Adventist Pioneer
Library
aplib.orgLibrary
Table of Contents
01 / 31
01 / 31

Laha katha

John Norton Loughborough

GSAM 3.1Hoṛkoakʼ tire lahakhonge aema upạgạri puthi menakʼa. Ona lekha re ar mitʼṭen seletʼ reakʼ ińakʼ karon do noa kana je noako sahṭare Dosar hijukʼre biswạsiko reakʼ, biseskate Eaeakʼ mãhã manao ar dosar hijukʼre biswạsiko reakʼ aema kathań lại akada, oka do lahare noṅkage hoṛko samaṅre baṅ ạgulen tahẽkana. Noa chaḍa, okoe tayom reakʼ serma kore noa kạmireko seletʼlen ar lại akan kathako do ako metʼte bako ńelletʼ, onko modre aemage kạmi reakʼ ehopʼ khon tahẽkan hoṛko ṭhen noako sạri ghoṭna ar ńel aṭkarakʼ reakʼ katha ańjom lạgitʼ ontor khonko koe akada. Iń do 1843 ar 1844 salre Dosar hijukʼ reakʼ ạndolon sãoteń oromlen tahẽkana. 2 Januyạri 1849 khon noa sikhạunań porcar akada, pạhil do Dosar hijukʼre biswạsicʼ lekate, ar 1852 khon Eaeakʼ mãhã manao ar dosar hijukʼre biswạsicʼ lekate. Onate “iń okoń ńel ar ańjom akatʼ onako lại” do rạskạ reakʼ kathań bujhạueda.

GSAM 3.2Dosar hijukʼ reakʼ ạndolon reakʼ kathań em akada, oka do 1831 khon 1844 hạbicʼ dhạrti reakʼ sanam sobhyo disạmre pasnạuena.

GSAM 3.31845 khon Dosar hijukʼre biswạsikoakʼ eṭakʼ dolko hõ menakʼa. Onko do Mạsih sorreye hijukʼ reakʼ kathako porcar akada, ar nit hõko porcar kana. Onako sanam dolkoakʼ katha sodor bodolte, Eaeakʼ mãhã manao ar dosar hijukʼre biswạsikoakʼ ehopʼ ar lahanti reakʼ katha thoṛa bistạrte lại do ińakʼ monsubạ tahẽkana. Biseskate onako upạiko secʼ nojorń orḍa akada, oka do Isorakʼ jotonre reṅgecʼ ar huḍiń ehopʼ khon mitʼ dol hoṛ benao uṭhạureko goṛo akada. Onko do eken 100,000 lekako tahẽkan rehõ, onkoren birudko modre mitʼ barko men akada, “Oka daṛe ar uskurte noko do kạmikana, ona ńelte okoe hõ 2,000,000 hoṛ kana menteye hudisa.”

GSAM 3.4Eaeakʼ mãhã manao ar dosar hijukʼre biswạsicʼ itihas thoṛa hõko baḍaekan onko hõko baḍaea je 1845 khon Mrs. E. G. White do roṛicʼ ar olicʼ baran lekatege noa ạndolon sãotee jopoṛao akan tahẽkana. Uniyakʼ kạmi sãote bises ceṣṭạko, baṅ do bhorko, menakʼa ona hõko baḍaea. Noa bhor reakʼ kạmi 50 dhao leka samaṅre tahẽkate ńel reakʼ sujog iń doń ńam akada. Noako sahṭare Mrs. Whiteye roṛ akatʼ 26 leka nirdisṭo laha katha secʼ nojorń orḍa akada, oka do ạḍi ṭhikte purạu akana.

GSAM 4.1Iń nijakʼ ńel aṭkarakʼ chaḍa, eṭakʼ metʼte ńel hoṛkoakʼ ńel aṭkarakʼ reakʼ goha hõń em akada. Okoe do onka oktere tihõ bako tahẽlen onkoakʼ jahã tahã roṛakʼ khon noako sạri ghoṭna do sojhe monan paṛhaoicʼ ṭhen ḍher bhari hoyokʼ hoyokʼa.

GSAM 4.2Noa kạmi paṛhao hoṛko ṭhenń jimạeda. Iń doń as kana je Isorakʼ bhor sãote noako sahṭa paṛhao do aema monre Mạsihakʼ kạmi lahanti reakʼ upại hoyokʼa. Ar sanamko paṛhao jokhecʼ Thesalonikikoe metatʼko Paulakʼ noa katha ko disạ dohoa menteń bhorsa akada: “Sanamakʼ bidạu ńelpe; okage boge ona do keṭecʼte sapʼ dohoepe.”

GSAM -J. N. Loughborough. Mountain View, California, 1 Mai, 1905.

Note

Back