Adventist Pioneer
Library
aplib.orgLibrary
Table of Contents
25 / 31
25 / 31

Pạṭh 22 — Gãota

John Norton Loughborough

GSAM 343.1“Noa kạronte iń do Kret reń doho otoletʼmea, jemon oka kạmiko ạuri purạukʼ ona do amem niạm leka sajạu, ar iń hukumletʼme leka sanam nagrahare murubikom ṭhạpinko.”1

GSAM 343.2Tesar dutakʼ sombad lahanti reakʼ 12 bochor paromlena (1846 khon 1858 hạbicʼ), unre abo ren hoṛko bujhạu ehopʼkeda je eken sạriakʼre biswạs ar Mạsiren hoṛkoakʼ dulạṛ khon bạṛti, niạm leka mitʼ gãotare jopoṛaokʼ reakʼ lạkti menakʼa. Noa kathare Probhu do Nạbi katha roṛ reakʼ bhor hotete acʼren hoṛkoe lạiakawatʼko re hõ, onko purạu bujhạu ocoko lạgitʼ adom muskilko hoe hoyokʼlena. Onkhan onkoko bujhạukeda je kạlisiạko, Ponotren kạlisiạkoakʼ bạisi ar dhorom kạmi reakʼ dhạrti sompoti calạu lạgitʼ sãotako gãota lạkti kana.

GSAM 343Gãota reakʼ birod

GSAM 343.31854 salre chapa oḍok akan Aṭkar ar dorsonko reakʼ purạukʼ puthi reakʼ 12 saheṭʼre laṭar olre Murubi James White doye meneda:—

GSAM 343.4“1844 salre oka okte tạṅgi akan tahẽkan ona paromen tayom ạḍi ulṭạpulṭạ hoelena. Bạṛti hoṛko do jãhãn gãotako birodletʼa, ente onko hudisleda je ona do bhage sombad reakʼ purạu sạdhintetʼ sãote baṅ milạukʼa! Mrs. White do jaoge joto lekan andha jhuk reakʼ birodreye tahẽkana, ar ehopʼ khongeye sodorleda je ulṭạpulṭạ aṭkao ar sojhe lạgitʼ jãhãn lekan gãota lạkti kana. Un jokhecʼreakʼ beniam calao birudre acʼakʼ katha ṭikạu doho lạgitʼ tinạkʼ kajakʼ mon lạkti tahẽkana, ona do nitokʼ aema hoṛ bako bujhạu daṛeakʼa.”

GSAM 344.1Eaeakʼ mãhã manao ar dosar hijukʼre biswạsiko talare oka mitʼtetʼ tahẽ ạguakana, ona do acʼakʼ ṭhik okte reakʼ cehaona ar sikhạunate ạḍi lahanti ar ṭikạu ńam akada.

GSAM 344Gãota babotre George Storrs akʼ katha

GSAM 344.21844 salre George Storrs akʼ ol akan noa laṭar reakʼ katha do sodorea je hijukʼ reakʼ porcar iạte kạlisiạko khon begar akan hoṛko gãota babotre cetʼko cetʼako kan tahẽkana:—

GSAM 344.3“Cehaon tahenpe, jemon eṭakʼ mitʼṭen kạlisiạ gãota lạgitʼ alope kurumuṭua. Manwa akʼ hudiste gãota akan jãhãn kạlisiạ do gãotakʼkan ghaṛige Babel hoyokʼa. Probhu do dulạṛ reakʼ kajakʼ tonolte acʼakʼ kạlisiạe gãota akada. Ona khon kajakʼ do baṅ teạr daṛeakʼa; ar jãhãe Mạsi ren pańjaicʼ menjoṅkanko nonkan tonol baṅ doe mitʼ daṛeako khan, onko do uniren pańjaicʼ bako tahena, ar lekan niạmte uniakʼ hoṛmo khonko rapudokʼa.”2

GSAM 344Apostolkoakʼ oktere niạm

GSAM 344.4Laha reakʼ katha lekage, Eaeakʼ mãhã manao ar dosar hijukʼre biswạsiko do aema bochor hạbicʼ jãhãn lekan niạm leka gãota begor tahẽkana; Kạlisiạ reakʼ gãota hõ baṅ tahẽkana. Un jokhecʼ reakʼ bahre khon birod ar casokʼ talare sạriakʼ ataṅ ar batao lạgitʼ mon reakʼ sạhos menakʼtae jãhãe hoṛge sạri hoṛ, ar Mạsiren hoṛkoakʼ dulạṛ ar jopoṛao ńam lekhae hisạbokʼkan tahẽkana. Apostolkoakʼ oktere mitʼ okte hecʼlena, tinre “oka kạmiko ạuri purạukʼ ona niạm leka sajạu” lạkti hoelena.3 Mạsiakʼ janam tayom 65 sal sorre, okare biswạsiko menakʼko onḍe “sanam nagrahare murubiko ṭhạpinko” lạgitʼ Titus do ạidạrie ńamleda, ar noa babotre Timothi hõ ạḍi purạu sikhạunae ńamleda.4

GSAM 344Gãota babotre Murubi White akʼ katha

GSAM 344.5Gãota ar sạsontetʼ babotre Murubi James White akʼ noa laṭar reakʼ katha do 4 Jạnuạri, 1881 reakʼ Ńel ruạṛ ar sombad porcaricʼ re chapa oḍoklena:—

GSAM 345.1“Kạmire mitʼtetʼ doho ar eṛe bhulạu khon rukhiyạ lạgitʼ gãota do teạr akan tahẽkana. Hoṛko jorjulumte batao ocoko lạgitʼ korṛa leka bebhạr reakʼ monsubạ tisho baṅ tahẽkana; noa do Isorren hoṛko rukhiyạ lạgitʼ tahẽkana. Mạsi do acʼren hoṛko bae tạṛaoko; uni doye hohoko. ‘Ińren bheḍako do ińakʼ aṛaṅko ańjoma, iń doń baḍaeako, ar onko do ińko pańjańa.’ Aboren Jiwetʼ Bohokʼ do horreye ạyurokʼa, ar acʼren hoṛko pańjae lạgitʼe hohoko.

GSAM 345.2“Manwako teạr akatʼ biswạs reakʼ niạmko do mitʼtetʼ baṅko teạr daṛeakʼa. Kạlisiạ reakʼ jor do kạlisiạ dạbikate mitʼ hoṛmo bae hoe oco daṛeakʼa. Mitʼ manwa akʼ mon reakʼ porbhạbte eṭakʼ manwakoakʼ mon serma lạgitʼ goṛhon ocokʼ reakʼ monsubạ Mạsiakʼ tisho baṅ tahẽkana. ‘Sanam koṛa hoṛren bohokʼ do Mạsi kanae.’ Uniakʼ kạmi do ạyur, goṛhon ar jaejug mạhimạ reakʼ ạidạri ńamko cetanre acʼakʼ chạp doho kana. Kạlisiạ rukhiyạ ar kạmire milạu doho lạgitʼ gãota tinạkʼ lạkti rehõ, Gomuṅkeakʼ ti khon sạson hatao idi lạgitʼ ona do alo hijukʼma.

GSAM 345Bar secʼ reakʼ mucạtʼ tala re mitʼtetʼ

GSAM 345.3“Kạlisiạ reakʼ jorjulum ar baṅ sonot eskar sạdhintetʼ, noa bar secʼ reakʼ mucạtʼ tala re abo do Isorakʼ sewa kạmire ar acʼakʼ kạlisiạre mitʼtetʼ ar kạmi sạtokʼ reakʼ maraṅ bhed bon ńama. Acʼakʼ okteren murubiko lạgitʼ manotan apostol Patras akʼ ạḍi gạhir nehõr do noa kathate abo beṅgetʼbon kana: ‘Ape talare menakʼ murubikoń nehõrko kana; iń hõ mitʼ murubi kanań, Mạsiakʼ duk haso reakʼ goha kanań, ar sodorokʼkan mạhimạ reakʼ hạṭińicʼ hõ kanań. Ape talare menakʼ Isorren bheḍa gadel do gupiyepe ar ona horho reakʼ dạyikʼ hataope; jorjulumte do alo, kusi monte; bạṛicʼ lab lạgitʼ do alo, sapṛao monte; Isorakʼ dhon ạidạri cetanre gomuṅke leka do alo, bheḍa gadel lạgitʼ namuna hoyokʼpe. Ar Maraṅ Gupiicʼe sodorokʼre, tisho baṅ bạṛicʼokʼ mạhimạ reakʼ mukuṭ do apepe ńama. Onkage, juạnko, murubikoakʼ ti laṭarre tahenpe. Hẽ, ape sanamko mitʼicʼ eṭakʼicʼ laṭarre tahenpe, ar lạluṛtetʼ kicricʼ leka horokʼpe; ente Isor do ãṭkạria hoṛkoe aṭkaoko, menkhan lạluṛko do dayae emako. Onate Isorakʼ daṛean ti laṭarre lạluṛokʼpe, jemon uni do ṭhik oktere ạḍi usule rakapʼpe.’5

GSAM 346Nawa Niạm reakʼ gãota reakʼ sadhạrontetʼ ar goṛhon

GSAM 346.1“Eaeakʼ mãhã manao ar dosar hijukʼre biswạsiko ataṅ akatʼ gãota reakʼ goṛhon teạrletʼko do, tinạkʼ daṛeakʼ unạkʼ hạbicʼ, Nawa Niạmre ńelokʼkan sadhạron roṛ ar goṛhon onare bolao lạgitʼko kạmi akada. Bhage sombad reakʼ ạtma tinạkʼ bạṛti sodorokʼa ar ona niạm tinạkʼ sadhạron hoyokʼa, unạkʼ bạṛti bhage kạmi hoyokʼa.

GSAM 346.2“Maraṅ bạisi do Ponotren kạlisiạkoakʼ bạisi sãote kạmi reakʼ sanam ḍạrkoakʼ sadhạron horho ạgu reakʼ dạyikʼe hataoa. Ponotren kạlisiạkoakʼ bạisi do ponot bhitri reakʼ kạlisiạko sãote ona ponot reakʼ sanam kạmi ḍạrkoe horhoa. Ar kạlisiạ do Mạsiren hoṛkoakʼ mitʼ gãota kana, okoe do Isorakʼ hukumko ar Jisuakʼ biswạs doho lạgitʼ sadhạron tonolte mitʼreko jopoṛao akana.

GSAM 346Kạlisiạren dạyikʼko do sewakko kanako

GSAM 346.3“Mitʼ ṭhãiren kạlisiạren dạyikʼko do ona kạlisiạren sewakko kanako; jorjulumte sạsonko lạgitʼ gomuṅke do baṅ. ‘Ape talare okoe do joto khone maraṅ uni do aperen sewak hoyokʼa.’6 Noko dạyikʼko do kạlisiạren hoṛko lạgitʼ dhirạj, cehaon tahen, koejoṅ, daya ar khola ti dạn reakʼ namuna hoyokʼ lạkti kanako. Ar okoeakʼko sewawae onko lạgitʼ aboren Probhuakʼ jion ar sikhạunare ńelokʼkan dulạṛ do bhage lekate sodor lạkti kanako.”

GSAM 346Niạm babotre pạhil Goha

GSAM 346.41854 salre chapa oḍok akan Aṭkar ar dorsonko reakʼ purạukʼ puthire bhage sombad reakʼ niạm babotre adom asol sikhạuna em akana. 15 saheṭʼre abo do noa laṭar reakʼ katha bon paṛhaoa:—

GSAM 346.5“Kạlisiạ do Isorakʼ katha ṭhen dạṛ sen hoyokʼa, ar bhage sombad reakʼ niạm cetanre ṭikạu hoyokʼa, okaṭakʼ do bạgi ar beparwah akan tahẽkana. Kạlisiạ biswạs reakʼ mitʼtetʼre ạgu lạgitʼ noa do ạḍi lạkti kana; noa begor baṅ calakʼa.”

GSAM 347Mucạtʼ sorre niạm reakʼ lạkti

GSAM 347.123 Disembor, 1860 re em akan mitʼ Goha re abo bon paṛhaoa:

GSAM 347.1“Abo okte reakʼ mucạtʼ sor bon hecʼre, Soetan do ạḍi daṛete laṭare ạṛgokʼa, ente uni doye baḍaea je acʼakʼ okte do thoṛagea. Asolte Sarecʼ akan hoṛko cetanre acʼakʼ daṛe doye bebhạra. Uni do onko birudreye lạṛhạia, ar hạṭiń begar ar chiṭkạu oco lạgitʼe kurumuṭua, jemon onko do komjor kateko ńur daṛeakʼ. Isorren hoṛko do bujhạu ạkilte calakʼ lạkti kana, ar akoakʼ kurumuṭure mitʼ tahen lạkti kana. Onkoakʼ mon do mitʼ, bicạr do mitʼ hoyokʼ lạkti kana; un khan onkoakʼ kurumuṭu do baṅ chiṭkạukʼa, bickom Nitokʼ reakʼ sạriakʼ reakʼ kạmi lahanti lạgitʼ daṛete phol emokʼa. Niạm manao hoyokʼa, ar niạm ṭikạu dohote hõ mitʼtetʼ tahen hoyokʼa, baṅkhan Soetan do onko khon lab hataoa.”7

GSAM 347Dutkoakʼ niạm reakʼ namuna hatao

GSAM 347.21868 salre chapa oḍok akan 14 nombor Goha re abo bon paṛhaoa: “Dutkoakʼ gadel reakʼ milạu ar niạm abo tinạkʼ napae bon pańjaea, unạkʼ bạṛti noko sermaren dạyikʼkoakʼ abo lạgitʼ kurumuṭu do sapholokʼa. Milạukate kạmi reakʼ lạkti babon ńel khan, ar aboakʼ calao kạmire beniam, besạson ar begãota bon tahen khan, dutko do abo lạgitʼ saphol lekate bako kạmi daṛeakʼa; ente onko do purạu gãota akan ar purạu niạmte calakʼko kanako. Onko do dukteko phirạukʼa, ente ulṭạpulṭạ, bhinạbhini ar begãota bor em lạgitʼ onko do ạidạri bako ńam akada.

GSAM 347Isor do nit hõ niạmren Isor kanae

GSAM 347.3“Isor do niạmren Isor khon bodol akanae se? Baṅ; laha reakʼ okte leka nitokʼ reakʼ oktere hõ uni do unigeye kana. Pạul doye meneda, ‘Isor do ulṭạpulṭạren sirjạuicʼ do baṅ, sulukren kanae.’ Un jokhecʼ leka nit hõ uni do niạm kathare kajakʼgea. Ar uniakʼ monsubạ do noa kana, abo do Moseakʼ oktere Israelren gidrạkoakʼ bhage lạgitʼ uni ṭhạpinletʼ purạu niạm khon niạm ar gãota reakʼ pạṭh bon cetʼjoṅma.”8

GSAM 348Niạm lạgitʼ Mạsiakʼ koejoṅ

GSAM 348.11882 salre ol akan mitʼ Goha re onage bhạbna noa kathakote sodor akan bon ńela,

GSAM 348.1“Acʼren celako talare mitʼtetʼ ar dulạṛ jemon tahen, noa do aboren Bańcaoicʼ krusre goj ocokʼ laha onko lạgitʼ acʼakʼ mucạtʼ koejoṅ reakʼ asol katha tahẽkana.... ‘Iń do eken noko lạgitʼge bạń koejoṅ kana, menkhan nokoakʼ kathate ińre biswạs hoyokʼko lạgitʼ hõ; jemon onko sanamko mitʼko hoyokʼ. E Baba, am do cetʼleka ińre menama ar iń do amre menakʼińa, onkage onko hõ alaṅre mitʼko hoyokʼma; jemon dhạrti doe biswạsa je amge ińem kolakadińa.’”9

GSAM 348Eskar sạdhintetʼ reakʼ bipod

GSAM 348.21885 salre noa Goha emlena:

GSAM 348.2“Mitʼ katha reakʼ joton hatao hoyokʼa, ona do eskar sạdhintetʼ kana. Mạsiakʼ soenyo ren sipạhiko leka, kạmi reakʼ bhin bhin bhạgre milạukate kạmi hoyokʼ lạkti kana.”10

GSAM 348Soetan do niạm rapudreye rạskạkʼa

GSAM 348.31895 salre chapa oḍok akan mitʼ asol Goha re abo bon paṛhaoa,

GSAM 348.3“Oho, noko hoṛko talare bolokate kạmi begãota ocote Soetan do tinạkʼe rạskạkʼa! Nonkan oktere purạu gãota do ạḍi lạkti kana, ar eṛe bidroho aṭkao ar Isorakʼ kathate baṅ aṅgocʼ akan dạbiko bhul udukʼ lạgitʼ ona do joto khon maraṅ daṛe hoyokʼa. Abo do simạko soman leka doho bon khoj kana, jemon sạson ar niạm reakʼ bondobos do alo rapudokʼma.”

GSAM 348Dhorom porcariko lạgitʼ aṅgocʼ reakʼ katha

GSAM 348.4Nitʼge udug akan gohako sãote milạukate abo ren hoṛko talare niạm ṭhạpinre pạhil hudis hoyokʼ kathako modre noa hõ tahẽkana, Sombad porcarletʼko orom ar aṅgocʼko lạgitʼ jãhãn hor ńam. 1850 khon 1861 hạbicʼ ataṅ akan niạm do noa tahẽkana: okoe dhorom porcariko akoakʼ bhor parman akatʼ, ar Probhu do onkoe aṅgocʼ akatʼko mente sodor ńelokʼkan, ar sanam kạmi sãote milạu akan tahẽkan, onko do mitʼṭen kagoj emko. Ona kagoj do jãhãn ṭhãiren Probhu ren hoṛkoakʼ jopoṛaore onko aṅgocʼko lạgitʼ sifạris tahẽkana; eken noa ol akan tahẽkana je bhage sombad reakʼ sewa kạmire onko do aṅgocʼ akanko kanako. Noa kagojkore mạhit ol ar bar hoṛ ạyur dhorom porcarikin sahi akatʼ tahẽkana, okoe do kạmi ren ạyurkin mente abo ren hoṛko baḍaeletʼkin tahẽkana.

GSAM 349Dhorom porcarikoakʼ jion calạu goṛo

GSAM 349.11858-59 reakʼ rabaṅ oktere noa sikhạuna emlena je dhorom sewa kạmi reakʼ jion calạu lạgitʼ Baebelre mitʼ purạu niạm menakʼa. Abo ren hoṛko do sonot sostor leka noa kathako paṛhaoa khan ona niạmko ńama. Onate Battle Creek re mitʼ Baebel cetʼ reakʼ bạisi hoelena, okaṭakʼ reakʼ ạyuricʼ do Murubi J. N. Andrews tahẽkana. Sonot sostor do joton ar koejoṅte paṛhao tayom, mitʼ ol sapṛao ar 3 Phebruạri, 1859 reakʼ Ńel ruạṛ ar sombad porcaricʼ re chapa oḍoklena. Onare Gel hạṭiń khon mitʼ hạṭiń em reakʼ niạm sãoten monsubạ udug akan tahẽkana. 6 Jun, 1859 re Battle Creek, Michigan re sadhạron bạisire jarwa akan abo ren aema hoṛkoakʼ maraṅ gadel samaṅre noa babotre mitʼ katha uduglena, ar goṭa bạisiren hoṛkoakʼ bhot hotete mitʼ monte ataṅlena.

GSAM 349Ṭhạpin akan niạm reakʼ sarhao

GSAM 349.21861 sal reakʼ 6 nombor Goha re, Eaeakʼ mãhã manao ar dosar hijukʼre biswạsiko ataṅletʼ niạm babotre Probhu do Mrs. White hotete noṅkae roṛleda:

GSAM 349.2“Apeakʼ Gel hạṭiń khon mitʼ hạṭiń ar dạnko acʼ ṭhen khon rokaote Isor alope komboṛae. Isor do ṭhik hạṭiń emaege pạhil sonot dạyikʼ do kana. Jãhãe hõ acʼakʼ dạbi lại kate Isor komboṛae secʼ aloko ạyurpe ma. Aperen gidrạko akoakʼ lab lạgitʼ Isorakʼ pinḍ khon apeakʼ dạnko aloko komboṛma.

GSAM 349Cạrit lahanti lạgitʼ Gel hạṭiń khon mitʼ hạṭiń em reakʼ niạm

GSAM 349.3“Iń doń ńelkeda, noa Gel hạṭiń khon mitʼ hạṭiń em reakʼ niạm do cạrit lahantiya, ar mon reakʼ sạri obosthaye sodora. Judi hoṛkoakʼ sạmrire noa katha reakʼ sạri mane sodorokʼa, ar onko apnar ge goṭa lạgitʼ bagiako lekhan, onko do noa Gel hạṭiń khon mitʼ hạṭiń em reakʼ niạmre ạkil ar sajạu ńelko ńama.”

GSAM 349.4Noṅkate dhorom sewa kạmi calao lạgitʼ Eaeakʼ mãhã manao ar dosar hijukʼre biswạsiko talare ṭaka-poesa reakʼ mitʼ niạm baesạuena, ar nit do goṭa dhạrtire ale ren hoṛko noa niạmko manaoeda.

GSAM 350.1Lahare Kạlisiạ lạgitʼ gohako hotete em akan updes reakʼ jo lekate, 21 Julai, 1859 reakʼ Ńel ruạṛ ar sombad porcaricʼre pạhil dhao noa solha emena je mimitʼ ponotre bochor din mitʼ dhao mitʼṭen sabha hoyokʼ ma, onḍe kạmi lạgitʼ jotonate monsubạ teyarokʼ ma; noṅkate dhorom porcar kạmire besi dhao ńelokʼkan ulu-bulu khon bańcaokʼa, ar aleakʼ kạmi do sajạu ar niạm lekate calakʼa. Sạrite noa solha do Ponotren kạlisiạkoakʼ bạisi reakʼ gãota teyar secʼge udukʼetʼ tahẽkana.

GSAM 350Kạlisiạ reakʼ dhon-sompot sạbi doho

GSAM 350.2Sombad lahantikʼ ar hoṛkoakʼ eḷ bạṛtikʼ tulucʼ dhon-sompot hõ jarwa idi calakʼkana. Ona iạte kạlisiạ reakʼ dhon-sompot ạin lekate sạbi doho reakʼ katha hudisokʼ ehopʼena. 23 Phebruạri, 1860 reakʼ Ńel ruạṛ ar sombad porcaricʼre Murubi White olakʼ mitʼṭen onolre ale noa le paṛhaoa:—

GSAM 350.3“Menkhan ale do as menakʼlea, ona okte do ạḍi saṅgińre bạnuakʼa, tinre noa hoṛko do kạlisiạ reakʼ dhon-sompot bima oco ar apnarakʼ jarwa oṛakʼko ṭhik lekate sạbi doho reakʼ obosthareko seṭerokʼa; ar okoe do gocʼ tayom apnarakʼ dhon-sompot hạṭiń reakʼ olko teyar eda ar ko khoja, onko do mitʼ hạṭiń chapa oḍok kạmi hạṭiń lạgitʼko doho daṛeakʼa. Ale ren porcaricʼko ar ạyuricʼ Boehako noa kathare mon em lạgitʼle hohoako kana. Judi okoe aleakʼ solhare bako rạjiyokʼa, tobe ale mitʼ hoṛ-sãota lekate oka horrele sen daṛeakʼ, onkan mitʼ monsubạ olkate emalepe?”

GSAM 350Ạin lekate gãota teyar aṅgocena

GSAM 350.4Noa bochor reakʼ sitũṅ dinre Ńel ruạṛ ar sombad porcaricʼre noa kathare bes sulukte galmarao hoyena. Ar 28 Sepṭembar khon 1 Akṭobar hạbicʼ Battle Creekre Michigan ar eṭakʼ adom ponot khon ale ren hoṛkoakʼ pratinidhikoakʼ mitʼ maraṅ jarware noa katha do kholsa monteko hudis keda. Ạpis ar eṭakʼ kạlisiạ reakʼ dhon-sompot—jarwa oṛakʼko ar eṭagakʼko—sạbi doho lạgitʼ ạin lekate gãota teyar reakʼ pura ar bin rokao galmarao hoyena. Noa galmarao do 9, 16 ar 23 Akṭobar, 1860 re oḍok akan Ńel ruạṛ ar sombad porcaricʼ reakʼ 16 hạṭiń, eḷ 21, 22 ar 23 re lạṭute ol akana.

GSAM 351.1Noa jarwa reakʼ hudis-galmarao tayom joto hoṛkoakʼ rạjite ạin lekate mitʼ chapa oḍok sãota teyar reakʼ bhoṭ hoyena. Ar noṅkan sãota joto usạra daṛeakʼ teyarokʼ ma mente, jarwa akan bạisi do 5 hoṛren mitʼ komiṭiko bachao keda.

GSAM 351Dhorom sãota reakʼ mitʼ ńutum

GSAM 351.2Noa bạisi do ale ren hoṛko cetʼ ńutumteko hohookʼa, ona katha hõko hudis keda. Noa iạte arhõ bhin-bhin mot oḍokena; adomko do mitʼ ńutum, adomko do eṭakʼ ńutum lạgitʼko nehoṛ keda. “Isor ren Kạlisiạ” ńutum solha emlenre hoṛko bako rạjilena, ente ona ńutum do aleakʼ biswạs reakʼ bhinạ cinhạko bae udugokʼkan tahẽkana. Menkhan “Eaeakʼ mãhã manao ar dosar hijukʼre biswạsiko” ńutum do Mạsih sorre hijukʼ reakʼ aleakʼ biswạs sodor sãote, ale do eaeakʼ mãhã reakʼ Jirạukʼ mãhã manao hoṛ kanale mente hõye udugokʼa. “Eaeakʼ mãhã manao ar dosar hijukʼre biswạsiko” ńutum secʼ sabha do onkan mitʼ mot tahẽkana je bhoṭ jokhecʼ eken mitʼ hoṛge ona birudreye bhoṭ keda, ar uni hõ thoṛa tayomte acʼakʼ birud katha baṛae ruạṛ keda.

GSAM 351Ńutum aṅgocena

GSAM 351.3Goha eḷ 6 re ale noa le paṛhaoa:

GSAM 351.3“Ale oka ńutumge le hatao daṛeakʼa, ona do ṭhik baṅ hoyokʼa, judi ale oka kathale aṅgoc ar sodor eda ona sãote baṅ milạukʼa, aleakʼ biswạs bae sodora, ar ale do bhinạ hoṛ kanale mente bae cinhạleya....

GSAM 351.4“Eaeakʼ mãhã manao ar dosar hijukʼre biswạsicʼ ńutum do aleakʼ biswạs reakʼ sạri cinhạko sạmrireye sodora, ar sendra-bujhạu monre sạriakʼye pạtiạu ocoea. Probhuakʼ sar doho ṭuṅ khon oḍok akan sar lekate, noa do Isorakʼ ạin rapud hoṛkoe ghaoakoa, ar Isor secʼ mon ạcur ar ale ren Probhu Jisu Mạsihre biswạs secʼye idiakoa.”

GSAM 351.4Noa Goha reakʼ jo do biswạsikoakʼ monre noa kukli jaejug lạgitʼ goṭayena.

GSAM 351Sạri bhor reakʼ kạmi

GSAM 351.5Isorakʼ ạtma reakʼ bhorko sodorokʼ reakʼ asol kạmi do noa ge baṅ kana se? Pạul menkeda, onako do kạlisiạre em akana, “sonot hoṛko purạu oco lạgitʼ, sewa kạmi lạgitʼ, Mạsihakʼ hoṛmo teyar rakapʼ lạgitʼ: abo jotoge biswạs reakʼ mitʼrebon seṭerokʼ hạbicʼ,” arho.11 Noa do tinạkʼ ṭhik katha kana, tinre biswạsiko do binti ar loyo monte marsalko sendra tayom, ạtma do roṛkate menae, “Noage hor do; apeakʼ goṭa katha do sạrigea;” ar enkhan, noa khetre leka, noa katha kạmire cetʼleka lagao hoyokʼa ar onkoakʼ goṭa khon cetʼ cetʼ bhage jo oḍokokʼa, ona lạikate kạlisiạ arhõye “teyar rakaba.”

GSAM 352Kạlisiạ reakʼ gãota

GSAM 352.1Epril, 1861 re Battle Creekre Maraṅ bạisi sạmrire Murubi White mitʼ updesre aleakʼ kạlisiạko reakʼ arhõ purạu gãota teyar reakʼ katha ehopʼ keda. Noa updes do 11 Jun, 1861 reakʼ Ńel ruạṛ ar sombad porcaricʼre chapa oḍokena. Hoho leka 9 dhorom porcaricʼko noa kathare marsal sendra lạgitʼ Baibel paṛhao-bujhạu sabhako keda, ar onkoakʼ sendra reakʼ joko Ńel ruạṛ ar sombad porcaricʼre chapa oḍok lạgitʼ bạisi do onkoye nehoṛ ketʼkoa. Kạlisiạ reakʼ niạm ar kạlisiạren hudạ hoṛko reakʼ Baibel goha sodor tayom, bhin-bhin ponot khon Maraṅ bạisire soman pratinidhi em, ar Ponotren kạlisiạkoakʼ bạisire kạlisiạko khon ṭhik ar soman pratinidhi em reakʼ kathako hudis keda. Sạrite, joto hoṛko oka soman hạṭiń niạmreko rạjiyokʼa, ona leka ṭhik bhabete bachao akan pratinidhiko maraṅ sãotakore kol reakʼ katha do noa ge pạhil dhao ehopʼlena.

GSAM 352Michigan Ponotren kạlisiạkoakʼ bạisi teyarena

GSAM 352.26 Akṭobar, 1861 re mitʼ sabhạpoti, mitʼ sompadok ar 3 hoṛren mitʼ kạmi calao komiṭi bachao hotete Michigan Ponotren kạlisiạkoakʼ bạisi teyarena. Bạisi reakʼ bhoṭte solha emena, kạlisiạko do gãota teyarokʼ ma ar noa latar katha kạlisiạ reakʼ bonḍon lekate aṅgocokʼ ma:—

GSAM 352.3“Ale, okoele noa latarre sahi akada, Eaeakʼ mãhã manao ar dosar hijukʼre biswạsiko ńutum hataokate, noa hotete mitʼ kạlisiạ lekate mitʼrele jotokʼ kana; Isorakʼ hukumko ar Jisu Mạsihakʼ biswạs manao doho lạgitʼle bonḍonokʼ kana.”

GSAM 353Dhorom porcaricʼkoakʼ orom sakamko

GSAM 353.1Noa bạisire pạhil dhao goṭayena je noa ponotre menakʼ joto Eaeakʼ mãhã manao ar dosar hijukʼre biswạsicʼ dhorom porcaricʼko, okoe do bes sunạmre menakʼko, onko orom sakam emako hoyokʼa. Dhorom porcaricʼko do abhisek reakʼ mitʼ parman sakam ar bạisiren sabhạpoti ar kerani sahi akan orom sakam sãoteko ạguyetʼa, ar noa orom sakam do bochor din nạwạ teyar hoyokʼa.

GSAM 353.2Arhõ bhoṭte goṭayena, kạlisiạko gãota teyar reakʼ hor ale ren hoṛkoakʼ sạmrire sodor lạgitʼ mitʼ updes teyar kạmi lạgitʼ mitʼ komiṭi bachao hoyokʼa. Noa updes do 15 Akṭobar, 1861 reakʼ Ńel ruạṛ ar sombad porcaricʼre chapa oḍokena.

GSAM 353Pratinidhikoakʼ orom sakamko

GSAM 353.3Sepṭembar cando, 1862 re Michigan Ponotren kạlisiạkoakʼ bạisi reakʼ pạhil sabha Montereyre hoyena. Cetʼleka kạlisiạre hoṛko bhoṭteko aṅgocokʼa, onkage bạisire kạlisiạko aṅgoc reakʼ katha nonḍege pạhil dhao sodorena. Ponotre 17 kạlisiạ do laharege gãota teyar akan tahẽkana, onate bhoṭ hotete onako bạisire aṅgocena; ar ona kạlisiạko ren joto hoṛko, okoe onḍe jarwa akan tahẽkana, onko do pratinidhi lekate aṅgocena.

GSAM 353Dhorom porcaricʼkoakʼ beton

GSAM 353.4Noa bạisirege onkoakʼ kạmi lạgitʼ dhorom porcaricʼko mimitʼ haptare mitʼ goṭa eḷ ṭaka-poesa emako reakʼ monsubạ aṅgocena. Dhorom porcaricʼko do bạisi bhitrire kạmire tinạkʼ okteko khemao akada, ar tinạkʼ ṭakako ńam ar khoroc akada, ona reakʼ hisạb emako hoyokʼ tahẽkana; ar bạisi do noa hisạb ńamkate ṭhik lekate hisạb cukạu hoyokʼtaya tahẽkana.

GSAM 353Pratinidhiko pạhil dhao orom sakamko sodor keda

GSAM 353.520 Mai, 1863 re Battle Creek, Michiganre Maraṅ bạisi hoyena. Noa do ona gãota reakʼ pạhil sabha tahẽkana, onḍe pratinidhiko do apnar-apnar ponot khon orom sakamko ạguleda. Menkhan pratinidhikoakʼ bachao do hoṛkoakʼ eḷ leka baṅ tahẽkana. Noa dhaore oka ponotkoakʼ pratinidhiko hecʼ akan tahẽkana, onako do Michigan, Wisconsin, Iowa, Minnesota, New York ar Ohio tahẽkana.

GSAM 354Maraṅ bạisi ar Ponotren kạlisiạkoakʼ bạisi reakʼ sãbidhan

GSAM 354.121 Mai re Maraṅ bạisi mitʼ sãbidhane aṅgoc keda, ar ona dinrege Ponotren kạlisiạkoakʼ bạisiko lạgitʼ mitʼ ponot sãbidhan reakʼ solha emena. Michigan Ponotren kạlisiạkoakʼ bạisi reakʼ mitʼ sabhare noa aṅgocena. Noa sãbidhankin do Ponotren kạlisiạkoakʼ bạisiko ar Maraṅ bạisire pratinidhi bachao lạgitʼ hoṛkoakʼ eḷ reakʼ mitʼ bhit emkeda. Onḍe solha em akan ponot sãbidhan do nit goṭa dhạrtire aleakʼ 72 jaega bạisiko oka sãbidhanko manaoeda ona sãote pray mitʼ lekagea.

GSAM 354.21864 reakʼ baha okte Maraṅ bạisi jokhecʼ Ponotren kạlisiạkoakʼ bạisi ṭhen pạhil dhao noa solha emena je ona bochorre okoe bạisire bako kạmi akan, onkan sadharon kạlisiạren hoṛko talakhon mitʼ hisạb jãc komiṭi bachao hoyokʼa; onko do kạmi calao komiṭi sãote dhorom porcaricʼkoakʼ hisạb jãc ar cukạu kạmiko kạmia. Noṅkate, cetʼ cetʼ reakʼ joruri hoyena, ona leka mitʼ mitʼ dhaote Isorakʼ kạmi ar seware sajạu baesạuena.

GSAM 354.3Noṅkate kạmi reakʼ niạm leka gãota teyar hạbicʼ oka oka dhao parom hoyena, onako ale khaṭotele udukʼkeda. Noa do unre hoyena tinre dhorom sãota do nit reakʼ sãota sãote tulạu lekhan ạḍi huḍiń tahẽkana.

GSAM 354.41863 re tinre Maraṅ bạisi reakʼ gãota pura teyarena, unre joto pratinidhikoakʼ eḷ do nit aleakʼ adom huḍiń jaega bạisikore bochor din okoe jarwaokʼkan onkoakʼ eḷ khon hõ kom tahẽkana.

GSAM 354Gãota teyar reakʼ jos

GSAM 354.5Gãota teyar reakʼ jos do noa tahẽkana, sãota reakʼ dhon-sompot do ạin lekate sạbi ar calao hoyokʼ ma; ar kạmiạko do mitʼ monteko kạmi ma, ulu-bulu begor, ente onkoakʼ kạmi do solha-bujhạu sãote calakʼa, ar ona iạte bhinạ-bhini baṅ hoyokʼa. 1864 hạbicʼ aleakʼ gãotare oka niạmle aṅgoc keda, kạmi maraṅokʼ ar eṭakʼ disom ar jạtiko secʼ pasar calakʼ tulucʼ ona niạmge kạmire aṅgoc idi hoyena.

GSAM 355Maraṅ gãotako teyarena

GSAM 355.1Sombad lahanti tulucʼ noa latar maraṅ gãotako teyarena; onako ren hudạ hoṛko do Maraṅ bạisi reakʼ niạmita sabhakore bachao hoyokʼkan tahẽkana:—

GSAM 355.2Maraṅ bạisi reakʼ sãota—21 hoṛren mitʼ ạin leka gãota, Amerika ar eṭakʼ disomkore bhin-bhin saṅsthạ reakʼ dhon-sompot sạbi reakʼ ạidạri doho lạgitʼ.

GSAM 355.3Bides porcar komiṭi—gãota teyar akan bạisiko reakʼ bahre porcar kạmi ńel-joton ar pasar lạgitʼ.

GSAM 355.4Jaejạtik huḍiń dhorom puthi sãota—noa reakʼ kạmi do paṛhao puthi hạṭiń ar ciṭhi ol-ruạṛ hotete nạwạ porcar ṭhãiko ehopʼ reakʼ hor sendra tahẽkana.

GSAM 355.5Dhorom sadhin reakʼ sãota—noa reakʼ asol kạmi do okoe apnar bibek manao iạte haronko ńamedkan onko goṛoako, ar dhorom sadhin reakʼ niạmko udukʼ puthiko hạṭiń tahẽkana.

GSAM 355.6Jaejạtik Jirạukʼ mãhã iskul reakʼ sãota—noa reakʼ jos do joto ṭhãire Jirạukʼ mãhã iskul reakʼ kạmi teyar rakapʼ ar lahanti tahẽkana.

GSAM 355.7Ran porcar ar daya-goṛo reakʼ sãota—noa reakʼ kạmi do ran hoṛko ar rugi joton hoṛko cetʼako, ar ran oṛakʼko, eṅgat-apat bạnuakʼ gidrạko ar buḍhi-buḍhạko reakʼ doho oṛakʼko arho calao tahẽkana.

GSAM 3551868 hạbicʼ kạmi pasar akan ṭhãiko

GSAM 355.81868 hạbicʼ aleakʼ kạmi do United States reakʼ ona hạṭińre pasar akan tahẽkana, oka do Missouri gaḍa reakʼ purub secʼ ar Missouri reakʼ dạkhin simạ sãote soman akhãs rekhạ reakʼ utor secʼre menakʼa. Unre Maraṅ bạisi reakʼ komiṭire eken 3 hoṛko tahẽkana, ar bạisiren sabhạpoti do onko talare mitʼ hoṛ tahẽkana. Joto 8 jaega bạisi do Maraṅ bạisi reakʼ ńel-jotonre tahẽkana; ona reakʼ maraṅ ạpis do Battle Creek, Michiganre tahẽkana.

GSAM 356Cedakʼ nạwạte gãota teyar joruri hoyena

GSAM 356.1Sombad eṭakʼ disomkore pasar calakʼ tulucʼ, goṭa kạmi ṭhãi reakʼ gãota nạwạte teyar joruri hoyena. Ona iạte 1897 re ona secʼ kạmi ehopʼena; menkhan mucạtʼ 4 bochorre nạwạte sajạu kạmi do arhõ purạute hoy akana. Noa oktere 14 hoṛren mitʼ kạmi calao komiṭi sãote Iurop reakʼ mitʼ Maraṅ bạisi teyar akana; ar asol Maraṅ bạisi, oka reakʼ maraṅ ạpis do Washington, D.C.re menakʼa, ona reakʼ kạmi calao komiṭire 28 hoṛko menakʼkoa. Onko do Sombad reakʼ joto bhin-bhin kạmikoakʼ pratinidhi kanako, ar nit bond akan adom maraṅ sãotako reakʼ ṭhãireko kạmi kana.

GSAM 3561 Januaṛi, 1903 re gãota reakʼ obostha

GSAM 356.21904 reakʼ Maraṅ bạisi reakʼ bochor puthi khon noa latar kathako do 1 Januaṛi, 1903 hạbicʼ reakʼ adom mon lagao eḷ-hisạb reakʼ sạri kathako emeda:—

GSAM 356.3Unre aleakʼ gãota akan kạmire 2 Maraṅ bạisi tahẽkana; onakinre 14 Jot bạisi, 72 jaega bạisi ar 42 porcar ṭhãi tahẽkana. Noako do noṅkate hạṭiń akana: Utor Amerikare jaega bạisi 49; Utor Amerika bahre 23. Amerikare Jot bạisi 8; eṭakʼ disomkore 6. Alaska, Hawaii ar New Foundland sãote Amerikare porcar ṭhãi 5; Amerika bahre porcar ṭhãi 37, noa noako jaegare menakʼa: Iuropre 12; Aphrikare 4; Esiare 3; Dạkhin Amerikare 2; Dạkhin Aphrikare 2; ar sarecʼ do Tala Amerika, Mexico, West Indies ar Pacific tạpukore. Noa porcar ṭhãiko sãote Abhisek akan dhorom porcaricʼko ar anumoti ńam akan dhorom porcaricʼko, joto 67 hoṛ, ar 131 kạlisiạ jopoṛao menakʼa.

GSAM 356Bhinạ-bhinire mitʼjot

GSAM 356.4Bhin-bhin disom ar jạtiko talare noa joto bhinạ gãotako do sạriakʼ reakʼ ona mitʼ maraṅ kạmi ar hoṛkoakʼ bańcao lahanti lạgitʼ mitʼreko jot akana, noa baḍaete monre sahos ńamokʼa. Ale do eken gãota reakʼ kạmi calao niạmre baṅ, menkhan sajạu reakʼ sirjạuicʼ Isorrele ạs akana. Uniren kạmiạkoakʼ mitʼ mon ar mitʼjotte kạmi cetanre uniyakʼ asirbad tahẽnre, “joto kạmi bes bhabete ar sajạute hoyokʼ,” noa do tinạkʼ bhage ar rạskạwakʼ kana, ona alele bujhạu daṛeakʼa.

Notes

  1. Titus 1:5. ↩
  2. Tala ńindạ reakʼ hoho, 15 Phebruạri, 1844. ↩
  3. Titus 1:5-9. ↩
  4. 1 Timothi 3:1-15. ↩
  5. 1 Patras 5:1-6. ↩
  6. Mathae 23:11. ↩
  7. Kạlisiạ lạgitʼ gohako, 1 hạṭiń, 210 saheṭʼ. ↩
  8. Ona puthirege, 649, 653 saheṭʼko. ↩
  9. Kạlisiạ lạgitʼ gohako, 5 hạṭiń, 236, 237 saheṭʼko. ↩
  10. Ona puthirege, 534 saheṭʼ (jor em akana). ↩
  11. Ephisiko 4:12, 13. ↩

Note

Back