Capitulo 20 — Sacrificionan den e prome tempo di e obra
GSAM 311.1“Reuni mi santonan huntu na mi; esnan cu a haci un pacto cu mi mediante sacrificio. Y e cielonan lo declara su husticia: pasobra Dios mes ta hues. ”1
GSAM 311.2Den Revista y mensahero di 3 di yüni 1902, nos lesa:
GSAM 311.2“Esnan cu ta drenta den e obra na e tempo actual sa comparativamente poco di e negacion propio y sacrificio propio di esnan riba kende Señor a pone e carga di su obra na su principio. E experiencia di pasado mester wordo conta nan atrobe y atrobe; pasobra nan tin cu hiba e obra dilanti cu e mes humildad y sacrificio propio cu a caracteriza e trabadornan berdadero di pasado.”
GSAM 311.3Atrobe, den Testimonionan pa e Iglesia, Vol. 7, nos ta haya e palabranan aki:
GSAM 311.3“Nos ta acercando na e fin di e historia di e tera aki, y e diferente linianan di e obra di Dios tin cu wordo hiba dilanti cu hopi mas sacrificio propio cu a wordo mustra te ainda.”2
GSAM 311.4E circunstancianan bou di cual Pastor Bates a wordo impulsa, na 1846, pa skirbi y publica su prome buki tocante e cuestion di sabat, ya a wordo menciona. Tambe a wordo haci referencia na e situacion dificil di Pastor James White, ora cu, na 1849, el a cuminsa publica e papel yamá Berdad presente.
GSAM 311Un Foyeto Tocante e Cielonan Habri
GSAM 311.5Despues di e vision duna na Sra. White na Topsham, Maine, den otoño di 1846, ora algun planeta a wordo mustra na dje, Pastor Bates a prepara e manuscrito pa un foyeto tocante E Cielonan Habri. Pero tabatin gran falta di medio listo pa su publicacion. Pa cubri e necesidad aki, un ruman muhe cu tabata biba na Massachusetts, cu net a caba di traha y pone un tapijt nobo di trapo, a kita e tapijt, bendéle, y a duna e entrada na Pastor Bates; esaki a permiti cu el por publica su di dos buki.
GSAM 312Un Foyeto Tocante e Obra di Sellamento
GSAM 312.1Despues di e vision tocante e obra di sellamento, duna na Dorchester, Mass., 18 di november 1848, Pastor Bates a skirbi un di tres foyeto, cu titulo Un Seyo di e Dios Vivo. Aki tambe el a enfrenta e problema di no tin placa pa imprenta. Un viuda hoben, ora el a siña di e situacion, a bende un cas chikí cu e tabata posee den campo, y a duna Pastor Bates mitar di e suma cu el a recibi pa dje. Asina el a wordo habilita atrobe pa paga e impresion di un buki.
GSAM 312E Demandanan di e Obra di Publicacion
GSAM 312.2Na 1851-52, Revista di e segundo binida y mensahero di sabat tabata wordo imprimí na Saratoga Springs, N.Y. Aki Señor Thompson a duna Pastor White y su esposa un kamber pa biba gratis; y cu mueble presta nan a wordo duna e privilegio atrobe pa arma nan cas.
GSAM 312.3Na e tempo aki, e creyentenan den berdad presente tabata aumentando, y cu e aumento aki tabatin demanda pa e trabou personal di Pastor y Sra. White. Esaki, hunto cu e trabou di redaccion, a crea demanda pa yudansa den oficina. Net na e momento aki, otro personanan a wordo inspira pa yuda den e trabou literario. Como un ehempel di con Señor ta traha en respuesta na fe di su pueblo, y ta lanta trabadornan den tempo di necesidad, nos ta duna e experiencia di un ruman muhe devota, Sra. Rebecca Smith, di West Wilton, N.H.:—
GSAM 312.4Despues cu e tempo a pasa, su yiu Uriah y su yiu muhe Annie R. tabata desea hopi pa bai scol, pa nan por prepara nan mes pa duna les. E mama tabata teme cu e muchanan tabata alehando nan mes pa bai den mundu, y, di hecho, su temornan no tabata completamente sin fundamento. E amor paternal di e mama a wordo reciprocado pa e muchanan.
GSAM 313Uriah Smith na Academia di Phillips
GSAM 313.1Di 1848 te 1851 e yiu a atende Academia di Phillips na Exeter, N.H., kaminda e alumnonan tabata pasa door di e prome aña di un curso universitario, pa ora nan drenta universidad nan lo tin un aña di ventaha. El a caba e curso aki. Na 1851 el a traha pa gana placa cu cual el por atende universidad, pero pasobra su patron a bai den quiebra, el a perde su placa, y como consecuencia e plan cu el a stima pa hopi tempo di un curso universitario a wordo abandona.
GSAM 313Señorita Smith na un Seminario pa Hubentud Muhe
GSAM 313.2Mientras Uriah tabata na academia, su ruman muhe tabata atende un seminario pa hubentud muhe na Charlestown, Mass. Su curso aya tabata casi caba, y como pronto el lo laga scol, un oferta a wordo haci na dje y su ruman pa duna les den un academia na Mt. Vernon, N.H., pa tres aña, na $1,000 pa aña, cu cuminda y kamber.
GSAM 313.3Mas o menos na e tempo aki e mama a acepta “berdad presente”. Awor su oracionnan tabata, si tabata posibel, mas serio y fervoroso cu nunca pa su muchanan. Pastor Bates a bishita West Wilton, y dilanti di dje Sra. Smith a pone e caso di su muchanan; nan conversion a wordo haci un tema di oracion. Pastor Bates tabata sperando pa tene reunion den algun dia na Somerville, Mass., na cas di Paul Folsom, y Sra. Smith mester a skirbi na su yiu muhe, invitandole pa atende e reunion. Mientras tanto, Pastor Bates y e mama mester a resa pa Dios move su curason pa bai na e reunion.
GSAM 313Dos Sueñonan Cumpli
GSAM 313.4Pastor Bates nunca tabata den e kamber kaminda e reunion lo wordo tene, y por eso el no tabata sa nada di su situacion. E anochi prome cu e reunion, el a soña cu el tabata den e kamber, y cu tur stoel tabata ocupa excepto esun banda di porta. El tambe a soña cu el a cambia su tema di esun cu el tabata plan pa trata, y a papia tocante e cuestion di santuario; cu nan a canta e prome himno, a resa, y a canta e di dos himno, y cu el tabata net habri su Bijbel y lesa: “Te dos mil y trescientos dia, despues e santuario lo wordo purifica, ” mientras el tabata mustra e figura di e santuario riba e cuadro, ora e porta a habri y un señorita a drenta y tuma su luga den e stoel bashi. El tambe a soña cu e persona tabata Annie R. Smith, y cu mesora el a interesa y acepta e berdad.
GSAM 314.1E reunion di Pastor Bates tabata riba sabat (Diasabra), y como no tabatin scol e dia ei, Annie a bisa: “Pa contenta mi mama, lo mi bai.” E anochi prome cu e sabat ei, el a soña cu el a bai, pero tabata lat; cu ora el a yega na porta, nan a caba di canta e prome himno y haci oracion, y nan tabata net caba di canta e di dos himno; ora el a drenta, el a mira cu tur stoel tabata ocupa excepto esun banda di porta; cu un orador haltu, noble y agradable tabata mustra na un cuadro cu el nunca a mira prome, y tabata repiti: “Te dos mil y trescientos dia, despues e santuario lo wordo purifica. ” El a soña cu loke el tabata bisa a interesa su mente hopi, y cu e tabata e berdad.
GSAM 314.2El a sali pa e reunion cu hopi tempo, pero el a perde caminda, y por eso no a yega te cu tabata canta e ultimo parti di e di dos himno. Ora el a drenta, tur cos tabata mescos cu el a mira den e soño, y e mesun homber di su soño tabata repiti, na e mesun manera, e teksto di Daniel 8:14. E cos aki a trece conviccion den su curason mesora.
GSAM 314.3Pastor Bates no a pensa riba su soño te ora Annie a drenta porta y tuma su luga. El a prepara pa papia tocante otro tema, pero su mente tabata keda riba e cuestion di santuario. Mientras el tabata repiti e teksto, su soño a aparece de repente den su mente, y en silencio el a resa pa yudansa pa papia na e curasonnan di su oyentenan. El a haya hopi libertad den e explicacion di e pasamento di tempo, cu Annie tabata conoci. Despues el a presenta e berdad di e mensahe di e di tres angel y e sabat.
GSAM 315Annie Smith Acepta e Berdad
GSAM 315.1Ora el a cera e reunion, el a acercase na Annie, y a bisa: “Mi ta kere esaki ta yiu muhe di Ruman Smith di West Wilton. Mi nunca a mira bo prome, pero bo cara ta parce familiar. Ayer anochi mi a soña di mira bo.” Despues Annie a conta su soño. El a laga e reunion cu tur su sintimentonan y aspiracionnan cambia, pasobra aya y e ora mes el a acepta e berdad di sabat.
GSAM 315.2El a bolbe na e seminario, a empaca su baul, y a bai cas. Ora el a siña di e preocupacionnan di Pastor White den publicacion, y di su trabounan den predicacion, el a sinti cu Dios tabata yamale pa bai y yud’é den su trabou di oficina. Na augustus 1851, ora e papel a wordo move di Paris pa Saratoga Springs, N.Y., Señorita Smith a bai aya como un di e trabadornan.
GSAM 315Un Sacrificio y un Consagracion
GSAM 315.3Den Revista, Vol. 2, No. 7, tin algun liña skirbi pa su man cu ta expresa su sintimentonan despues cu el a laga su plan anterior pa su trabou humilde y sin pretencion. El ta bisa:
GSAM 315.3“Mi ta confia cu mi a bandona tur cos pa sigui e Lamchi unda cu e guia e caminda. Tera a perde completamente su atractivonan pa mi. Mi esperansanan, mi alegríanan, mi afectonan, awor tur ta centra riba cosnan ariba y divino. Mi no ke ningun otro luga sino sinta na pia di Hesus y siña di dje—ningun otro ocupacion sino ta den servicio di mi Tata celestial—ningun otro deleite sino e pas di Dios cu ta pasa tur entendementu.”
GSAM 315.4E yudansa di Ruman muhe Annie den oficina como revisora di prueba y otro trabounan, a yega na tempo. Pa tres aña el a traha fiel y eficaz, recibiendo solamente cuminda y paña. Na fin di e periodo aki, tisis a marca el como su victima. Durante e estragonan di e enfermedad lento y mortal aki, el a skirbi algun poema bunita, y e mas dushi di tur tabata “Cas Aki y Cas den Cielo”; e prefacio di dje, skirbi e dia prome cu su morto, 26 di yüli 1855, ta expresa tan bon e gracionan di simplicidad y humildad cu tabata tan desaroya den su caracter, cu nos no por evita duna e aki completo:
GSAM 316Arma Cas Bou di Dificultadnan
GSAM 316.3Na april 1852, Pastor White a move di Saratoga Springs pa Rochester, N.Y. Tabata den e ciudad aki, na 124 Mt. Hope Avenue, cu nan a arma cas pa prome biaha cu articulonan compra en bes di presta. Pero nan tabata tan ansioso pa haci e obra di publicacion un exito, pa e papel por wordo publica regularmente y asina e berdad por wordo sprei, cu nan a niha nan mes hopi di e comodidatnan comun di bida.
GSAM 316.4E manera cu nan a cuminsa arma cas na e tempo aki, bo por lesa den e siguiente carta privá skirbi pa Sra. White na e famia di S. Howland, 16 di april 1852:—
GSAM 316.5“Nos ta net estableciendo aki na Rochester. Nos a huur un cas bieu pa $175 pa aña. Nos tin e imprenta den cas. Si no tabata pa esaki, nos lo mester a paga $50 pa aña pa un luga di oficina. Lo bo hari un tiki si bo por mira nos y mira nos mueble. Nos a cumpra dos cama bieu pa binticinco sent cada un. Mi esposo a trece mi seis stoel bieu, ningun dos di nan igual, pa cual el a paga un dollar, y pronto el a presenta mi cuater stoel bieu mas, sin asiento, pa cual el a paga sesenta y dos sent pa tur cuater stoel hunto. E marconan tabata fuerte, y mi a pone asiento di tela riba nan. Manteca ta asina caro cu nos no ta cumpra, ni nos no por paga pa batata. Nos ta usa salsa di fruta na luga di manteca, y nabo na luga di batata. Nos prome cumindanan a wordo come riba un tabla pa tapa e apertura di e chimenea, pone riba dos barí di harina bashi. Nos ta dispuesto pa soporta privacionnan si e obra di Dios por avansa. Nos ta kere cu e man di Señor tabata den nos venida na e luga aki. Tin un campo grandi pa traha, y poco trabadornan. Pasado sabat nos reunion tabata excelente. Señor a refresca nos cu su presencia.”
GSAM 317Generosidad di e Creyentenan
GSAM 317.1Den e prome numero di Revista, imprimí na Rochester, 6 di mei 1852, hablando di e traslado di Saratoga pa Rochester, Pastor White a bisa:
GSAM 317.2“E rumannan a provee medio pa sostene e papel mas alla di nos expectativanan. Y aunke nos gastonan den move di Saratoga Springs, y cuminsa e papel den e ciudad aki, tabata considerabel, sin embargo nos ta liber di debe.”
GSAM 317Sacrificio di e Trabadornan
GSAM 317.3Den un nota comercial den Numero 12, 14 di october, nos lesa:
GSAM 317.3“Sin embargo, e oficina no tin debe, pa e motibo aki: Rumannan Belden y Stowell, cu a traha den oficina durante e seis lunanan pasa, a recibi apenas un tiki mas cu nan cuminda. Otro cu a participa den e mesun trabou no a recibi mas cu nan. Seguramente lo ta un placer pa tur e amigonan di berdad presente yuda completa e falta den e entradanan, pa esnan cu a traha duro, specialmente durante nos ausencia, den medio di malesa, publicando Revista y mensahero, por tin sosten comodo.”
GSAM 317Aumento di Creyentenan na Rochester, N.Y.
GSAM 317.4Durante verano di 1852, ora e obra di publicacion tabata bon cuminsa na Rochester, Pastor White y su esposa a haci un biahe di tres luna, cu cabay y kareta, te leu pa ost na Bangor, Maine, tene reunionnan y bishita wardadornan di sabat disperso na caminda. Prome nan a bolbe, cuminsando 26 di september, Pastor J. N. Andrews a duna un serie di discursunan na 124 Mt. Hope Avenue. Na e ocasion aki ocho Adventistanan di Prome Dia a acepta berdad presente, y e escritor tabata un di nan.
GSAM 318Oswald Stowell Cura
GSAM 318.1Un bierna anochi na october, Pastor White y su esposa a yega cas di nan biahe pa ost. E siguiente dia (sabat) nos a mira nan pa prome biaha, den e reunion di sabat. Na e tempo di e reunion aki, Oswald Stowell, e imprentero, tabata sufri di un ataque hopi severo di pleuresia, y su dokter a declara cu e lo muri. E dokter a bisa cu e no por “haci nada pa dje”. Durante e servicio Oswald tabata den un kamber banda, den gran agonia fisico. Na fin di e reunion el a manda pidi pa haci oracion pa dje. Hunto cu otro, mi a wordo invita pa participa den un periodo di oracion. Nos a dobla banda di su cama, y mientras tabata haci oracion, Pastor White a ungele cu azeta “den e nomber di Señor”. Tabatin un presencia palpable di e Spiritu di Dios, y el a wordo cura mesora. Ora nos a lanta di oracion, el tabata sinta den cama, batiendo su costadonan cu prome tabata asina doloroso, y diciendo: “Mi ta completamente cura. Mi lo por traha e imprenta manual mañan.” Dos dia despues el a traha cu ne.
GSAM 318Vision di Sra. White Dilanti di e Grupo di Rochester
GSAM 318.2E mesun bendicion cu a cura Ruman Stowell a baha den medida ainda mas grandi riba Sra. White, y ora Pastor White a bira pa mirale, el a bisa: “Ellen ta den vision; e no ta respira mientras e ta den e condicion aki. Si algun di boso ke convence boso mes di e echo aki, boso ta liber pa examinale.” El a keda asina den vision mas o menos un ora y binti minuut. Mientras el tabata den e condicion ei, el a papia palabranan, y algun biaha frasenan completo; sin embargo, cu e mas cuidadoso observacion no tabata por discerne ningun respiracion den su curpa.
GSAM 319Vision Tocante e Curso di un Miembro Ausente
GSAM 319.1Despues cu Sra. White a sali di e vision aki, el a duna testimonio tocante loke el a mira. Prome cu Pastor White y su esposa a bolbe di nan biahe pa ost, un di nos grupo a laga e ciudad, y tabata biaha pa negocio den Estado di Michigan. P’esei el no tabata presente na e reunion aki, y nunca a mira Pastor White ni su esposa. Mientras el tabata relata su vision, Sra. White a conta nos, entre otro cos, loke el a mira tocante un homber cu, mientras el tabata biaha y leu for di cas, tabata papia hopi tocante e ley di Dios y e sabat, pero na mesun tempo tabata kibra un di e mandamentonan. El a bisa cu e tabata un persona cu el nunca a encontra, pero el tabata kere cu algun dia el lo mira, pasobra su caso a wordo revela na dje. Sin embargo, ni un di nos a sospecha cu e tabata algun persona cu nos tabata conoci.
GSAM 319.2Mas o menos seis siman despues di e vision ariba menciona, e ruman cu a wordo menciona prome a bolbe di Michigan. Mesora Sra. White a mira su cara, el a bisa na un di e rumannan muhé: “Esaki ta e homber cu mi a mira den vision, di kende mi a conta boso.” Despues cu e vision a wordo relata na e ruman aki, den presencia di su esposa y algun otro persona, Sra. White a bisale: “Mescos cu Nathan a bisa David: ‘Bo ta e homber.’” Despues el a haci mescos cu Pablo a bisa cu algun persona lo haci ora nan wordo reprende pa nan pikánan mediante e don di profesia: “Pero si tur ta profetisa, y un hende cu no ta kere drenta, o un hende sin siñansa, e ta wordo convence pa tur, e ta wordo husga pa tur: y asina e secrete di su curason ta wordo haci publico; y asina, cayendo riba su cara, el lo adorá Dios, y el lo reporta cu Dios ta di berdad den boso. ”3 Despues cu el a scucha e relato di su maldadnan pa Sra. White, e ruman aki a cay riba su rudia dilanti di su esposa, y cu lagrima el a bisa na dje y na e poconan presente: “Dios ta di berdad cu boso, ” y despues a haci un confesion completo di su conducta mientras el tabata na Michigan, den violacion di e di shete mandamentu, mescos cu a wordo revela na e momento cu e echo a tuma luga, mas cu cincocientos milla leu.
GSAM 320.1Asina algun siman di tempo a duna nos un fuerte confirmacion di e testimonionan. No solamente nos a wordo guia pa bisa cu nan tabata produci pa algun poder sobrenatural, sino tambe cu nan tabata di un fuente cu, den terminos sin ningun duda, tabata reprende hende pa pikado.
GSAM 320Uriah Smith Conecta cu Oficina di Revista
GSAM 320.2Tabata durante e publicacion di Tomo 3 di Revista cu Uriah Smith a cuminsa observa e sabat, y a wordo conecta cu oficina di Revista, caminda el tabata escritor y editor pa asina hopi aña. Su prome produccion publica den e papel tabata un poema cu titulo “E Bos di Aviso di Tempo y Profesia”, cu a aparece 17 di maart 1853.
GSAM 320.3Pastor Smith a tende e mensahe di e di tres angel pa prome biaha na un conferencia tene na Washington, N.H., 10 te 12 di september 1852. Ora el a bolbe cas na West Wilton, el a studia cu cuidado loke el a tende, y a cuminsa observa e septimo dia, e prome sabat di december 1852. El a wordo conecta cu oficina di Revista na Rochester, N.Y., 3 di mei 1853, caminda el y su ruman muhe Annie a traha pa nan cuminda y paña, en bes di duna les den un academia pa $1,000 pa aña y nan cuminda. Esakinan tabata, den nan clase, algun di e sacrificionan haci pa establece e obra di e mensahe di e di tres angel den su dianan tempran.
GSAM 320Ordena como Ministro
GSAM 320.4Mas o menos na aña 1863 Pastor Smith a cuminsa ehecuta su don den papia publico. Na 1866 el a wordo ordena como ministro di e evangelio, despues di cual tempo el a traha hopi den reunionnan di campamento y conferencianan den e diferente Estadonan di Atlantico te Pacifico, mescos cu den trabou pastoral den e iglesia di Battle Creek, cu tabata su iglesia di cas. Despues di e apertura di Colegio di Battle Creek, el a duna les mas o menos den e departamento biblico di e institucion ei. Pa interes di Revista y mensahero, el a cruza Oceano Atlantico na aña 1894, bishitando diferente paisnan na Europa. Mientras el tabata na Siria, el a haya un fiebre cu efecto di cual el nunca a recupera completamente.
GSAM 321Cincuenta Aña di Trabou Incansabel
GSAM 321.1Di 1853 te 1903, mitar siglo, Pastor Smith tabata casi continuamente conecta como editor cu Revista di e segundo binida y mensahero di sabat; y durante gran parti di e tempo el tabata tin tur e maneho editorial di e papel. Mes riba e dia di su morto, ora un atake paralitico a dal dje, el tabata na caminda pa oficina cu material cu el a prepara pa imprenta. El tambe a aporta algun volumen importante na e literatura di e denominacion. Entre e obranan aki tin Pensamentonan tocante Daniel y e Revelacion, Naturalesa y Destino di Hende, un volumen amplia tocante e Santuario y Dos Mil y Trescientos Dia, E Maraviya di Nacionnan, Spiritismo Moderno. E prome di e volumen aki el a skirbi mayormente entre nuebe or di anochi y mey anochi, despues cu e trabou editorial y di oficina di e dia tabata caba.
GSAM 321Morto di Pastor Smith
GSAM 321.2Su bida tabata util y bon emplea. El ta sosega di su trabounan, despues cu el a drumi den Hesus 6 di maart 1903. Pero di dje por wordo bisa cu berdad: “Su obranan ta sigui tras di dje,” y aunke el ta morto, el ta papia ainda.