Adventist Pioneer
Library
aplib.orgLibrary
Table of Contents
01 / 31
01 / 31

Makalelo

John Norton Loughborough

GSAM 3.1KU se ku na ni libuka ze ñata ze tusa mwa mazoho a batu, mi libaka la ka la ku ekeza ye ñwi kwa palo yeo ki kuli mwa makepe a ni bulela lika ze ñata ka za Ma-Adventista, sihulu Ma-Adventista ba lizazi la busupa, ze ne li si ka tiswa kale fa batu ka mukwa wo. Ku ekeza foo, ba bañata ba ba kenile mwa musebezi mwa lilimo za hamulaho, mi ba ba si ka bona lika ze bulelwa, ba kupile ka takazo ye tuna kuli ba ba kalile musebezi pili ba ba taluseze litaba ze ni ze ba pitezi ku zona. Ka ku ba ni ne ni ziba musebezi wa ku taha ka 1843 ni 1844, mi ku zwa ka la 2 Sope, 1849, ni kutaza tuto ye, pili ni li Mu-Adventista, mi ku zwa ka 1852 ni li Mu-Adventista wa lizazi la busupa, ni tabela ku “bulela lika ze ni boni ni ze ni utwile.”

GSAM 3.2Ni ñozi litaba za musebezi wa ku taha, o ne u hasani ku zwa ka 1831 ku isa ka 1844 kwa sicaba ni sicaba sa lifasi se ne si zwisizwepili.

GSAM 3.3Ku zwa ka 1845 ku bile ni likwata ze ñwi za Ma-Adventista ze ne li kutaza, mi ze sa kutaza ni cwale, kuli ku taha kwa Kreste ku kaufi. Mulelo wa ka ha u si ka ba ku latelela litaba za likwata zeo kaufela, kono ki ku talusa ka butalo ku zuka ni ku zwelapili kwa Ma-Adventista ba lizazi la busupa. Ni hupulisa sihulu lika zeo, ka tokomelo ya Mulimu, li tusize ku hulisa sicaba, ku zwa mwa bubotana ni mwa makalelo a manyinyani, se niha si na feela batu ba ba bat'o fita ku 100,000, ba bañwi ba ba si hanyetsa ba bulezi kuli: “Ka maata ni tukufalelo ze ba sebeza ka zona, mutu a ka akaleza kuli ba 2,000,000.”

GSAM 3.4Ni ba ba ziba hanyinyani feela litaba za kale za Ma-Adventista ba lizazi la busupa ba ziba kuli ku zwa ka 1845 Mrs. E. G. White u bile ni kabelo ye bonahala hahulu mwa musebezi wo, ka ku bulela ni ka ku ñola. Hape ba ziba kuli mwa musebezi wa hae ku bile ni likezo ze ikatulezi, kamba limpo. Ni bile ni tohonolo ya ku ba teñi ni ku bona mpo ye i sebeza ha bat'o ba hane ha 50. Mwa makepe a ni supile lipulelelo za lika za kwapili ze bat'o ba ze 26 ze ne li ezizwe ki Mrs. White, ze talelelizwe ka niti ye tuna.

GSAM 4.1Kwa ku ekeza fa ze ni iponezi, ni tisize hape bopaki bwa ba bañwi ba ba iponezi lika ka za ze ba pitezi ku zona. Litaba ze cwalo li swanela ku ba ni buima bo butuna ku mubali ya na ni niti ku fita lipulelo ze sa nyakisisiwa za ba ba si ka ba teñi mwa linako zeo.

GSAM 4.2Ni fa babali buka ye, ni sepa kuli, ka mbuyoti ya Mulimu, ku bala makepe a ku ka tusa ku zwisezapili musebezi wa Kreste mwa lipilu ze ñata. Hape ni sepa kuli kaufela, ha ba bala, ba ka hupula manzwi a Paulusi kwa Batesalonika a li: “Mu like lika kaufela; mu mamatele ku se si nde.”

GSAM -J. N. Loughborough. Mountain View, California, la 1 Kandao, 1905.

Note

Back