nos hendenan a cuminsa un mision den un teritorio asina grandi, na un tempo cu e denominacion tabatin poco miembro.

GSAM 403Pastor Czechowski

GSAM 403.5Den aña 1865, Pastor M. B. Czechowski, un sacerdote catolico polaco converti cu a acepta e berdad presente, tabata desea pa nos hendenan mand'e como misionero pa Europa Central. Como esaki no tabata posibel na e tempo ey, el a presenta su caso na e adventistanan di e prome dia di siman di Boston, Massachusetts, cu quizas tabata considera cu e no tabatin ningun relacion cu nos hendenan. Sea con cu ta, nan a reuni e medionan necesario y a mand'e pa e mision cu e tabata desea.

GSAM 404Wardadonan di sabat na Suisa

GSAM 404.1Na 1866, el a siña e berdad di sabat y e mensahe di e di tres angel na Tramelan, Suisa, y e esfuerso ey a resulta den formacion di un grupo di wardadonan di sabat. Poco despues, el a laga nan pa siña e mensahe na Hungria. E no a bisa e grupo na Tramelan nada di nos obra na America, pero Albert Vuilleumier, un di nan, por a lesa Ingles. Pa casualidad, el a mira un ehempelar di e Revista di e segundo binida. Di e manera aki a cuminsa un correspondencia entre e dos paisnan.

GSAM 404Pastor Erzenberger manda pa America

GSAM 404.2Na 1869 James Erzenberger, di Tramelan, a wordo manda pa America pa siña e idioma Ingles y pa conoce mas profundamente e doctrinanan y costumbernan di e Adventistanan di Siete Dia. El a yega Battle Creek dia 18 di juni y a keda na America un aña y mei. El a sali for di New York pa su biahe di regreso dia 9 di september di 1870. Na juni di e mesun aña, Ademar Vuilleumier a bishita e pais aki, caminda el a keda mas o menos cuater aña. Ora el a bolbe su patria, Pastor Andrews a compañ'e. Nan a yega Neuchatel dia 16 di october di 1874.

GSAM 404.3Na 1875, Pastor D. T. Bourdeau y su famia a sali for di America pa Francia, caminda e comision a designa nan pa traha.

GSAM 404Un periodico na Frances a cuminsa sali

GSAM 404.4E siguiente aña, na juli di 1876, a cuminsa na Basel, Suisa, e publicacion di un periodico den idioma Frances, titula Les Signes des Temps (Señalnan di e temponan). Dia 13 di mei di 1882, seis aña despues, Pastor Haskell a sali cu barco for di e ciudad di New York pa Europa. Durante e biahe misionero aki, el a pasa cierto tempo na Suisa.

GSAM 405Pastor Whitney ta bay Basel — Fayecimento di Pastor Andrews

GSAM 405.1Dia 26 di juli di 1883, Pastor B. L. Whitney y su famia a yega Basel. E Comision di e Conferencia General a design'e pa tuma e direccion di e mision ey, pa alivia Pastor Andrews, kende su salud tabata bay atras rapidamente. Algun luna despues, na october di e aña ey, Pastor Andrews a fayece.

GSAM 405.2Den su hubentud, Pastor Andrews no a disfruta di e ventahanan di scolnan superior y colegio, pero toch e tabata bon instrui, siendo loke e mundo ta yama un homber cu a siña y a forma su mes. Door di su dedicacion na estudio el a domina Latin, Griego y Hebreo, y den añanan posterior e idioma Frances. El a siña Frances pa yuda habri y adelanta e obra den e Mision di Europa Central, caminda el a traha e ultimo seis aña di su bida, skirbiendo pa e Les Signes des Temps na Frances y publicando e periodico, y tambe predicando den e idioma ey. Tabata mientras e tabata traha asina cu morto a sorprend'e.

GSAM 405Dr. Kellogg na Europa

GSAM 405.3Den e primavera di 1883, Dr. J. H. Kellogg a bishita Europa pa haci investigacion medico. El a pasa algun dia na cada un di nos misionnan, y su bishitanan a duna e trahadonan hopi animo. Especialmente Pastor Andrews a aprecia hopi su conseho tocante e obra na Basel.

GSAM 405Pastor Butler ta bishita Europa

GSAM 405.4Na e Conferencia General teni na october di 1883, a wordo recomenda pa cuminsa, mas pronto posibel, cu e publicacion di un periodico na Inglaterra. Como resultado di un otro decision aproba pa votacion na e conferencia aki, Pastornan George I. Butler, M. C. Wilcox y A. C. Bourdeau a bay yuda den e obra na Europa y Inglaterra. Pastor Butler a desembarca na Glasgow, Escocia, dia 27 di februari di 1884. Un di e propositonan di su bishita na e misionnan den exterior tabata pa conoce, door di observacion personal, e dificultadnan pa adelanta e obra den paisnan estranhero y con supera nan. E tambe a pasa cierto tempo na Basel y den e campo di Europa Central. A. C. Bourdeau a traha entre e hendenan di habla Frances den e vayenan di e Alpen, entre e valdensenan; mientras cu M. C. Wilcox a dedica su mes na e trabou di imprenta y redaccion na Inglaterra, caminda el a keda te na fin di 1886.

GSAM 406Cas editorial construi na Basel

GSAM 406.1Na 1884, e cas editorial Imprimerie Polyglotte (e nomber ta nifica imprimi den hopi idioma) a wordo construi na Basel. Na maart di 1885, e Comision di e Conferencia General a autorisa H. W. Kellogg pa bishita Basel y cumpra e mashinnan necesario pa e imprenta. El a haci esaki, y asina un imprenta bon equipa, propiedad di Adventistanan di Siete Dia, a wordo establece den e antiguo ciudad di Basel.

GSAM 406.2Durante e bishita di Pastor Butler na Europa, un periodico na Aleman yama Herold der Wahrheit (Mensahero di e berdad) a wordo imprimi na e imprenta di Basel. E mesun aña, un revista na Rumano, Adevărulu Prezentu (Berdad presente), tambe a wordo publica na e imprenta aki. Y ainda un otro na Italiano, yama L’Ultimo Messagio (E ultimo mensahenan). E dos ultimo revistanan menciona tabatin diesseis pagina y tabata sali cada tres luna. Na e Conferencia di Suisa, na october di 1884, a wordo informa cu durante e aña a imprimi y distribui 146,000 ehempelar di e cuater revistanan aki. Te na 1895, ora cu e imprenta (pa motibo di persecucion na Basel) a wordo muda for di e ciudad ey pa Hamburg, Alemania, a publica buki y foyeto den diesun idioma diferente; esta, Frances, Aleman, Italiano, Rumano, Spaño, Bohemio, Ruso, Hulandes, Hungaro, Armenio, Turco y Turco-Griego. Asina e tabata, manera su nomber tabata indica, un institucion cu tabata “imprimi den hopi idioma.”

GSAM 407Sra. White ta bishita Europa

GSAM 407.1Dia 3 di september di 1885, Sra. White, su yiu homber W. C. White y famia a yega Basel. Nan a pasa un aña y mei den e paisnan di e Mundo Bieu, bishitando e misionnan den e campo di Europa Central, caminda nan a presta un servicio di balor incalculabel na e diferente misionnan.

GSAM 407E Conferencia di Suisa a wordo organisa

GSAM 407.2Dia 10 di september di 1885, e Conferencia di Suisa a wordo organisa. Den un informe presenta na e tempo ey a wordo declara cu e conferencia tabata consisti di un ministro ordena, shete predicado cu licencia, dies iglesia y 224 miembro. E añanterior nan a paga un diesmo di $1,645.11. Ademas di esaki, a haci donacionnan di $2,041.22 pa e obra.

GSAM 407Pastor Waggoner na Europa

GSAM 407.3Sra. White, hunto cu W. C. White y famia, a bolbe America na 1887. E mesun aña, Pastor J. H. Waggoner a wordo invita pa uni su mes cu e Mision di Europa Central. El a pasa mas cu dos aña den e campo aki, bibiendo na Basel durante e tempo ey. Tabata den e ciudad aki cu el a fayece dia 20 di april di 1889, manera a wordo menciona anteriormente.

GSAM 407.4E salud di Pastor Whitney cu tabata bay atras, y su fayecimento despues (9 di april di 1889), tabata un otro golpe doloroso pa e mision aki.

GSAM 407Pastor Robinson na Europa

GSAM 407.5Pastor D. A. Robinson, cu tabata traha na Inglaterra, a wordo scoge como sucesor di Pastor Whitney. El a traha cu eficacia den e distrito aki pa mas o menos seis aña, y despues, riba invitacion di e Conferencia General, el a sali pa India den aña 1895. Su salida a haci necesario pa designa un otro superintendente.

GSAM 408Pastor Holser, superintendente di e campo

GSAM 408.1Pastor H. P. Holser tabata e homber scogi pa e puesto, y ademas di e cargo aki el a wordo scoge como director di henter e Mision di Europa Central. Aki el a traha sin cansa y cu eficacia te na 1901, ora cu e tambe mester a sucumbi na e dañonan di malesa. El a fayece na Canyon City, Colorado, dia 11 di september di 1901.

GSAM 408.2A pesar di e circunstancianan adverso aki, e mision a crece y e obra a adelanta, manera un informe presenta na e Conferencia General na 1895 ta mustra. E informe ta declara cu e Conferencia di Europa Central ta consisti di diesnuebe iglesia cu 484 miembro, cu a paga un diesmo di $4,378.18 e añanterior. Na e fecha ey nan tabatin cuater ministro ordena y cinco predicado cu licencia.

GSAM 408E MISION ALEMAN-RUSO

GSAM 408.3Na 1870, J. H. Linderman, pastor di un iglesia cerca di Elberfeld, Prusia, y cuarenta di su miembronan a cuminsa observa e sabat di e di shete dia door di nan estudio di Bijbel, sin sa di un otro grupo di cristian den mundo cu tabata observa e dia ey como sabat. Nos hendenan a haya sa di e grupo aki di un manera particular. Un pober cu tabata pidi limosna a pasa na e cas di e mision na Basel riba sabat. E famia tabata studia e les di Sabat Scol cu nan Bijbelnan habri nan dilanti. Loke e homber a mira a haci impresion riba dje y a hiba e a haci preguntanan.

GSAM 408E grupo di Elberfeld

GSAM 408.4Ora el a haya sa cu nan no tabata Hudiu, sino cristian cu tabata observa e sabat di e di shete dia, el a papia di e grupo aki na Elberfeld. Pastor Andrews a considera cu ta sabio pa investiga loke e homber a bisa; pesey, hunto cu Pastor Erzenberger, el a bay Prusia na cuminsamento di 1875, caminda nan a haya e grupo mescos cu a wordo describi. Pastor Erzenberger a keda algun tempo traha den e parti ey di Alemania, y dia 8 di januari di 1876, ocho persona a wordo bautisa na Elberfeld, siendo e prome bautismo efectua pa Adventistanan di Siete Dia na Alemania.

GSAM 409.1Ya na 1882 e berdad a haya entrada na Rusia, pa medio di material pa lesa cu ruman hombernan Aleman na America a manda pa nan amigonan den e colonianan Aleman di Rusia.

GSAM 409Pastor Conradi na Europa

GSAM 409.2Na 1885 Pastor L. R. Conradi a sali for di America pa e campo di Europa Central, pa traha entre e Alemannan. Dia 28 di juni di 1886, el a sali for di Basel pa Crimea, Rusia. Aki, hunto cu Pastor Perk, el a biaha pa Berdebulat, caminda dos ruman muhe a wordo bautisa y un iglesia di diesnuebe miembro a wordo organisa. Esaki tabata e prome iglesia Adventista di Siete Dia na Rusia.

GSAM 409Pastornan Conradi y Perk na prizon

GSAM 409.3Inmediatamente despues di esaki, Pastornan Conradi y Perk a wordo deteni pa siña cosnan contrario na e fe ortodoxo, y nan a wordo encarcela pa cinco siman na Perekop. Despues cu el a wordo libera (door di intervencion di e representante diplomatico di Estados Unidos), Pastor Conradi a bishita Rusia Oriental y despues a bolbe Suisa.

GSAM 409E obra na Volga, Rusia

GSAM 409.4Tabata durante e mesun aña aki cu Pastor Laubhan a cuminsa traha na Rusia, cerca di su cas, situa na e rio Volga. Den aña 1880, Pastor Klein, di Kansas, a cuminsa traha den e region Aleman di Rusia. Asina a surgi trahadonan pa e campo duro y dificil aki, y aunke e creyenan a wordo somete na destiero y encarcelacion, Señor a bendiciona e obra di un manera remarcabel.

GSAM 409Exito di e bendedonan misionero di buki na Alemania

GSAM 409.5Den aña 1888, bendedonan misionero di buki a cuminsa traha na Prusia Renano, Württemberg, Baden y Alsacia. E ocho of dies trahado energico y fiel tabatin asina tanto exito cu den un aña a bende e siguiente cantidad di buki: Bida di Cristo, 3,000; Di Eden pa Eden, 2,000; y 12,000 foyeto. Como resultado di e trabou aki, den casi tur lugar caminda e bukinan a wordo bendi y lesa, un of mas persona a acepta e berdad.

GSAM 410Mision habri na Hamburg

GSAM 410.1Na mei di 1889, Pastor Conradi a cuminsa e obra misionero na Hamburg, Alemania, y den masha poco tempo a establece un scol pa prepara trahadonan. E siguiente october a organisa un Sabat Scol di bintiocho miembro. Tabata durante e aña aki cu Pastor Haskell a bishita e mision, y a organisa un iglesia di binti miembro y establece un deposito di buki.

GSAM 410.2Na e tempo aki Pastor J. T. Boettcher tabata ocupa cu e obra entre e Alemannan na Barmen. Na 1890 a presenta un informe na e Conferencia General, declarando cu den e mision Aleman-Ruso tabatin nuebe iglesia organisa, cu un total di 422 miembro, ademas di setenta y cinco wardadonan di sabat cu ainda no tabata organisa. Dia 7 di april di e mesun aña, diesdos mas a wordo bautisa y a uni nan mes cu e iglesia di Hamburg. Na december e cantidad di miembro di e iglesia aki a subi te cuarenta. E suma ricibi pa benta di buki for di e deposito na Hamburg, na Hulanda, Rusia y diferente partinan di Alemania, tabata $5,000.

GSAM 410Exito na Europa

GSAM 410.3Pocopoco pero cu siguransa, e obra a adelanta den e Mision di Europa Central, manera un informe presenta na e Conferencia General na 1891 ta indica. Na e tempo ey tabatin cinco iglesia na Alemania, cu un total di cien y cuarenta miembro, di cual sesenta y cuater tabata miembro di e iglesia di Hamburg. E diesmo paga tabata $1,000. E bukinan bendi riba e barconan pa e misionero cu tabata traha entre e barconan na Hamburg a monta na $500, mientras cu e bentanan di e bendedonan misionero di buki durante e aña den henter e campo tabata $6,000. Cien y cincuenta a acepta e berdad na Austria, y tabatin diestres iglesia cu un total di cuatercien miembro na Rusia.

GSAM 411Cinco wardadonan di sabat Ruso destera

GSAM 411.1Mas o menos na e tempo aki (1891), cinco miembro di un iglesia Ruso, incluyendo e dirigente, a wordo deteni pa siña doctrinanan contrario na e iglesia estableci, y condena na cinco aña di destiero na Transcaucasia. Nan mester a wordo mara na otro cu cadena y nan tabata obliga na cana cincocien miya. Den e prueba aki nan fe a sostene nan, y nan tabata feliz den Señor. Durante e aña a prepara un foyeto den forma di lecturanan di Bijbel den idioma Ruso, tocante e sufrimentonan di Cristo, e soño di e mortonan, cua dia y dicon, y nos por sa?

GSAM 411.2Na e tempo di e Conferencia General na 1895, e cantidad di miembro na Alemania a subi te 368, y e diesmo di e añanterior tabata $2,327.43.

GSAM 411Mas wardadonan di sabat na Rusia

GSAM 411.3Na Rusia, a pesar cu masha hopi a emigra pa otro paisnan, e cantidad di miembro a subi te 467, cu a paga un diesmo di $841.60.

GSAM 411.4For di e declaracion di e secretario di misionnan den exterior den e lectura pa e siman di oracion di 1896, nos ta siña cu

GSAM 411.4“den e campo Aleman-Ruso, durante e añanterior, e cantidad di miembro casi a dobla; nan cantidad a aumenta cu mas cu cuatercien. Na Berlin, Alemania, sesenta tabata asisti na e servicionan regular di sabat. E construccion di e capiya di e mision na Hamburg a fortifica e obra aya. Na Munich, den Baviera, varios tabata warda pa bautismo. Tabatin creyenan na Leipsic, Königsberg, Magdeburg, Posen, Stuttgart y otro ciudadnan principal di Alemania. Tambe tabatin un grupo na Rotterdam, Hulanda.

GSAM 412.1“Na Rusia, bendedonan misionero di buki a haya permit di gobierno. A haci traduccionnan di literatura den e idiomanan Leton y Estonio. E periodico na Aleman a wordo muda for di Basel pa Hamburg, y na e imprenta ey nan tabata imprimi e berdad den diescuater idioma.”

GSAM 412Bautismo na Hungria

GSAM 412.2Durante e aña a tuma lugar e prome bautismo na Hungria y e prome reunion pa celebra e ordenansanan na Bohemia. A establece un mision pa barconan na Galatz, na Rumania, pa e Danubio y e Mar Preto.

GSAM 412Benta misionero di buki na Alemania

GSAM 412.3Den e Misionero di cas di december di 1895, Pastor Spies a bisa tocante e obra di benta misionero di buki den e campo Aleman,

GSAM 412.3“Esnan encarga cu e obra di benta misionero di buki, ora cu esaki a cuminsa den e campo aki, no a stop di impuls'e, aunke algun di e editornan y comerciantenan di buki principal na Leipsic a asegura nan cu ‘bende buki pa suscripcion lo resulta den fracaso.’

GSAM 412.4“Na augustus di 1887 e prome edicion di Bida di Cristo a sali den idioma Aleman. Mas o menos na e tempo cu e buki menciona tabata cla pa distribucion, a tene un curso pa bendedonan misionero di buki na Basel; esaki a marca e cuminsamento di e obra di benta misionero di buki, no solamente na Alemania, sino den henter Europa. Awor e di shete edicion di e buki aki a sali for di imprenta den idioma Aleman.

GSAM 412.5“Desde dia 1 di januari di 1895, diesdos bendedo misionero di buki nobo a drenta e campo. Na juni di 1895, e informe a mustra un aumento di cincuenta porciento den bentanan. Actualmente ta haci un esfuerso especial cu Herold der Wahrheit, nos periodico na Aleman. Algun iglesia, cu no ta masha grandi, ta tuma di cincuenta te doscien ehempelar, cu nan ta bende. Y nan ta tin experiencianan masha agradabel cu e cumpradonan. Den e Revista di 18 di februari di 1896, Pastor Conradi a bisa: ‘Nos ta cera 1895 cu mil cincocien wardadonan di sabat den e campo Aleman-Ruso.’”

GSAM 413E MISION ESCANDINAVO

GSAM 413.1Pastor John Matteson a cuminsa e mision entre e pueblo escandinavo den aña 1877. Dia 6 di juni el a yega Vejle, den Jyeland, Dinamarca. Ora el a bai e pais ey, ya tabatin algun hende cu a cuminsa observa sabat door di lesa periodiconan y foyetonan cu amigonan na America a manda pa nan.

GSAM 413.2Ora nos ta sigui e cuminsamento di e obra aki, nos ta siña cu na 1850, cuater persona cu a muda di Noruega pa America a cuminsa warda e sabat di Señor. Nan tabata biba na Oakland, Wisconsin. Dos di nan tabata tata y mama di Pastor O. A. Olsen. Na 1863 Pastor John Matteson a cuminsa observa e sabat di e di shete dia. E tabata biba na Poysippi, Wisconsin. Den e seis luna cu a sigui, door di su trabou, mas o menos cuarenta danes-noruego a acepta e doctrinanan di Adventistanan di Siete Dia. E prome predicado activo cu a uni cu ne den e ministerio tabata Pastor J. F. Hanson di Minnesota.

GSAM 413E prome buki publica na danes-noruego

GSAM 413.3Den aña 1866, Pastor John Matteson a acudi na e dirigentenan di e imprenta di Revista y mensahero pa sa si nan lo imprimi brochurenan y foyetonan den e idioma di e escandinavonan, pa nan uso. Nan a informa e cu falta di placa na e imprenta no tabata permiti esaki; pero tabatin personanan di su nacionalidad na Wisconsin y Minnesota cu tabata desea tanto pa e berdad wordo imprimi den nan idioma materno cu, aunke nan tabatin medionan modesto y tabata menos cu cincuenta, nan a reuni $1,000 na placa efectivo y a pone esaki den su man pa e proposito ey. Cu e placa aki y un cantidad di manuscrito prepara cu cuido, Pastor Matteson a bin Battle Creek y a bolbe pidi bukinan imprimi. Como e tabata prepara pa contesta e objecionnan cu a wordo presenta antes, nan a duna e loke el a pidi, y dia 18 di maart 1867 el a cuminsa lesa su manuscrito, prepara pa su buki Liv og Død (Bida y morto), na Pastor J. N. Andrews y ami, cu na e tempo ey tabata miembronan di e comision di publicacion. Cu otro palabra, e tabata bisa nos na ingles loke su manuscrito tabata bisa na danes-noruego.

GSAM 414Pastor Matteson ta bira un obrero di imprenta

GSAM 414.1Na e tempo ey no tabatin un obrero di imprenta cu por a wordo libera di su otro trabou pa compone e letternan di imprenta pa dje; pesey el a suplica pa haya e privilegio di siña haci esaki su mes. El a sigui cu e trabou aki te cu el a logra imprimi mas o menos mil pagina di brochurenan y foyetonan den su mes idioma.

GSAM 414.2Cu e medio nobo aki pa plama e berdad entre su pueblo, el a sali cu curashi renoba, teniendo reunionnan den varios estado. For di e fecha ey e obra a avansa basta rapido entre e escandinavonan.

GSAM 414E prome periodico den un idioma stranhero

GSAM 414.3E obra entre e danes-noruegonan a crece asina tanto cu a surgi un peticion pa un periodico mensual den cua personanan di e nacionalidad ey por a ricibi instruccion y animo den nan mes idioma. Pesey, dia 1 di januari 1872, e imprenta di Revista y mensahero a publica un revista mensual na danes, di 24 pagina, cu e nomber Advent Tidende (Noticianan di e segundo binida). E siguiente aña e revista aki a wordo amplia te na 32 pagina. E tabata e prome periodico cu Adventistanan di Siete Dia a publica den un idioma stranhero.

GSAM 414.4Na 1874 e interes entre e creyentenan cu tabata papia sueco tabata asina grandi cu nan a cuminsa un revista mensual di 16 pagina den e idioma ey, cu e nomber Svensk Härold.

GSAM 414.5Na e tempo cu Pastor Matteson a cuminsa e mision entre e pueblo escandinavo den nan pais di origen (juni 1877), cada luna nan tabata manda 266 ehemplar di Tidende for di America pa Dinamarca, y 60 pa Noruega. Door di lesa e revistanan aki, varios persona na Escandinavia ya tabata warda sabat. Como resultado di su trabou durante un aña na Dinamarca, gruponan di creyente a wordo forma na varios luga.

GSAM 415Un imprenta na Noruega

GSAM 415.1Despues di esaki Pastor Matteson a bai Noruega, unda, dia 7 di juni 1879, el a organisa un iglesia di 38 miembro, como resultado di su trabou na Christiana. Mas o menos na e tempo ey Pastor J. P. Jasperson, di America, a uni cu ne den e ministerio. Den e aña ey tambe nan a forma un asociacion editorial na Noruega y a cumpra un propiedad na Christiana pa un imprenta, un sala pa servicionan di iglesia y cambernan pa biba, na un costo di $14,580. Durante algun tempo e imprenta na Christiana a publica un edicion chikito semanal di un periodico, Tidernes Tegn.

GSAM 415.2Na cuminsamento di herfst di 1880, Pastor Matteson a bin America pa haya ayudo pa amplia e obra escandinavo. El a asisti na e Conferencia General di e aña ey y a bolbe Europa na april 1881, cu hopi animo. Poco despues di su regreso, nan a cumpra un prensa di imprenta cu cilinder y a instala esaki den e imprenta na Christiana.

GSAM 415Revistanan di salud na danes y sueco

GSAM 415.3Mesora nan a cuminsa publica un revista di salud na danes, cu e nomber Sundheds Bladet. Na 1883 el a publica un revista similar na sueco, y un revista religioso cu e nomber Sanningens Härold. Na 1884 nan tabatin un equipo di imprenta cu un balor di $2,563. Durante e aña aki nan a imprimi y distribui 115,000 periodico en total, ademas di hopi miles di foyeto y algun buki.

GSAM 415Pastor Haskell na Escandinavia

GSAM 415.4E obra den e paisnan escandinavo a ricibi hopi ayudo di e bishita di Pastor Haskell na 1882, y na 1884 e trabou di Pastornan George I. Butler, B. L. Whitney, A. B. Oyen y E. G. Olsen a yuda nan considerablemente.

GSAM 416Sra. White ta duna gran ayudo na Escandinavia

GSAM 416.1Na 1885, Sra. E. G. White y su yiu homber, W. C. White, a bishita Escandinavia, y e bishita ey tabatin un balor incalculabel pa e obra den e campo ey. Algun hende a haya e idea cu e pobernan den e pais ey no por a paga diesmo y cu tabata inutil pa purba bende buki di cas pa cas. E testimonio di Sra. White a bin na e momento oportuno, y e pueblo a ricibie bon, manera a wordo mustra den e contesta cu nan a duna cu e palabranan aki: “Tur loke Señor a bisa, nos lo haci, y nos lo ta obediente.” Durante e bishita aki a tuma luga un cambio completo den e campo escandinavo, causa principalmente pa e trabou incansabel di Sra. White.

GSAM 416Un edificio nobo di imprenta construi na Noruega

GSAM 416.2Na 1886 Pastornan O. A. Olsen y N. Clausen a bishita e paisnan escandinavo, y esun ultimo a resta aya basta tempo. Na 1885 nan a construi un edificio nobo di imprenta na Christiana, y pa e aña cu a termina dia 1 di september 1886, e imprenta a ricibi e suma di $5,386.68 solamente di benta di bukinan y foyetonan, mientras e suma ricibi di abonamentonan na periodiconan tabata $3,146.03.

GSAM 41625 iglesia na Escandinavia

GSAM 416.3Un informe presenta na e Conferencia General na 1889 a declara cu den e campo escandinavo tabatin 25 iglesia, cu 926 miembro, cu a paga un diesmo di $2,548.75; tambe tabatin seis ministro, cuater predicado cu licencia y 52 bendedo misionero di buki. E benta di buki pa Noruega y Suecia durante un trimestre tabata $2,161.26.

GSAM 416Scol na Christiana

GSAM 416.4Na e tempo ey un scol tabata funciona na Christiana, cu cincuenta alumno. Na 1891 Pastornan O. A. Olsen y E. J. Waggoner a conduci un instituto biblico na Christiana, cu cien alumno presente. Den e instituto aki nan a duna instruccion completo den e trabou di e bendedo misionero di buki.

GSAM 417Cuarenta iglesia na Escandinavia na 1895

GSAM 417.1Seis aña despues, na 1895, nos ta encontra un informe di Pastor D. A. Robinson, cu na e tempo ey tabata superintendente di distrito di e campo misionero den exterior. E ta mustra asina cla un crecemento notable di e obra durante e periodo ey cu nos ta cita e siguiente: “Escandinavia tin cuarenta iglesia y 1,458 miembro. E diesmo di e aña tabata $5,585.55. Tin diescinco ministro ordena y diesun predicado cu licencia, y e benta di buki pa e aña ta suma $40,000. E suma grandi aki ta debi principalmente na e esfuerzonan di e bendedonan misionero di buki, y esey den un pais unda, na 1885, bendedonan di buki, y asta ministronan di nos fe, a afirma cu no tabata posibel pa bende buki di cas pa cas.

GSAM 417Tres conferencia escandinavo

GSAM 417.2Den e campo escandinavo tin actualmente tres conferencia, cu e siguiente fechanan di organisacion: Dinamarca, 30 di mei 1880; Suecia, 12 di maart 1882; Noruega, 10 di juni 1887. Pastor John Matteson, cu a cuminsa e Mision Escandinavo y a habri caminda pa e obra cu asina tanto exito, y cu a traha cu asina tanto dedicacion y sacrificio pa e bienestar di e pueblo ey, a haya e malesa mortal tuberculosis y a muri na El Monte, California, dia 30 di maart 1896, na edad di 61 aña.

GSAM 417E MISION BRITANICO

GSAM 417.3William Ings, naci na Hampshire, Inglatera, pero americano den spiritu y educacion, ya cu el a biba den Estados Unidos for di tempo cu e tabata mucha, a yega Southampton, biniendo di Basel, Suisa, dia 23 di mei 1878. E biaha aki su estadia tabata cortico, solamente dos siman, despues di cua el a bolbe e continente pa un tempo cortico. Sinembargo, poco despues el a bolbe bai Southampton, unda, despues di cuater luna di trabou di cas pa cas, repartiendo foyetonan y haciendo e trabou misionero cu e oportunidadnan tabata presenta, el a informa cu diez persona tabata warda sabat. Dia 30 di december di e aña ey, ami y mi casa a yega Southampton, unda nos a uni nos trabou cu esun di Pastor Ings, teniendo reunionnan durante winter den Shirley Hall y den nos mes cas huur. Den zomer di 1879 nos a tene reunionnan den tent na Southampton. Na e tempo y e luga ey Señorita Maud Sisley (awor Sra. Boyd) a uni cu e obra, dando lesamentonan biblico y trahando di cas pa cas. Como resultado di e esfuerzo aki, varios persona a acepta e berdad. Den e siguiente winter nos a tene reunionnan den un sala na Ravenswood Villa, e edificio unda nos tabata biba y tabatin nos deposito.

GSAM 418Reunion den tent na Inglatera

GSAM 418.1Den zomer di 1880, Pastor Andrews, aunke su salud tabata debil, a bin di Suisa pa yuda den un reunion den tent na Romsey, unda otro personanan a acepta e mensahe.

GSAM 418.2Dia 11 di januari 1880 nan a organisa un sociedad di foyetonan. E miembronan tabatin hopi interes den e obra aki, y hopi literatura a wordo distribui.

GSAM 418.3Dia 8 di februari 1880 nos prome bautismo a tuma luga, cu seis candidato a wordo bautisa. Te na 2 di juli 1881, 29 candidato a wordo sumergi na Southampton.

GSAM 418Mas obrero na Inglatera

GSAM 418.4Pa decision tuma pa votacion di e Conferencia General celebra den herfst di 1881, Pastor A. A. John y su casa, Geo. R. Drew y Señorita Jennie Thayer a bai Inglatera y a uni cu e obra den e campo misionero ey. Durante aña 1882, Pastor Haskell a bishita e campo europeo y a pasa varios dia cu e obreronan den e mision ingles, dando ayudo balioso door di conseho y orientacion.

GSAM 418.5Na maart 1882 nan a cuminsa imprimi un suplemento britanico di dos pagina pa Señalnan di e temponan, y nan tabata pone esaki hunto cu mil ehemplar di Señalnan di e temponan cu tabata wordo manda di America. Nan a wordo usa den e obra misionero na Gran Bretaña. Un informe di e obra di 1 di october 1883 ta mustra cu na e fecha ey tabatin cien wardado di sabat. E diesmonan paga desde e cuminsamento di e mision tabata $2,078.71.

GSAM 419Obra misionero cu barconan

GSAM 419.1Door di e cortesia di e encargadonan di e barconan, Pastor Ings a haya permiso pa manda paki di foyetonan y periodiconan gratis pa ochenta di e principal hafnan di e “Peninsular and Oriental Steam Ship Company”, na Africa di Sur, Indias Oriental y Occidental, America Central y e Islanan di e Bahia. Tabata door di e influencia di e material di lesa manda di e manera aki cu e interes a wordo desperta pa prome biaha riba e isla di Demarara. Nos a ricibi e informacion aki door di cartanan di e isla.

GSAM 419“Historia di sabat” coloca den bibliotecanan ingles

GSAM 419.2Tambe nan a coloca un ehemplar di Historia di sabat di Pastor Andrews den sesenta di e bibliotecanan publico y salanan di lesa gratis rond Gran Bretaña, y e bukinan ainda ta aya, contando e historia na esnan dispuesto pa lesa.

GSAM 419.3Na 1884 Pastor Butler a bishita Inglatera, acompaña pa otro obreronan pa e campo aki. Pastornan S. H. Lane y Robert Andrews a sali di Boston cu barco dia 9 di mei 1885 pa uni cu e mision na Gran Bretaña. E bishita di Sra. White na Inglatera tabata un fuente di forsa y animo pa e obreronan. Sra. White y su yiu homber a pasa algun siman aya prome cu nan a bolbe America for di e campo europeo.

GSAM 419“Berdad presente” ta cuminsa

GSAM 419.4Na cuminsamento di 1884, poco despues cu Pastor Butler a yega Inglatera, nan a dicidi cuminsa na Grimsby, cu M. C. Wilcox como redactor, un periodico di ocho pagina cu tabata sali dos biaha pa luna, yama Berdad presente. Awor e ta wordo publica como un revista semanal di 16 pagina na Londen, Inglatera, cu un edicion semanal di mas o menos 18,000 ehemplar.

GSAM 420.1Na 1889, Pastor Holser a informa cu e Mision Britanico tabatin ocho iglesia, cu doscien wardado di sabat, di cua 65 tabata na Londen. E diesmo di e aña anterior tabata $1,244.58. Tabatin dos ministro ordena, dos predicado cu licencia, dos misionero di barconan y shete obrero biblico. Mas o menos na e tempo ey Pastornan Wm. Hutchinson y Francis Hope a drenta den e mision ingles.

GSAM 420E Pacific Press na Londen

GSAM 420.2Durante aña 1890 e compania editorial Pacific Press, di Oakland, California, a establece un sucursal na 48 Paternoster Row, Londen, y un imprenta na 451 Holloway Road, Londen, N. E benta di buki di e oficina durante e prome aña, na prijs di mayorista, tabata $9,556.89.

GSAM 420.3Na februari 1895, Pastor Robinson a presenta e siguiente informe:

GSAM 420.3“Na Gran Bretaña tin diesun iglesia, 363 miembro, cinco ministro y un predicado cu licencia. E diesmo di e aña pasa tabata $5,077.20, esta un promedio di $13.98 pa miembro. E propiedad di e cas editorial awor ta perteneci na y ta wordo administra pa e Sociedad Internacional di Foyetonan, Limita, un compania ingles.”

GSAM 420.4Na december 1895, e secretario di misionnan den exterior a informa cu Gran Bretaña tabatin 560 miembro. E diesmonan a aumenta cu $1,000 durante e aña. Na e fecha ey, ocho grupo tabata reuni riba sabat na diferente luga na Londen.

GSAM 420.5Asina e obra den e campo misionero aki a avansa, tin biaha casi sin cu hende por a percibi. Den algun tipo di tera, simianan no ta brota asina lihe cu den otro. Nan ta tuma mas tempo pa germina, pero nan crecemento ta mas sigur y mas fuerte. Asina tambe ta cu e berdad di e di tres mensahe den e reino aki. Su simia a wordo sembra, a tira raiz y a crece poco poco, te cu awor el a alcanza un grandura relativamente grandi.

GSAM 421E MISION DI AUSTRALASIA

GSAM 421.1Dia 10 di mei 1885, Pastornan S. N. Haskell, J. O. Corliss y su famia, M. C. Israel y su famia, Wm. E. Arnold y Henry Scott a sali cu barco di San Francisco pa cuminsa un mision den e campo australiano. Diesun aña prome, na 1874, den un reunion celebra na Battle Creek, Sra. White a bisa cu hopi nacion ainda lo ricibi e berdad, y cu el a mira prensanan di imprenta funcionando, y bukinan y periodiconan wordo imprimi den varios pais. Ora nan a pidie pa specifica di cua paisnan e tabata papia, su contesta tabata cu Australia tabata e unico nomber cu e por a corda.

GSAM 421E Eco di e Biblia

GSAM 421.2Door di e trabou dedica y exitoso di Pastor Haskell y su compañeronan, e mensahe a avansa asina rapido cu nan a considera necesario pa imprimi un periodico na Australia. Pesey nan a haci e arreglonan pa publicacion, y dia 1 di januari 1886 a sali na Melbourne un revista mensual di 16 pagina, cu e nomber Eco di e Biblia y Señalnan di e temponan. Di e prome numero nan a imprimi seis mil ehemplar, mientras e edicion regular tabata solamente tres mil.

GSAM 421E prome iglesia organisa na Australia

GSAM 421.3Prome dia di siman, 10 di april 1886, e prome iglesia Adventista di Siete Dia na Australia a wordo organisa. Tabatin 18 persona presente cu a firma e pacto, y shete otro a pidi pa wordo admiti pa medio di bautismo. Esakinan a wordo bautisa e siguiente sabat, y cada sabat durante varios siman nan a agrega miembronan nobo, te cu e iglesia tabatin 55 miembro. Te na mei 1886, e cantidad total inscribi tabata nobenta. Ademas di esakinan, tabatin mas o menos 35 persona na otro luganan cu tabata warda sabat.

GSAM 421.4Den e imprenta tabatin dos bon prensa y un motor, tur paga y na propiedad di Adventistanan di Siete Dia den e tera asina leu ey — mas o menos shete mil miya di nos imprenta grandi situa na Oakland, California.

GSAM 422.1Durante 1886 e mensahe a plama te na Nobo Zeeland. Un informe di e campo australiano ta declara cu tabatin cincuenta wardado di sabat na Nobo Zeeland. E suma ricibi di benta di buki na e oficina tabata $700. Ademas di esaki e bendedonan misionero di buki a bende cuatercien ehemplar di E gran conflicto na Nobo Zeeland, y mil ehemplar di Pensamentonan riba Daniel na Australia.

GSAM 422Edificio di e imprenta na Australia

GSAM 422.2For di un informe presenta dia 19 di juli 1889, nos ta saca e siguiente datonan: Na Melbourne a caba di traha un edificio pa un imprenta, cu un capel pa servicionan di iglesia aden.

GSAM 422E obra ta yega Tasmania

GSAM 422.3A wordo organisa un conferencia tanto na Australia como na Nueva Zelandia, y e Pastornan Israel y Steed a extende e obra te na Tasmania. Den e ultimo lugar aki ya a wordo organisa tres iglesia, cu un total di un cien trinta y seis miembro. Ademas di esakinan tin otro wardadonan di sabat plama cu ainda no ta organisa.

GSAM 422.4E diesmonan pa e aña den e campo australiano tabata $9,371. Tabatin diescinco bendedo misionero di buki den e campo, cu a bende buki pa un total di $19,500.

GSAM 422.5Durante e di dos biahe di Pastor Haskell rond di mundo, el a bishita Australia atrobe, a asisti na nan conferencia teni na augustus 1889, y di hopi manera el a duna ayudo eficaz, cu e grupo recien organisa a aprecia hopi. Di tempo en tempo diferente trahado for di America a bishita Australia pa sirbi e unico gran causa: edifica y fortifica e obra di Dios.

GSAM 422Sra. White na Australia

GSAM 422.6Den otoño di 1891, Sra. E. G. White, su yiu homber, W. C. White, Pastor Geo. B. Starr y otronan a sali for di California pa Australia, y a yega aya na december, meimei di verano riba e continente ey. E testimonio di Sra. White, a pesar di e debilidad di curpa cu el a sufri durante e nuebe añanan cu el a keda den e pais ey, a yuda hopi pa pone e obra den e debido relacion cu e spiritu y contenido di e mensahe di e di tres angel. Durante e tempo cu nan tabata na Australia, Pastor J. O. Corliss a bolbe uni su mes cu e obra aki, y W. A. Colcord y otronan a drenta e campo como ministro, maestro, etc.

GSAM 423Pastor Olsen na Australia

GSAM 423.1Durante e administracion di Pastor O. A. Olsen como presidente di e Conferencia General, el a bishita tur nos principal institucionnan den henter e pais. Esaki a exigi hopi biahe: un biahe rond di mundo. El a haci esaki pa conoce miho nan necesidadnan y e condicion di e diferente misionnan, pa asina e por tabata prepara pa sirbi nan sin preferencia. Tabata durante e biahe aki, na 1893, cu el a pasa varios siman na Australia.

GSAM 423Conferencia di Union di Australasia

GSAM 423.2Durante e tempo aki a wordo organisa e Conferencia di Union di Australasia, forma pa e conferencianan di Australia y Nueva Zelandia y e camponan misionero di Australia. E conferencia aki ta reuni un biaha cada dos aña, y ta wordo dirigi segun e plan di e conferencianan di union den otro paisnan. Durante e aña 1893 e poco bendedonan misionero di buki cu tabata den e campo aki a bende un edicion di 5,000 ehempel di Pasonan pa Cristo, y a wordo imprimi un di dos edicion di e mesun cantidad. Den verano di 1894-95, nan a ricibi 4,000 pedido pa buki bendi pa suscripcion den cuater luna.

GSAM 423Pastor Prescott na Australia

GSAM 423.3Na 1895 Pastor W. W. Prescott, e Secretario di Educacion di e denominacion, a pasa varios luna den e conferencia aki, dedicando hopi tempo y atencion na e ramo aki di e obra. Durante e tempo ey el a dirigi un curso di educacion cu tabata di gran beneficio pa nan.

GSAM 424.1Pastor W. C. White a presenta e informe di e obra pa e aña na e Conferencia General, y e ta bisa lo siguiente:

GSAM 424.1“E Conferencia di Union di Australia ta consisti di dies-shete iglesia cu 1074 miembro, cu a paga un diesmo di $9,810.10 e aña anterior. E conferencia aki tin diesdos ministro ordena, dos ministro cu licencia pa predica, tres trahado biblico y cincuenta bendedo misionero di buki, cu durante e aña a bende buki pa un balor di $28,731.11. Durante e aña e colonia di New South Wales, cu seis iglesia y 321 miembro, a wordo separa for di e Conferencia di Australia, y a ricibi e nomber di Conferencia di New South Wales.”

GSAM 424MISION DI SUR AFRICA

GSAM 424.2Na e Conferencia General teni na Battle Creek na 1886, a wordo considera e cuestion di habri un mision na Sur Africa. Como a wordo tuma un decision na fabor di e empresa, na cuminsamento di verano di 1887 a wordo haci un esfuerzo pa establece e obra den e pais leu ey, caminda algun hende, cu ya a cuminsa observa e sabat, tabata pidi trahado.

GSAM 424Pastornan Boyd y Robinson na Sur Africa

GSAM 424.3Pa e proposito aki, dia 11 di mei, Pastor C. L. Boyd y su famia, Pastor D. A. Robinson y su casa, hunto cu otro trahadonan, a sali cu barco for di e ciudad di New York, na caminda pa Africa, pasando pa Liverpool y Londres. Tres aña despues, na e Conferencia General, Sr. P. W. B. Wessels a declara cu ora e trahadonan aki a yega Africa, tabatin mas o menos cuarenta persona cu ya tabata observa e sabat di e di cuater mandamento como resultado di lesa publicacionnan riba e tema y di studia e Scrituranan.

GSAM 424.4Pastornan Robinson y Boyd a cuminsa e obra misionero na Cape Town, y for di ey e obra a extende casi ocho cien miya pa nordoost, te na Kimberley, den e camponan di diamante.

GSAM 424.5Te na e aña 1889, tabatin solamente dos ministro, un ministro cu licencia pa predica, cuater iglesia y ochenta miembro; esakinan a paga un diesmo di $2,798.36. Durante e aña aki Pastor Ira J. Hankins, di America, a traha na Cape Town cu bon resultado, y Sr. y Sra. Druillard a bin for di Nebraska pa uni nan mes cu e obra na e lugar aki y comparti e trabounan y privacionnan cu ta cai riba esnan clama pa cuminsa e obra den un campo nobo. E trabounan di Sra. Druillard tabata limita principalmente na e deposito di buki, caminda e asuntonan di e departamento aki a wordo laga bao di su direccion; mientras cu Sr. Druillard tabata ocupa cu e causa misionero general. Durante e aña, abordo di barconan cu a haci escala na e haf aki, el a bende buki pa un total di $750.

GSAM 425Pastor Haskell na Africa

GSAM 425.1Tabata na augustus di e mesun aña aki cu Pastor Haskell a yega Cape Town. El a pasa cinco luna bon emplea den bishita y traha cu e diferente gruponan na Sur Africa. Door di e bishita aki e causa a wordo fortifica y edifica, y su mes curason a wordo anima pasobra el a mira fruta di su trabou. A wordo lanta interes den e obra di educacion, te asina cu diesdos studiante for di Africa a bin America pa frecuenta e scolnan di nos denominacion.

GSAM 425.2Mientras tanto e obra di benta misionero di buki a ricibi e debido atencion. Na Cape Town a wordo teni un curso pa e obra aki, dirigi pa Sr. E. M. Morrison; e curso aki a duna bida y energia nobo na e ramo importante aki di e mensahe. Inmediatamente despues di e instruccion duna den e curso aki, diestres bendedo misionero di buki, den seis luna, a bende y entrega buki pa un total di $5,621.28. En berdad, e pedidonan tabata asina tanto cu nan a “inunda” e oficina na Londres completamente, pasobra no por a prepara e bukinan lihe suficiente pa satisface e demanda.

GSAM 425.3Den e aña 1892, Pastor A. T. Robinson a uni su mes cu e obra na Sur Africa. Na e tempo ey e obra a crece te asina cu tabatin mester di un deposito nobo pa reemplasa esun bieu. P'esey a wordo construi un edificio nobo suficientemente grandi pa ofrece tambe espacio pa e reunionnan di e iglesia.

GSAM 426Edificio di colegio na Africa

GSAM 426.1Asina e obra a sigui avansa paso pa paso, te cu na Claremont, un bario pafor di e centro di Cape Town, a wordo construi un edificio di colegio cu a costa $35,000. E unico ayudo cu nan tabata desea di e rumannan homber na America tabata pa manda un grupo di maestro capacita pa duna enseñansa na nivel di colegio, y nan mes lo a cubri e gastonan. Como e peticion aki a wordo cumpli, e scol a habri dia 1 di februari 1893.

GSAM 426E Conferencia di Sur Africa

GSAM 426.2E Conferencia di Sur Africa a wordo organisa na 1892. Na e Conferencia General di 1893 a wordo vota pa acepta e den e Conferencia General. E tempo ey e tabatin cinco iglesia, un cien trinta y ocho miembro, cu a paga un diesmo di $34,077.32 e aña anterior. Na e conferencia aki, e Conferencia di Sur Africa tabata representa pa Peter Wessels, cu a dona generosamente $16,000 na e Conferencia General, un suma mas grandi cu loke e Conferencia General a gasta pa cuminsa e obra na Sur Africa. Ademas di e donacion aki, e cu un di su rumannan homber a dona $40,000 pa cuminsa e obra di un dispensario gratuito den e ciudad di Chicago.

GSAM 426.3Na e Conferencia General di 1895 e Secretario di Misionnan den Exterior a bisa di e campo africano:

GSAM 426.3“E conferencia na Sur Africa ta organisa apenas dos aña, pero den e tempo ey e Conferencia General a manda diesdos trahado den e campo ey. Dos di esakinan a bai den interior como misioneronan cu ta sostene nan mes, mientras cu e otronan a drenta e obra den diferente departamento. E conferencia ey tin un scol cu ta florece, un cas pa huerfano y un sanatorio cu ta bao construccion. E estadisticanan ta mustra cu nan tin 184 miembro.”

GSAM 426Periodiconan publica na Sur Africa

GSAM 426.4E asunto di libertad religioso na Sur Africa a move nos pueblo den e ultimo lunanan pa publica dos periodico, un na hulandes, yama De Wachter; e otro na ingles, yama The South African Sentinel and Gospel Echo. Esun ultimo tin un circulacion di 4,000 ehempel.

GSAM 427Conferencia di Union di Sur Africa

GSAM 427.1Na januari 1903 a wordo organisa e Conferencia di Union di Sur Africa, consistiendo di e conferencianan di e Colonia di Cabo y Natal-Transvaal, y e misionnan di Basutoland y Matabeleland bao di e direccion di e Conferencia di Union. Den e conferencia tin diescinco iglesia organisa cu 595 miembro, nuebe grupo cu no ta organisa cu nobenta miembro, y trinta wardado di sabat isola, un total di 715, cu a paga un diesmo di $7,850. Tabatin trinta y nuebe trahado, di cual bintiun tabata ricibi sueldo di e diferente conferencianan.

GSAM 427E CAMPO DI POLINESIA

GSAM 427.2Den e aña 1876, Pastor James White y e autor a manda un tomo di Signs of the Times y algun foyeto, acompaña pa un carta, na e isla di Pitcairn. E documentonan aki a wordo poni riba un barco cu tabata pasa rond di Cabo di Hornos pa bai New York. A wordo asegura nos cu e barco lo a para na Pitcairn, y cu e paki lo a wordo entrega ey. Nos no tabata conoce ni un persona riba e isla, y nos no tabata sa nada di e isla mes, solamente su reputacion di tin como habitantenan un pueblo devoto y temeroso di Dios. E publicacionnan a wordo manda sin sa kico lo a resulta.

GSAM 427Bishita na Pitcairn

GSAM 427.3Nos no a tende nada di e hendenan ni di nos literatura te ora cu Sr. John I. Tay a haci su bishita na e isla, den e aña 1886, dies aña despues. E ora ey nos a haya sa cu, como resultado di lesa e tomo di Signs y e foyetonan, henter e isla, na un dado momento, casi a dicidi di cambia nan dia di adoracion for di e prome dia di siman pa e di shete dia, y warda e sabat di Señor. Sinembargo, nan no a haci esaki te na e tempo di e bishita di Sr. Tay. Durante hopi tempo e tabatin un impulso profundo pa bishita e isla, pero e no tabata conoce e hendenan personalmente, ni tampoco e tabata sa di e interes den e berdad cu ya a wordo lanta den nan.

GSAM 428.1Despues di su regreso na America, el a suplica cu gran fervor pa construi un barco cu cual por a transporta misioneronan for di un isla pa otro den Oceano Pacifico. El a asisti na e Conferencia General teni den e aña 1889, cu e pensamento aki mas ariba den su mente, y ey el a defende e causa di e islanan di Polinesia. E conferencia, mirando e utilidad di e empresa, a vota pa colecta, pa medio di donacionnan, e suma di $12,000 pa construi of cumpra un barco pa traha entre e islanan di Oceano Pacifico.

GSAM 428Construccion di e Pitcairn

GSAM 428.2Di acuerdo cu e decision aki, e barco Pitcairn a wordo construi den verano di 1890, cerca di Benicia, mas o menos trinta miya for di Oakland, California, pa un costo di $12,035.22. Den tres cuart di un aña e suma di placa aki a wordo colecta y dona pa e Sabat Scolnan pa e proposito aki so, y nunca un donacion a wordo haci cu mas alegria y entusiasmo. E barco a wordo dedica na Oakland, California, dia 25 di september 1890. Mas o menos mil cinco cien hende a reuni abordo di e barco y riba e waf pa presencia e ceremonia.

GSAM 428E prome biahe di e Pitcairn

GSAM 428.3E barco a sali riba su prome biahe for di San Francisco pa su campo di trabou leu, dia 20 di october. Abordo como misionero tabata Pastor E. H. Gates y su casa, Pastor A. J. Read y su casa, John I. Tay y su casa, cu un tripulacion misionero bao di Capitan Marsh. E barco aki a bai prome na e isla di Pitcairn, cuater mil miya zuid di San Francisco, caminda el a yega dia 25 di november. Ora e barco a sali for di e isla, dia 17 di december, ochenta y dos adulto a ricibi bautismo y a wordo organisa den un iglesia Adventista di Siete Dia. E barco despues a dirigi su mes na e gruponan di isla di Sociedad, Hervey, Samoa, Islanan Amigabel y Fiji, lagando buki religioso y foyeto tocante salud y temperancia cerca e hendenan cu ta papia ingles. Durante ocho luna, te na september 1891, e misioneronan a bende buki pa un total di $1,900, ademas di distribui un gran cantidad di material di lectura gratis.

GSAM 429.1E misioneronan a wordo situa di e siguiente manera: Pastor Read na Tahiti; Pastor Gates a keda na Pitcairn pa termina e obra cu ya a cuminsa aya; mientras cu Sr. Tay a scoge di traha riba e isla di Fiji. Den e Review di 14 di april 1904, Pastor Fulton ta bisa di e obra na Fiji: “Awor tin mas cu un cien cincuenta wardado di sabat den e campo misionero aki.” For di Fiji, e barco a nabega pa Aukland, Nueva Zelandia, pa reparacionnan y mehoracionnan necesario, y tambe pa un suministro di buki.

GSAM 429Fayecimento di misioneronan

GSAM 429.2Despues di un ausencia di un aña, diesun luna y diesocho dia, e Pitcairn a regresa na San Francisco, caminda el a yega dia 9 di october 1892. Durante e tempo aki Capitan Marsh a fayece y a wordo dera riba e isla di Nueva Zelandia. Sr. Tay a haya pulmonia, di cual nunca el a recupera. E tambe a fayece den paz, y a wordo dera den e tera leu di Fiji; y asina dos bida precioso a wordo duna asina pronto pa e Mision di Polinesia.

GSAM 429.3E misioneronan situa riba e isla di Tahiti, na Papaete, a haya motibo pa regocija ora cu casi inmediatamente nan a mira frutonan di nan trabou. Na e fecha aki nan por a manda na nan pais natal e informe alentador di cuarenta persona converti y organisa den un iglesia Adventista di Siete Dia.

GSAM 429E di dos biahe di e Pitcairn

GSAM 429.4E barco a sali for di San Francisco riba su di dos biahe dia 17 di januari 1893, cu e siguiente misioneronan: B. J. Cady y su casa, J. M. Cole y su casa, E. C. Chapman y su casa, y M. G. Kellogg, doctor di medicina. Señorita Hattie Andre, di Ohio, a acompaña nan como maestra pa e isla di Pitcairn. Den otoño di 1893, Sr. Cady a habri un scol na Raiatea, di e grupo di Sociedad, cu sesenta alumno. Na final di e prome periodo di les, e cantidad a aumenta te na un cien cinco. Na cuminsamento di e di dos periodo tabatin un cien binti alumno ta asisti.

GSAM 430E di tres biahe di e Pitcairn

GSAM 430.1E di tres biahe di e barco a tuma lugar na 1893-94. E misioneronan pa e biahe aki tabata G. O. Wellman y su casa y Lillian White, tur di Michigan, cu tabata destina pa Raiatea, caminda nan lo a asisti Pastor Cady den su trabou. Sr. Stringer y su casa a bai como misioneronan cu ta sostene nan mes. Nan a keda na Rurutu. Na Raratonga (caminda e hendenan tabata warda diasabra como diadomingo), Dr. Caldwell y su casa a wordo situa; mientras cu Pastor Buckner y su casa, di California, a wordo laga na Pitcairn. Durante su estadia cu e pueblo aki, hopi actividadnan di produccion nobo a wordo introduci, cu di hopi manera a resulta beneficioso pa e habitantenan. Prome cu tur cos, a wordo traha un molina di biento pa mula e maishi cu awor ta wordo cultiva riba e isla, y e mesun forsa di biento ta move tambe mashinnan chikito, loke a conduci na otro actividadnan di produccion cu te e tempo ey tabata desconoci pa e habitantenan di e isla.

GSAM 430E di cuater biahe di e Pitcairn

GSAM 430.2Dia 15 di december 1895 e Secretario di Misionnan den Exterior a bisa:—

GSAM 430.3“E Pitcairn ta awor den haf despues di su di cuater biahe.... E obra a wordo establece den nuebe diferente grupo di isla, y e siguiente trahadonan ta ocupa den nan:—

GSAM 430.4“Riba e isla di Pitcairn, maestronan, E. S. Butz y su casa, y Hattie Andre. Isla di Norfolk, algun misionero cu ta sostene nan mes y cu a bin for di Australia ta ocupa den e obra aki. Islanan di Sociedad, ministro, B. J. Cady; misioneronan medico, Sr. y Sra. R. A. Prickett. Raratonga, misioneronan medico, Dr. J. E. Caldwell y su casa, e señoritanan Lillian White y Maude Young; maestronan, G. O. Wellman y su casa, Pastor J. D. Rice y su casa. Fiji, Pastor J. M. Cole y su casa. Islanan Amigabel, Pastor E. Hilliard y su casa. Rurutu, Sr. y Sra. Stringer, misioneronan cu ta sostene nan mes. Hawaii, Pastor E. H. Gates y su casa; maestronan, H. H. Brand y su casa. Samoa, Dr. F. E. Braucht y su casa. Pastor D. A. Owen y su yiu homber y yiu muhe, misioneronan cu ta sostene nan mes.

GSAM 431.1“E Pitcairn a bende y regala gran cantidadnan di literatura durante su cuater biahenan. Como consecuencia, wardadonan di sabat a aparece na hopi lugar. Iglesianan a wordo organisa riba e isla di Pitcairn, na Norfolk y na Tahiti.”

GSAM 431E Pitcairn a wordo bendi

GSAM 431.2Como awor tin posibilidadnan pa yega na e tereno di Polinesia cu no tabata existi ora a traha e barco, e barco a wordo bendi, y ta uza otro medionan pa sigui cu e obra. Pastor E. H. Gates ta awor superintendente di e tereno di Polinesia, y e ta informa di progreso den e diferente gruponan di isla.

GSAM 431INDIAS OCCIDENTAL

GSAM 431.3Den invierno di 1889, Sr. Wm. Arnold, di America, a cuminsa traha como bendedo misionero di buki den Indias Occidental. Mientras e tabata ocupa cu esaki, el a logra haya e nomber y adres di 1,200 persona, cu a wordo manda pa e Sociedad Internacional di Foyetonan pa uza den su obra misionero. Pa medio di correspondencia y di manda material di lesa na e adresnan aki, a lanta interes den e berdad, y asina a habri caminda pa propaga e evangelio pa medio di predicacion di e Palabra.

GSAM 431.4Como contesta na e yamada pa trabou di ministronan, Pastor D. A. Ball a bay Barbados y otro luganan pa traha, na november 1890. Varios persona a acepta e berdad como resultado di su esfuersonan. Na 1892, Sr. Patterson, di California, a recorre e islanan pa bende e buki Lecturanan di Bijbel, cu bon resultado. Na 1893, B. B. Newman a sali for di Florida pa Jamaica pa tuma e direccion di e trabou di bendedonan misionero di buki durante e ausencia di Sr. Arnold. Sr. Evans y Sr. Hackett tambe a bay Indias e mesun aña pa dedica nan mes na e ramo aki di e obra. Den luna di mei, Pastor Haysmer y su esposa a drenta e tereno aki pa traha segun caminda habri. Poco despues di esaki Sr. Arnold a bolbe, e biaha aki pa bende bukinan tocante salud. Te cu juli 1895, na Jamaica so a bende bukinan di e clase aki pa un balor di $8,200, mientras e benta di bukinan religioso a monta na $7,654, esta un total di $15,854. E distribucion di un cantidad asina grandi di literatura a yuda hopi pa establece na Kingston un iglesia bon organisa di 75 miembro, y pa habri caminda pa trabou di ministronan den otro partinan di e isla.

GSAM 432Trinidad

GSAM 432.1E obra a wordo introduci aki di un manera similar na esun di Jamaica. Den aña 1889, Sr. F. B. Grant y su esposa a wordo invita pa bishita e isla cu e proposito di introduci e literatura di nos denominacion, y pronto, tambe pa invitacion, Pastor Flowers y su esposa a sigui nan pa traha segun caminda habri. Nan tabatin bon resultado, te cu Pastor Flowers a haya keintura, cu a causa su morto dia 29 di juni 1894. Pastor E. W. Webster a wordo escogi como su sucesor, y el a sali cu barco for di New York na augustus 1895.

GSAM 432.2Na 1896 e trahadonan den Indias Occidental tabata e siguientenan: na Jamaica, Pastor A. J. Haysmer y W. W. Eastman, y un cantidad di bendedonan misionero di buki tabata den Islanan Bahamas. Den Antillas Menor tabata Pastor E. Van Deusen y su esposa, cu C. F. Parmlee y su esposa como trahadonan biblico, y Sr. Bean y Sr. Hackett como bendedonan misionero di buki. Na Trinidad, Pastor E. W. Webster y su esposa, cu Srta. Stella Colvin como misionera medico. E resultadonan: 110 wardado di sabat na Jamaica, y 50 wardado di sabat na Trinidad, concentra rond di Couva; un iglesia na Barbados, y un grupo na Antigua, den Antillas Menor.

GSAM 432AMERICA CENTRAL

GSAM 432.3Pastor F. J. Hutchins y su esposa a sali for di Estados Uni pa Islanan di e Bahia dia 16 di november 1891. Na e tempo ey tabatin, principalmente na Ruatan, mas o menos 20 persona cu tabata observa e sabat di e di cuater mandamento segun e Dies Mandamento; nan atencion a wordo dirigi pa prome biaha na e berdad aki pa medio di material di lesa cu nan a ricibi pa post. Tres aña despues, na 1894, W. A. Miller y su esposa a sali for di California pa Bonacca, caminda nan a uni nan mes cu e obra educativo como maestronan den un scol cu a habri dia 4 di juli 1894, den un edificio escolar construi pa Adventistanan di Shete Dia. Durante e prome periodo escolar tabatin un promedio di 34 alumno presente. Na 1895 a declara cu e scol por a sostene su mes, pasobra e cantidad di alumno a subi te 45.

GSAM 433.1Na e Conferencia General teni na 1895, Pastor Hutchins a informa cu tabatin cien persona riba e islanan cu tabata obedece e mensahe, y el a declara tambe cu a construi dos cas di reunion cu tabata propiedad di Adventistanan di Shete Dia. Pa motibo cu tera tabata scars y p'esey masha balioso pa cultivacion, un di e casnan di adoracion aki a wordo construi riba awa. E dos edificionan aki y e edificio escolar a wordo pasa pa escritura na e Asociacion di e Conferencia General. A calcula e balor di e propiedad di e Conferencia riba e isla na $1,789.60. E benta di bukinan te cu 1895 a monta na $2,243.

GSAM 433Un barco chikito pa America Central

GSAM 433.2Despues cu a dirigi e atencion di e Conferencia na e conveniencia y ventahanan di tin un barco chikito cu por transporta misioneronan di un isla pa otro, a wordo vota pa construi un barco asina pa e obra entre Islanan di e Bahia, na un costo cu no lo pasa $3,000.

GSAM 433.3Na 1896 tabatin solamente cuater trahado den America Central: Pastor F. J. Hutchins y su esposa, y Pastor J. A. Morrow y su esposa na Honduras Spaño. Na Belize, e capital di Honduras Britanico, tabatin un grupo di creyente cu tabata warda e di shete dia segun e di cuater mandamento. E mayor parti di e trabou den e tereno aki a wordo haci riba e islanan di Lama Caribe. Aki a bende bukinan pa un balor di varios mil dollar, y 60 persona tabata alegra den e berdad di e mensahe di e di tres angel.

GSAM 434E morto di Pastor Hutchins

GSAM 434.1Durante mas o menos 12 aña Pastor F. J. Hutchins a traha cu gran fidelidad y dedicacion den e tereno di America Central. Finalmente su forsa a caba, y el a sucumbi na enfermedad. Awor e ta reposa den soño, wardando e yamada di e Maestro, e yamada cu lo spierta e fielnan.

GSAM 434AMERICA DI SUR

GSAM 434.2Tabata pa medio di e palabra imprimi cu e creencianan di Adventistanan di Shete Dia a wordo introduci pa prome biaha den America di Sur. Na october 1891, e señornan Snyder, Stauffer y Nowlin a cuminsa nan trabou como bendedonan misionero di buki na Argentina. Na 1893, pa voto di e Conferencia General, Pastor F. H. Westphal, di Illinois, un ministro aleman, a uni su mes cu e obra den e tereno misionero aki, y na 1894, Frank Kelley, di California, a bay Estados Uni di Colombia como un misionero cu tabata sostene su mes. Algun luna despues otro trahadonan a sigui nan, y asina a duna un cuminsamento na e mision nobo aki. Na 1896 a duna e siguiente informe tocante e obra den e tereno aki: Chile tin un ministro, Pastor G. H. Baber, cu a yega dia 19 di october 1895; y dos bendedo misionero di buki, F. W. Richards y F. H. Davis. Argentina tin tambe dos ministro, F. H. Westphal y Jean Vuilleumier; y dos bendedo misionero di buki, O. Oppegard y C. A. Nowlin. Ademas di esakinan tin cuater trahado biblico, Lucy Post, Sr. y Sra. Snyder, y John McCarthy. Brasil tin dos ministro, Pastor W. H. Thurston y H. F. Graf; y tres bendedo misionero di buki, A. B. Stauffer, J. F. y J. A. Berger. Guyana Britanico tin dos ministro, Pastor W. G. Kneeland y Pastor P. Giddings; y dos misionero medico, Dr. B. J. Fercoit y su esposa.

GSAM 435.1Te cu 1896 a bende bukinan pa un balor di mil dollar na Chile, y 30 wardado di sabat a acepta e sabat y e berdadnan relaciona cu ne pa medio di lesa e literatura cu nan a cumpra cerca e bendedonan misionero di buki. Na Brasil y Argentina a bende bukinan pa un balor di dies mil dollar; y loke tabata ainda mihor, tabatin cien persona cu tabata observa e sabat. A organisa un iglesia y cinco Sabat Scol. Na Argentina tabatin tres iglesia organisa, na Buenos Aires, Crespo y San Cristóbal, respectivamente. Tabatin tambe un iglesia organisa na Guyana Britanico, y 50 wardado di sabat, haciendo un total di 150 Adventistanan di Shete Dia den America di Sur.

GSAM 435E SOCIEDAD MISIONERO DI SUR

GSAM 435.2Hablando estrictamente, no por yama e sociedad aki stranhero, aunke e ta haci un obra di evangelisacion entre un pueblo stranhero (africanonan) den nos propio pais. Hopi merito pa e resultadonan cu a wordo alcanza caba ta debi na e esfuersonan perseverante di Pastor J. E. White, bao e bendicion di Dios.

GSAM 435.3Den invierno di 1893, ora mi tabata sirbi como presidente di e Conferencia di Illinois, Pastor White a bin cerca mi cu un gran preocupacion pa e hendenan di color den e Estadonan di Sur. Como e tabata pasa algun siman na Chicago, el a pidi e privilegio di traha pa e hendenan di color cu tabata biba den e ciudad. Cu masha hopi gusto a concede e peticion, y ta ey su trabou pa e pueblo desafortuna aki a cuminsa en realidad.

GSAM 435E barco di stoom misionero di Pastor White

GSAM 435.4For di e tempo ey e tabata ora y haci plannan pa e tereno di Sur. Mientras e tabata studia e asunto, su plannan a madura, culminando den e construccion di un barco di stoom banda di Lago Michigan, cu yama Morning Star. Cu e «Betel» flotante aki, el a bay Chicago, y di ey abou pa e rionan Illinois y Mississippi, y el a yega Vicksburg, Mississippi, dia 10 di januari 1895. Aki, cu algun compañero, el a cuminsa su trabounan riba un tereno cu ainda no a wordo traha.

GSAM 436E obra di e Sociedad Misionero di Sur

GSAM 436.1Nos ta cita for di un informe presenta pa Pastor White na e Conferencia General dia 9 di april 1903, cu ta duna e resultadonan di e trabou y ta mustra e estado di e obra misionero di Sur na e fecha ey:—

GSAM 436.2“Nos Sociedad a establece y ta dirigi awor cinco scol na Mississippi.... E scolnan aki ta situa na Vicksburg, Yazoo City, Columbus y Jackson.... Nos trahadonan tambe a sigui cu esfuersonan na Nashville, Memphis y Edgefield Junction, na Tennessee, y na Louisville y Bowling Green, na Kentucky.

GSAM 436Trahadonan den Sur

GSAM 436.3“Na e momento actual tin 27 trahado den diferente departamento di e Sociedad. Cinco ministro ordena a wordo forma den e obra di e Sociedad Misionero di Sur.... 13 maestro di scol a wordo prepara di diferente manera pa nan trabou.... Un homber hoben ta ricibi educacion pa bira dokter pa cuenta di e Sociedad, na e Colegio Medico Meharry, na Nashville, y un otro ta ricibi ayudo cu su estudio na e mesun scol.... Algun bon trahado biblico a wordo forma. Algun di e maestronan tambe ta bira trahadonan competente den e departamento aki.

GSAM 436E barco di stoom «Morning Star»

GSAM 436.4“E Morning Star ta mi propiedad personal, construi cu mi propio placa. Ademas di esaki, tur e gastonan pa tene e barco aki funcionando a wordo paga for di mi propio entrada. Mi kier bisa tambe cu semper ta ami mes a paga e gastonan di biba riba e barco. Hopi biaha e grupo tabata conta entre 10 y 18 trahado.... Hasta e sueldonan di tur e trahadonan emplea pa e Sociedad durante añanan no a wordo paga cu donacionnan, sino cu mi propio entrada personal.

GSAM 437Con a haya placa pa e mision di Sur

GSAM 437.1“Por haci e pregunta: ‘Di unda bo a haya e placa aki?’ Señor a duna nos esaki. A publica algun buki chikito. Prome e Buki inicial di e Evangelio, cu originalmente a wordo pensa pa uza pa siña e hendenan di color. A spera di bende algun mil copia, pero pa nos asombro e benta a yega casi un miyon copia.

GSAM 437.2“Mama [Sra. E. G. White] a yuda nos cu e buki Cristo nos Salbador, cu a bende 300,000 of 400,000 copia. 200,000 of 300,000 copia di E mihor storianan a wordo bendi. Ta calcula cu a distribui suficiente copia di E Rey cu ta bin pa forma un columna di cuater miya halto. Cu e derechonan di autor di e bukinan aki, ademas di sostene hopi otro empresanan y ramonan di trabou, nos a construi e Morning Star.”

GSAM 437DEN HOPI PAIS

GSAM 437Mexico

GSAM 437.3Nos obra den e pais aki a cuminsa den aña 1894, cu e establecimento di un mision medico na Guadalajara. Na 1896 a informa cu e grupo di trahadonan tabata e siguiente: Pastor D. T. Jones y su esposa, cu tabata encarga cu e mision. E maestronan tabata Ora A. Osborne, Sra. A. Cooper, Kate Ross y un ayudante nativo. E misioneronan medico tabata Dr. J. A. Neal, A. Cooper, Sra. A. J. Rice, Sra. Bartlett y Sra. Rachel Flowers. 40 paciente pa dia tabata haci uso di e servicionan di e mision, y 40 studiante tabata asisti na e scol di e mision. Na e fecha aki un sanatorio nobo tabata wordo construi, na un costo di $12,000.

GSAM 437Africa Central

GSAM 437.4Na 1893 e causa di e mensahe di e di tres angel a avansa tanto cu e Comite di e Conferencia General a haya cu tabatin suficiente motibo pa recomenda e establecimento di un mision na Africa Central. P'esey a wordo vota: “Cu asina pronto cu ta posibel lo habri un mision na Matabeleland.” Di acuerdo cu e decision aki, un grupo di Adventistanan di Shete Dia a drenta e pais ey na 1894 y a escoge un cunucu di 12,000 acre. Na e conferencia di 1895, Pastor C. B. Tripp y su esposa, W. H. Anderson y su esposa, y Dr. A. S. Carmichael a wordo escogi como e misioneronan pa e tereno leu aki. Nan a cuminsa mesora cu preparacionnan pa e biahe largo, y despues di un biahe prospero nan a yega na nan destino dia 26 di juli 1895.

GSAM 438E Costa di Oro

GSAM 438.1Durante varios aña e grito macedonio pa ayudo a yega cerca Adventistanan di Shete Dia for di e costa occidental di Africa. A lanta interes den e berdad pa medio di lesamento di publicacionnan adventista, pero no a manda ayudo sino te den aña 1894 of mas o menos e tempo ey. E ora ey e Comite di e Conferencia General a invita Pastor Sanford y Sr. Rudolph pa tuma e trabou cu tabata warda asina tanto tempo. Nan a drenta e tereno cu celo y curashi. Sinembargo, no mucho despues Pastor Sanford a haya e keintura, cu ta asina comun ey cu ta yama e pais “e santana di e homber blanco.” El a haya tres atake, y despues, pa por keda na bida, e tabata obliga di bolbe America. A manda otronan pa e costa occidental, entre nan Pastor D. U. Hale, Geo. F. Kerr y su esposa, y G. P. Riggs. Sinembargo, e ultimo aki a wordo asina debilita pa enfermedad cu no tabatin speransa pa su bida, y el a hui pa Inglatera cu e speransa di beneficia di un cambio di clima; den esaki e y su amigonan a keda desilusiona, pasobra poco poco el a bira mas debil, y finalmente el a muri, y a dera e ey. E tambe ta warda e binida di Esun cu ta duna bida.

GSAM 438India

GSAM 438.2Dia 12 di januari 1890, Pastor Haskell a sali cu barco for di e puerto di Durban, riba e costa zuidoost di Africa, pa Calcuta, India, China y Japon. Prome cu e fecha aki, Percy T. Magan, su secretario, a uni su mes cu ne. E proposito di e biahe aki pa India tabata di “explora” pa haya informacion cu lo permiti nan duna conseho y guia ora Adventistanan di Shete Dia lo cuminsa cu obra misionero activo den e tereno ey. Cu e idea di establece un mision na India, e Conferencia General a recomenda na 1893 pa Wm. Lenker bay e pais ey como bendedo misionero di buki. Cumpliendo cu e recomendacion aki, el a bay India y a introduci e literatura di Adventistanan di Shete Dia. Mas despues Sr. Lenker a informa cu e y cuater otro persona a recorre diferente parti di India como bendedonan misionero di buki te cu 1896, y a bende publicacionnan pa un balor di $10,000. Pa mustra e interes cu e bukinan bendi a crea, el a declara ademas cu mientras e tabata bende bukinan den e vecindario di Madras, riba e costa occidental di India, “un predicado nativo a cana 60 miya pa cumpra un copia di Pensamentonan riba Daniel y Revelacion.”

GSAM 439Georgia Burrus na India

GSAM 439.1Na 1895 Srta. Georgia Burrus a sali for di California pa India. Ora el a yega ey, el a cuminsa mesora cu e estudio di e idioma bengali, y pronto el a cuminsa cu e obra misionero. Te cu 1896 varios persona a cuminsa observa e sabat di Señor pa medio di nan contacto cu nos trahadonan.

GSAM 439.2E trahadonan den e tereno na 1896 tabata Pastor D. A. Robinson y su esposa. Srta. May Taylor y Srta. Georgia Burrus tabata trahadonan biblico. Sr. Lenker y Sr. Masters tabata bendedonan misionero di buki. A haya un edificio adecuado pa e cas di e mision, y a manda yamadanan pa e pais di origen pa dokternan, enfermeronan y mas ayudo pa atende na e necesidadnan urgente cu nan tabata enfrenta. Pastor Brown, cu otronan, a responde na e yamada aki. Tanto e como Pastor D. A. Robinson a muri na Karmatar, Bengal, India, na fin di december 1899.

GSAM 439Hawaii, Islanan Sandwich

GSAM 439.3Den aña 1884, Sr. La Rue y Henry Scott a bay Hawaii como misionero, pagando nan propio gastonan. Nan a cuminsa nan trabou pa medio di haci obra misionero personal y bende buki. Esaki a lanta un interes asina grandi riba e isla cu e Conferencia General, na november 1885, a vota pa Pastor Wm. Healy bay Hawaii e siguiente temporada pa traha, y pa pidi e Conferencia di California pa fia un tent pa e proposito aki. Cu e equipo aki, Pastor Healy y esnan cu tabata riba e isla caba a tene un reunion den tent durante e verano di 1886. Como resultado di e esfuerso aki un cantidad di persona a acepta e mensahe. Sr. La Rue a keda na Honolulu te aña 1889, ora el a sali cu barco pa Hong Kong, China.

GSAM 440Obra entre chinesnan na Hawaii

GSAM 440.1A duna e isla masha poco ayudo di ministronan te ora e Conferencia General a reuni den luna di maart 1895, ora a wordo vota cu “Pastor Gates y su esposa, cu Sr. y Sra. Brand como maestronan pa e chinesnan, lo bay Honolulu pa dedica nan mes na obra misionero.” E trabou di siña a cuminsa mesora, y Pastor Gates, aunke su salud tabata debil, a haci loke e por pa hiba e obra dilanti. Un dokter y enfermeronan a sigui e misioneronan pronto, y e obra den e ramo ey di e mensahe a haya un bon cuminsamento.

GSAM 440Resumen di e misionnan, 1 di januari 1903

GSAM 440.2E informe di e Secretario di Misionnan den Exterior, presenta dia 31 di december 1902, ta presenta e obra di e mensahe cu ta wordo haci pafor di Estados Uni di e siguiente manera:—

GSAM 440.3E Conferencia di Union Australiano, forma pa e conferencianan di Victoria, Gales Nobo di Sur, Nueva Zelanda, Queensland, Australia di Sur, Tasmania y Australia Occidental.

GSAM 440.4E Conferencia General Europeo, componi di e Conferencia di Union Aleman, Alemania Occidental, Alemania Oriental, Alemania di Sur, Hulanda y Belgica Flamenco, Austria-Hungria y e Estadonan di Balkan, Suisa Aleman, Rusia di Sur, Rusia di Norte y Rusia Central.

GSAM 440.5E Conferencia di Union Escandinavo, componi di Dinamarca, Noruega, Suecia, Finlandia y Islandia.

GSAM 441.1E Conferencia di Union Britanico, cu ta inclui Inglatera di Norte, Inglatera di Sur, Irlanda, Escocia y Gales.

GSAM 441.2E Conferencia di Union Frances-Latino, cu ta inclui Suisa Frances, Francia y Italia.

GSAM 441.3E Mision Oriental, cu ta inclui Egipto, Siria y Turquia.

GSAM 441.4E Conferencia di Union di Africa di Sur, cu ta inclui Colonia di Cabo, Natal-Transvaal, Basutoland y Matabeleland.

GSAM 441.5Varios: Bermuda, Brasil, Guyana Britanico y Hulandes, America Central (Sur), China, Fiji, India, Jamaica, Japon, Antillas Menor, Mexico, Nyassaland, Pitcairn, Puerto Rico, Rio de la Plata, Raratonga, Samoa, Islanan di e Sociedad, Sumatra, Tonga, Trinidad, Costa Occidental (America di Sur) y Costa Occidental (Africa).

GSAM 441.6E cantidad di trahadonan activo den e diferente terenonan aki, incluyendo ministronan, esnan cu tin licencia pa predica, trahadonan biblico, colportornan y bendedonan di buki, ta 754.

GSAM 441Puntonan strategico establece

GSAM 441.7For di e declaracionnan cortico aki tocante nos misionnan nos por bisa, manera e Secretario di Misionnan den Exterior a haci den aña 1896:

GSAM 441.7“Cu e posicionnan strategico aki awor ocupa pa e mensahe den casi tur parti di mundo, Dios, pa medio di su poder infinito, por haci un obra grandi y poderoso den masha poco tempo. E lo termina su obra pronto den husticia.”

Notes

  1. Romanonan 15:21. ↩

Note

Back