Глава 24 — Інші сповнені пророцтва
GSAM 376.1«РОЗВАЖТЕ теперь од сего дня і далше, од двадцять четвертого дня девятого місяця, од самого дня, коли быв положеный фундамент Господнього храму, розважте то. Є іщі насїня в сыпанцї? Та і винна лоза, і фіґове дерево, і ґранатове, і оливове дерево іщі не принесли плоду; од сего дня буду вас благословляти.»1
GSAM 376.2Певный і сталый поступ звістки третього ангела од самого єй початку можеме справедливо порівнати з успіхом, котрый супроводжав Зоровавела од дня, коли положыв основный камінь храму.
GSAM 376Невтїшна выглядка
GSAM 376.3Коли быв жыдівскый народ з порожнїм мішком на грошы і порожнїма сыпанками покликаный будовати Господнїй храм, подля людьского погляду то была невтїшна выглядка. Коли віров послухали покликаня і охотно ся взяли до роботы, явила ся їм Божа рука, котра давала успіх. Коли слїдуєме за скушеностями при возникненю той третьої звістки, видиме провідну руку при тых, котры собі выберають Його путь. Хоць їм припадає терпіня, Божа старостливость о Свій народ і Свою роботу ся все ясно являє тым, котры на Нього надіють ся.
GSAM 376Свідоцтво, котре описує характер
GSAM 376.424. новембра 1862 року ся в тот самый час одбывали дві зібраня в домі Вільяма Вілсона з Ґрінвілла в Мічиґанї, жебы утворити дві церкви про тых, котры в тім околї приняли правду о Суботї. Зібраня про ґрінвіллску церкву вели пресвітер Уайт і його жена в єдній хыжі, а пресвітер Байінґтон і я зме вели зібраня про церкву у Вест-Плейнз в другій хыжі. Коли зме ся в єдній хыжі занимали приготовнов роботов, могли зме чути голос панї Уайт, котра в другій хыжі выдавала своє свідоцтво. В нашій роботї зме стрїтили декотры трудности, і якраз у відповідный час пані Уайт отворила двері і повіла: «Брате Лафборо, коли ся позерам на тоту громаду, виджу, же мам свідоцтва про декотрых з присутных. Коли будете готовы, войду і буду говорити». Потребовали зме поміч якраз у тот час, і она вошла. Окрем пресвітера Байінґтона і мене знала по менї лем трёх людей у хыжі. Остатнї были незнамы, котрых іщі николи не видїла, лем так, як їй были показаны у видіню.
GSAM 377Описаный жывот пана Пратта
GSAM 377.1Коли встала говорити, повіла: «Мусите мі простити, кедь при розповіданю того, што мам повісти, буду вас описовати подля вызначных рис, бо не знам вашы мена. Коли виджу вашы лиця, приходить мі на ум то, што мі Господь зволив показати о вас. Тот чоловік у кутї з єдным оком [хтось повів: „Його мено є Пратт“] много выголошує і велико ся выставлює своёв побожностёв, але іщі ся николи не навернув. Не принимайте його до церкви в його теперїшнїм станї, бо не є хрістіан. Много свого часу тратить без дїла по ремеселницькых майстернях і крамницях, гадаючи ся о ученю правды, докля його жена мусить дома рубати дрова, старостити ся о загороду і так далше. При своїх угодах дає обіцянкы, котры не сповнює. Його сусїды не мають довіры до його вызнаваня віры. Про дїло віры бы было лїпше, кебы в своїм теперїшнїм станї о нїй нич не говорив».
GSAM 378Брат Барр ся зрадовав
GSAM 378.1Она продовжовала: «Тот старый брат [коли на нього указала, хтось повів: „Брат Барр“] мі быв показаный в прямій протилежности до того другого чоловіка. Його жывот є барз прикладный, дбає на сповнїня вшыткых своїх обіцянок і добрї ся старость о свою родину. Ледва ся осмілює говорити о правдї своїм сусїдам, бо ся боїть, же пошкодить дїлу і зробить шкоду. Не розуміє, як може быти Господь такый милосердный, жебы му простив грїхы, і думає, же не є годен ани належати до церкви». Потім му повіла: «Брате Барр, Господь мі приказав повісти вам, же сьте вызнали вшыткы грїхы, о котрых сьте знали, і же Він вам уж давно простив вашы грїхы, лем кебы сьте тому вірили». Выраз смутку з братового лиця скоро зник. Позераючи вгору з усмішков, у своїй простотї повів: «Справды простив?» «Гей, — одповіла пані Уайт, — і было мі повіджене, жебы єм вам повіла: „Приходьте і приєднайте ся до церкви; і коли будете мати нагоду, повіджте слово на користь правды; буде то мати добрый вплив, бо вашы сусїды вам довіряють“». Одповів: «Зроблю так».
GSAM 378.2Потім повіла: «Кебы пан Пратт міг на якыйсь час заняти подобне становиско, яке дотеперь занимав брат Барр, было бы му то на хосен».
GSAM 378.3Так была одстранена єдна причина нашых трудностей при утворїню церкви. Перед тым, як выдала своє свідоцтво, зме не могли прихылити пана Барра, жебы згодив ся приєднати до церкви; а з другого боку зме видїли, же майже вшыткы были проти принятя пана Пратта, але нихто ся не осмілив повісти, чом є проти.
GSAM 378Уздравлені родинны ревнощі
GSAM 378.4Далше ся обернула до чоловіка з рудуватым лицём, котрый сидїв на єднім боцї хыжі; потім указала на жену з худыма рисами лиця на самім противнім боцї і обох ословила як мужа і жену. Описала декотры подїї з їх давнїшнёго жывота, іщі перед тым, як хоць єден з них зачав вызнавати правду. Повіла, же сатана тоты рїчы в мыслях жены так звеличів, аж ю довів до страты розуму. «Я єм видїла, — повіла пані Уайт, — же тота жена была єден рік у притулку про душевно хорых; але одколи ся їй вернув розум, знова дозволила тым самым ревнивым чувствам непокоїти єй мыслї, на великый жаль єй мужа. Він зробив вшытко, што было в його силї, жебы своїй женї показати, же їй є вірный і же не має причину так го од себе одганяти».
GSAM 379.1У тій хвилї жена перебігла хыжу і на колїнах просила свого мужа, жебы їй простив. Тоты люди были в тім краю майже незнамы і їх давнїшнїй жывот не быв знамый. Тоты, котры їх найлїпше знали, знали, же меджі нима настало одчуджіня, але не знали його причину.
GSAM 379Подобно як при Єлисеєви і Азаїлови
GSAM 379.2Коли пані Уайт выдала своє свідоцтво, работа утворїня церкви была скоро докінчена. Пан Барр ся з цїлым сердцём приєднав до організації, а пан Пратт не быв принятый. Як лем зібраня скінчіло, тот послїднїй досить запалисто повів: «Повім вам, не має хосну пробовати ходити з тым народом і робити ся покритцём; то ся вам не подарить».
GSAM 379.3Такый опис характеру, як у вышше спомянутім припадї, нам сильно припоминає подобный припад, записаный з часів пророка Єлисея:2 Венадад, сірійскый краль, послав свого слугу Азаїла до Єлисея спытати ся, ці выздравіє зі своєї хороты. Єлисей дістав видіня о Азаїлови, і коли чоловік перед нього прийшов і він ся позерал на його лице, вшытко му жыво пришло на ум.
GSAM 379Пресвітер Уайт пораженый паралізов
GSAM 379.4В середу, 16. авґуста 1865 року, пресвітера Уайта наслїдком надмірної роботы і недостатку спаня постигла параліза. Бо меджі нашым народом іщі не были заложены здоровні установы, одвезли го до Денсвілла в Ню-Йорку, до здоровної установы, котра ся звала «Наш дом на збочу». Його жена і автор той книги были там з ним од 14. септембра до 7. децембра. Лїчіня в тій установі му принесло лем малу полегшу, зато зме пішли до гостинного дому Бредлі Лемсона в Лейк-Вю, в Рочестерї, Ню-Йорк, де зме остали коло трёх тыжднїв. Тут зме ся рады стрїтили з пресвітером Дж. Н. Ендрюсом, котрый ся якраз вернув до того міста по кількох місяцях, проведеных у Мейнї.
GSAM 380Молитва за пресвітера Уайта
GSAM 380.1Родины пресвітера Ендрюса і пана Ортона ся з нами каждого пополудня зєдновали в молитві з пресвітером Уайтом і за нього. То тривало до 25. децембра. Докля навколїшнїй світ быв у тот день Різдва повный веселости і гостин, рочестерска церква го заховала як день посту і молитвы за пресвітера Уайта. Мали зме зібраня дополудня і пополудни в домі пресвітера Ендрюса на улицї Ню-Мейн, а вечур ся тоты, котры ся уж перед тым молили з пресвітером Уайтом, знова з ним стрїтили в домі пана Лемсона.
GSAM 380Видіня дане в різдвяну ніч
GSAM 380.2Зібраня того вечера было повне силы. Пресвітер Уайт быв велико благословленый, а пані Уайт дістала предивне видіня, в котрім їй было показано много рїчей. Меджі нима были поучіня про пресвітера Уайта, як має поступовати, жебы міг дїлом проявити свою віру в Бога, котрый так явно простер Свою руку, жебы му поміг знова надобыти здоровля.
GSAM 380Предповідженый напад сатаны
GSAM 380.3Тым, котры ся молили за пресвітера Уайта, пані Уайт повіла:
GSAM 380.3«Наміром сатаны было знищіти мого мужа і звести го до гробу. Через тоты щіры молитвы была його сила зломлена. Было мі показано, же сатана ся гнївать на тоту громаду, котра ся три тыжднї вытривало і щіро молила за того Божого слугу, і теперь ся рїшыв силно на них напасти. Было мі повіджене, жебы єм вам повіла: „Жыйте барз близко Бога, жебы сьте были приготовлены на то, што може на вас прийти“».
GSAM 381Передчутя Дж. Т. Ортона
GSAM 381.1Першого дня януара 1866 року пресвітер Уайт зо своёв родинов вырушыл влаком до Батл-Кріка в Мічиґанї. Я єм остав решту зимы в западнім Ню-Йорку. Од самого вечера, коли было дане видіня, пан Дж. Т. Ортон мав передчутя, же його жывот є в небезпеченстві, але не знав, одкы. Тото передчутя высловив перед кількома людми. В недїлю вечур, 4. марца, ся вернув до Рочестера з Пармы, де ся зучастнив дводенного зібраня, разом з паном Е. Б. Сандерсом (котрый теперь, у 1905 роцї, жыє в Сан-Хосе в Каліфорнії). Того попросив, жебы ся при ходї містом держали найсвітлїшої улицї, «бо, — повів, — цїлый час мам таке чутя, як кебы ся ня хтось хотїв покусити забити». Але і так ся не здало, же бы мав даяку думку о тім, хто хоче одняти його жывот.
GSAM 381.2Я єм ся вернув до Рочестера з Пармы 7. марца і спинив єм ся у пана Лемсона, зятя пана Ортона. 8. марца нас він і панї Ортон навщівили, і зме ся договорили, же наступного рана пойдеме влаком до Ланкастера в окресї Ері, де єм мав повінчати його єдиного сына. День зме провели приємно, але быв то і поважный день.
GSAM 381Вбивство Дж. Т. Ортона
GSAM 381.3Од пана Лемсона одышли о 5. годинї пополудни, а о 7:30 вечур прийшов посланець і ознамив нам, же даяка незнама особа жорстоко напала на пана Ортона в його властній стайнї, коли ся старостав о свої конї. Поспішили зме на місце і нашли зме го непритомного, жорстоко побитого по голові окованым желїзом дрючком з воза. Умер тої ночі о 12:35 по півночи. До днесь не є знаме, хто спахав тот жорстокый чін. Певно то не было зроблене за грошы, бо його годинкы в кишени остали недоткнуты, так само і його мішок на грошы, в котрім было $45. Была то тяжка рана про панї Ортон, з наслїдків котрої ся уж николи не позберала. Єй тїлесне здоровля скоро упадало і свого мужа не надовго пережыла.
GSAM 382Сповнене пророцтво з того Різдва
GSAM 382.1О кілько місяцїв по тім памятнім різдвянім вечерї шестеро з девятьох, котры ся зучастнили тых трёх тыжднїв молитвы, уж лежали в гробах. І так ся далше пророцтво сповнило найвыразнїшым способом.
GSAM 382Поміч зневіреному
GSAM 382.2Скоро рано 12. децембра 1866 року прийшов до мого дому Еліас Стайлз з Норт-Ліберті в Індіанї і просив ня піти з ним до того міста, жебы єм, кедь то буде можне, поміг Джеймсови Гарві, котрый быв у розпуцї і думав, же про нього уж не є надії. Знаючи, же пані Уайт дістала в послїднїм видіню барз обшырный погляд і же їй было пророчо показано много припадів, повів єм му: «Може быти, же сестра Уайт видїла дачо о його припадї. Кедь так, і кедь то напише, буде то мати векшу силу, як вшытко, што бы єм му я міг повісти».
GSAM 382.3Зараз зме ю навщівили, і без того, жебы їй хтось повів єдине слово о станї пана Гарві, спытав єм ся: «Сестро Уайт, дістали сьте в даякых з даных вам видінь даяке світло о припадї брата Джеймса Гарві?» «Гей, — повіла, — дістала, і уж кілько днїв чую, же бы єм то мала написати і послати му». Потім нам зачала розповідати, што видїла. Повів єм: «Рано го іду навщівити, і кедь напишете то, што вам было показане, занесу му то». З тов домовов зме од неї одышли і вечур зме ю знова навщівили. Писаня уж докінчіла і была така ласкава, же нам го наголос прочітала.
GSAM 383Свідоцтво для Джеймса Гарві в зневірі
GSAM 383.1Свідоцтво ясно говорило, же пан Гарві буде приведеный до слабого стану здоровля і же сатана буде хотіти загнати го до зневіры і буде ся старати, жебы думав, же про нього ніт милости ани надії; але она виділа, же зробив вшытко, што было в його силах, жебы направити хыбы свого минулого жывота, і же Бог му простив; а окрім того, кідь буде спокушованый знищіти самого себе, было їй указане, же Божі ангелы кружать коло нього і указують му надію в Бозі і на небі. У свідоцтві было много подобных слів потішы і підбодріня.
GSAM 383.2Маючі тот документ при собі, пішли сьме на другый день рано до Норт-Ліберті. По дорозі мі пан Стайлз повів, же пан Гарві хоче ня видіти, але говорить, же я про нього не буду мати ани слова надії; же кідь ся з ним стрітну, згоджу ся з ним, же про нього ніт надії і же є затраченый чоловік; і потім, як давный Ілій, кідь му повіли, же Божа скриня была захоплена, упаде дозаду і умре.
GSAM 383.3До пана Гарві сьме пришли коло 3 годины пополідне. Кідь єм го стрітив, повів єм: «Брате Гарві, як ся маєте?» Найжалостнїшым голосом одповів: «Затраченый! затраченый!! ЗАТРАЧЕНЫЙ!!!» «Нї! Вы не єсте затраченый. Про вас є надія!» — повів єм. Кідь видів, же му так одповідам, повів тыхшым голосом: «Три тыжднї єм думав, же про мене ніт надії і же єм затраченый; а днесь, кідь єм ішов з господарства до міста і переходив через міст понад млиньскым ставом, як кебы мі дашто говорило: „Ты єсь затраченый! Про тебе ніт надії! Скоч до млиньского ставу і утоп ся!“ Подумав єм, же такый учінок бы принїс ганьбу на Хрістову справу, і тото ня здержало од того, жебы єм знищів самого себе».
GSAM 384Вызволїня пришло скоро
GSAM 384.1«Нуж, брате Гарві, вы не єсте затраченый! — повів єм. — Маю ту свідоцтво прямо з неба, котре говорить, же вы не єсте затраченый!» Одповів: «Тогды го выслухам». Потім єм му прочітав свідоцтво, найперше повівшы, же ани єдно слово не было вложене до моїх рук. Кідь єм дочітав, його лице ся розяснило усміхом і повів: «Значіть, про мене є надія. Я вірю в Господа».
GSAM 384.2По чітаню сьме мали час молитвы, по котрій встав як змінїный і щастливый чоловік. Повів нам, же тото писмо описало думкы в його розумі за остатнї три тыжднї точнїше, як бы то сам быв міг зробити. Так ся указала Божа любов, котра тым способом вызволила того брата із зневіры.
GSAM 384Поле роботы ся розшырило
GSAM 384.3До року 1868 было поле роботы Адвентистів сьомого дня обмеджене на Споєны Штаты, і то на їх часть на сївер од южной граніцї Міссурі і на выход од рікы Міссурі. На зібраню, котре розважовало о полях роботы і роздїлї працї почас засїданя Генеральной конференції, што ся одбывало в Батл-Кріку, Мічиґан, 28. мая, было рішене послати двох робітників і намет на шістдесят стоп до Каліфорнії. Пресвітер Д. Т. Бурдо і автор той книги пришли до Сан-Франціска 18. юла того року.
GSAM 384Початок каліфорнійской місії
GSAM 384.4У звязку з початком каліфорнійской місії хочу спомянути єдну річ, котра добрї указує практічный хосен дару пророцтва. Павел, кідь говорить о духовных дарах, включно з даром пророцтва, говорить, же суть «на здоконалїня святых, на дїло служіня, на будованя тїла Хрістового».3 Істотнї, найлїпшый способ здоконалити святых є указати їм їх хыбы, жебы їх могли одложыти і быти обмыты од своїх гріхів дорогоцїннов кровлёв нашого Господа Ісуса Хріста. З тым цїлём поміч через дар пророцтва в дїлї служіня была по цїлый час явлена у звязку зі справов сучасной правды: указовала Господнїм слугам недостаткы в способі їх роботы і то, як бы іншим способом могли успішнїше приводити душі до навернутя.
GSAM 385Свідоцтво о тім, як робити в Каліфорнії
GSAM 385.1Коротко по нашім приходї до Каліфорнії сьме дістали лист од пані Уайт, у котрім описовала видіня, дане їй в Батл-Кріку в пятніцю вечур 12. юна, — в день, котрый сьме провели в Ланкастерї, Ню-Йорк, перед одходом до Каліфорнії. Она николи не была в Каліфорнії і особно не знала звыкы тамошнїх людей. В тім часї властно іщі николи не была на запад од рікы Міссурі. Вшытко, што знала о тамошнїх обставинах, походило з того, што їй Господь зволив обявити.
GSAM 385.2У поучіню в своїм листї описала щедры звыкы людей в Каліфорнії і то, якый бы быв наслїдок роботы меджі нима подля скупо выміряного плану, при котрім ся рахує каждый гріш. При проповідованю людём в Каліфорнії треба было приступати до них дакус із тым щедрым духом, з якым сами роблять, але при тім не марнотратнї.
GSAM 385Предповідженый успіх пришов
GSAM 385.3Кідь теперь позерам назад на остатнї тридцять сїм років од першого початку роботы в Каліфорнії і розважую о тогдышнїх обставинах, о станї людей і о способі, якым бы сьме были робили без дістатого свідоцтва, і кідь виджу наслїдкы послухнутя даного поучіня, можу повісти, же наша справа поступила за три місяцї веце, як бы была поступила за єден рік, кебы сьме не дістали поміч «в дїлї служіня» через поучіня дане даром пророцтва. До яри 1871 року в наслїдку усиль в окресї Сонома возникло пять церквей суботарів.
GSAM 386Перше наметове зібраня в Сан-Франціску
GSAM 386.1В юнї того самого року сьме першый раз поставили наш намет у Сан-Франціску. Кідь пресвітер Бурдо вернув на выход, быв посланый іншый робітник з Мічиґану, жебы го заступив. Пришов 17. юна і зараз ся прилучів до мене в роботї в містї. По дакількох тыжднях роботы в наметї сьме продовжовали нашы зібраня в найнятых сїнях аж до 1. децембра 1871 року. В наслїдку той роботы веце як пятдесят людей у Сан-Франціску прияло звістку.
GSAM 386Внуторнї скорботы в Каліфорнії
GSAM 386.2До того часу нашы скорботы в Каліфорнії походили веце з опору звонка, але теперь про нашых людей настала неочекована проба віры іншого роду. Єден співробітник уперто продовжовав таке поступованя, котре, як єм быв пересвідченый, принесе ганьбу і йому самому, і справі. Мали сьме в містї дакількох завзятых неприятелїв, котры позоровали каждый наш крок і были готовы выужыти каждый нерозумный учінок на нашу шкоду. Зато было велми потребне дбати на апостолове напомінутя: «Хороньте ся од вшыткого, што має подобу зла».
GSAM 386Небезпечна незалежность
GSAM 386.3Не твердив єм, же брат своїм поступованём справды сповнив гріх, але розважовав єм, же нашы неприятелї выужыють на свій хосен то, што він выголошовав за невинне. Він став на тім, же в тій справі має право «робити, як ся му любить», особливо кідь ся узнало, же в тім, што робить, ніт гріха. Так ся справы тягли аж до 23. януара 1872 року, кідь єм пішов з окресу Сонома до Сан-Франціска позрїти, што бы ся дало зробити, жебы ся там тота справа здержала.
GSAM 387.1В тім часї уж нашы неприятелї выужывали його поступованя, як єм ся бояв, а він стояв на тім, же то «не є їх справа», же їм укаже, же має властный розум і може ходити по улицях, як ся му любить і з кым ся му любить, без того, жебы мусив зносити їх зауважіня. Старав єм ся му в особных розговорах указати, же таке поступованя не може быти успішне і же такый незалежный дух скінчіть злом. Мав своїх приятелїв, котры з ним барз співчували; дакотры з них зачали занимати таке становиско, котре бы го выставило іщі веце докорам. Велика часть церкви видїла зло його своєволї і была готова підпорити мої усиля захоронити справу од ганьбы.
GSAM 387Назначене зібраня на переслїджіня справы
GSAM 387.2Так стояли справы в Суботу, 27. януара, кідь было рішене, же ся мусить справа переслїдити і же церква мусить зробити рішучый крок, жебы ся захоронила од ганьбы, котру міг принести тот непокірный дух. Было назначене зібраня на недїлю, 28. януара, із зачатком о 9 годинї рано, жебы ся розважыло о станї справы і о нашій повинности як церкви в тій справі. Подля вшыткого ся здавало, же роздїлїня той церкви є невідворотне. Велику часть той ночі єм провів в молитві до Бога, жебы дїяв про наш хосен.
GSAM 387Писемне вызнаня
GSAM 387.3Рано 28-го, кідь єм ішов на зібраня, стрітив єм на ходнику коло дому, де єм быв на квартирї, свого співробітника, як плакав. Повів: «Брате Лафборо, днесь не піду на зібраня».
GSAM 387.4«Не підете на зібраня? — повів єм. — Та зібраня ся тыкать вашой справы».
GSAM 388.1«Знам тото, — повів, — але я єм цїлком на хыбній дорозї. Вы маєте правду в становиску, котре єсте заняли до мене. Ту є лист із вызнанём, котрый єм написав церкві; возьміть го і прочітайте їм. Буде лїпше про вас і про тых, котры бы могли быти наклонены співчувати зі мнов, кідь там не буду».
GSAM 388.2«Што од учера заподїяло у вас таку велику зміну?» — спытав єм ся.
GSAM 388Дістате подивугодне видіня
GSAM 388.3Одповів: «Учера вечур, по Суботї, єм пішов на пошту і дістав єм лист од сестры Уайт з Батл-Кріка, Мічиґан. Є то свідоцтво, котре про мене написала». Подав мі го і повів: «Прочітайте тото і увидите, як Господь видить мою справу».
GSAM 388.4Просив ня повісти церкві, же дістав свідоцтво од сестры Уайт, котре го докорять за його поступованя, і же го приїмать, бо є правдиве.
GSAM 388Пересвідчівость видіня
GSAM 388.5Была то часть видіня, даного пані Уайт в Бордовіллї, Вермонт, 10. децембра 1871 року. Частину, котра ся тыкала справы того брата, зачала писати 27. децембра 1871 року, але з даякой причіны ся докінчіня писма одложыло аж до 18. януара 1872 року, кідь было докінчене і послане поштов з Батл-Кріка. Тогды было треба коло девять днїв, жебы листы по сухій землї дішли з Мічиґану до Каліфорнії.
GSAM 388.6У видіню їй бывало пророчьскы указане много річей. Так то было і в тім припадї. В часї видіня была лем тїнь того, што ся справды розвинуло до приходу свідоцтва до Сан-Франціска. З порівнаня дат видно, же справа в Сан-Франціску досягла свого верху аж по одосланю писаного свідоцтва з Батл-Кріка. Нашы братя в Сан-Франціску зараз видїли, же жаден чоловік не міг написати до Батл-Кріка і повісти пані Уайт о тім вчас, жебы могла написати тот лист, бо такый стан справ тогды іщі не існовав.
GSAM 389.1Тота обставина мала велику вагу про тамошнїх братів і пересвідчіла їх, же з тым видінём была Божа сила. Не написав єм ани рядок пресвітерови Уайтови або його женї о станї справ у Сан-Франціску, а співробітник выголосив, же нич не написав; і братя повіли: «Кебы і быв написав, не быв бы повів тоты річы, котры о нїм самім вышли наяво».
GSAM 389Як было видіня записане
GSAM 389.2Кідь сьме ся пізнїше з другого кінця дознали о записованю і посланю свідоцтва, стало ся іщі яснїшым, же Господь, котрый дав видіня, дбав о час його записаня і одосланя на назначене місце, жебы там дішло якраз у правый час.
GSAM 389.3Барз скоро рано 18. януара 1872 року ся пані Уайт збудила з вышеспомянутым свідоцтвом жыво втиснутым до її розуму. Тот внутрішнїй голос быв про ню такый выразный, як кебы чула высловлены слова: «Зараз запиш тото свідоцтво для Каліфорнії і дай го на найблизшу пошту; є потребне». Кідь ся тото повторило другый раз, встала, хытро ся облекла і докінчіла писаня. Якраз перед фрыштыком го подала свому сынови Віллі і повіла: «Занесь тот лист на пошту, але не вкидай го до скринькы. Подай го начальникови пошты і постарай ся, жебы го напевно вложыв до поштового мішка, котрый одходить днесь рано». Він пізнїше повів, же му її наказ здавав ся дакус чудный, але ся на нич не спытав і зробив так, як му было приказане, і «видїв, як лист вложыли до поштового мішка».
GSAM 389Доказ Божого проводу
GSAM 389.4Кідь знате наш тогдышнїй стан у Сан-Франціску, легко увидите, яке важне было, жебы тот лист одышов якраз тов поштов. В тых днях сьме мали лем єдну пошту по сухій землї на день. Кебы лист быв пришов у недїлю вечур 28-го, а не в суботу вечур 27-го, без сумнїву бы было настало жалостне роздїлїня в церкві. Кебы быв пришов о дакілько тыжднїв скорїше, гоч і зараз по даню видіня, церква бы не была так легко спознала його силу.
GSAM 390.1Ту было свідоцтво, котре носило явны знакы Господньой рукы: нї лем тым, же пришло у властный час, жебы успішно направити існуючі хыбы, але і тым, же, кідь го брат покірно прияв і подля нього поступив, мало силный вплив на принесїня єдноты і сталости до той молодой церкви.
GSAM 390Способ записованя видінь
GSAM 390.2Тот припад служыть і як приклад її властного высловлїня о способі записованя того, што видїла. О тім говорить: «Бывала єм збуджена зі сну з жывою свідомостёв предметів, котры были скорїше представлїны мойому розуму; і писала єм о півночі листы, котры переходили через контінент і, приходячі у крітічну хвилю, захоронили справу од великого нещастя».4