Adventist Pioneer
Library
aplib.orgLibrary
Table of Contents
29 / 31
29 / 31

Глава 26 — Наші закордонні місії

John Norton Loughborough

GSAM 403.1«Написане є: Ті, котрым не было о Нїм звіщене, увидять; а ті, котры не чули, порозуміють.»1

GSAM 403.2Наша перша місія поза Споєныма Штатами была зачата в році 1874, кедь пресвітер Дж. Н. Ендрюс быв посланый до Швайцарії і там зачав роботу.

GSAM 403СЕРЕДНЬОЄВРОПСКЕ ПОЛЕ

GSAM 403.3Того часу до той місії належало вісем держав: Швайцарія, Франція, Італія, Турція, Белґія, Іспанія, Портуґалія і Ґреція — теріторія з 140 000 000 жытелями.

GSAM 403.4На тім місцї буде, може, заїмаве спомянути обставины, котры привели нашых людей до зачатя місії на такій великій теріторії в часї, кедь наша церьков мала іщі мало членів.

GSAM 403Пресвітер Чеховскый

GSAM 403.5В році 1865 пресвітер М. Б. Чеховскый, наверненый польскый католицькый священик, котрый прийняв сучасну правду, хотїв, жебы го наші люде послали як місіонаря до Середньої Европы. Кедь то в тім часї не было можливе, обернув ся зо свойов просьбов до Адвентистів першого дня в Бостонї, штат Массачусетс, котры го, може, вважали за чоловіка, што з нашыма людьми не має ниякого звязку. Як бы то ни было, они здобыли потрібны гроші і послали го на місію, по котрій тужыв.

GSAM 404Суботарї в Швайцарії

GSAM 404.1В році 1866 учів правду о Суботї і звістку третього ангела в Трамеланї, в Швайцарії; плодом той роботы было утворїня громады суботарїв. Скоро потім їх лишыв і одышов учіти звістку в Угорьску. Громадї в Трамеланї нич не повів о нашій роботї в Америцї, але єден з них, Алберт Вюйомє, знав чітати по анґлійскы. Припадком увидїв єден примірник «Огляду адвенту». Так зачало ся листованя міджі обома країнами.

GSAM 404Пресвітер Ерценберґер посланый до Америкы

GSAM 404.2В році 1869 Джеймс Ерценберґер з Трамелана быв посланый до Америкы, жебы ся научів анґлійскый язык і повнїше спознав ученя і звыкы Адвентистів сьомого дня. Прибыв до Батл-Кріка 18. юна і зістав в Америцї півтора рока. На зворотну путь вырушив з Ню-Йорка 9. септембра 1870 року. В юнї того самого рока навщівив тоту країну Адемар Вюйомє, котрый там зістав коло штирёх років. Кедь ся вертав до родного краю, ішов з ним і пресвітер Ендрюс. До Невшателя прибыли 16. октобра 1874 року.

GSAM 404.3В році 1875 пресвітер Д. Т. Бурдо з родинов одышов з Америкы до Франції, де го комітет призначів робити.

GSAM 404Зачаток выдаваня французького часопису

GSAM 404.4В наступнім роцї, в юлї 1876 року, в Базелї, в Швайцарії, зачали выдавати часопис по французькы під назвов «Les Signes des Temps» («Знаки часів»). О шість років пізнїше, 13. мая 1882 року, пресвітер Гаскелл выплыв з міста Ню-Йорк до Европы. На тій місіонарьскій путьованцї перебывав даякый час і в Швайцарії.

GSAM 405Пресвітер Вітнї іде до Базеля — Смерть пресвітера Ендрюса

GSAM 405.126. юла 1883 року пресвітер Б. Л. Вітнї і ёго родина прибыли до Базеля. Комітет Генеральной конференції призначів го вести тоту місію, жебы одтяжыв пресвітера Ендрюса, котрого здоровля ся скоро згоршовало. О дакілько місяцїв пізнїше, в октобрї того рока, пресвітер Ендрюс умер.

GSAM 405.2Пресвітер Ендрюс в молодости не мав можность учіти ся на высокых школах і коледжах, але быв добрї освіченый; быв тым, кого світ зве самоуком або чоловіком, котрый ся сам выпрацовав. Усиловным штудіованём оволодїв латиньскым, ґрецькым і гебрейскым языком, а в пізнїшых роках і французькым. Французькый язык ся научів, жебы му поміг зачати і вести роботу Середньоєвропской місії, де ся трудив послїднїх шість років свого жывота: писав до французького часопису «Знаки часів» і выдавав го, як і проповідовав в тім языцї. При тій роботї го застигла смерть.

GSAM 405Доктор Келлоґ в Европі

GSAM 405.3На ярь 1883 року доктор Дж. Г. Келлоґ навщівив Европу про лїкарьскы дослїджіня. В каждій з нашых місій провів дакілько днів, а ёго навщівы барз посмїлили робітників. Особливо пресвітер Ендрюс высоко цїнив ёго рады односно роботы в Базелї.

GSAM 405Пресвітер Батлер навщівує Европу

GSAM 405.4На Генеральній конференції, што ся одбыла в октобрї 1883 року, было рекомендоване якнайскорїше зачати выдавати часопис в Анґлії. Подля далшого рїшіня, принятого на тій конференції, пресвітеры Джордж І. Батлер, М. Ц. Вілкокс і А. Ц. Бурдо одышли помагати в роботї в Европі і Анґлії. Пресвітер Батлер прибыв до Ґлазґова, в Шкотску, 27. фебруара 1884 року. Єдным із цїлїв ёго навщівы закордонных місій было особно спознати трудности роботы в чужых країнах і способы їх преодолїня. І він перебывав даякый час в Базелї і на середньоєвропскім поли. А. Ц. Бурдо робив міджі французькым людом в долинах Алп, міджі валденцями, а М. Ц. Вілкокс ся придружыв до друкарьской і редакторьской роботы в Анґлії, де зістав до кінця 1886 року.

GSAM 406В Базелї збудованый видавничый дом

GSAM 406.1В році 1884 быв в Базелї збудованый видавничый дом «Многоязычна друкарня» (назва значіть друкованя в многых языках). В марцї 1885 року комітет Генеральной конференції уповномочів Г. В. Келлоґа навщівити Базель і купити потрібны машыны про друкарню. Він то зробив, і так в стародавнім містї Базелї была заложена добрї обладнана друкарня, котра належала Адвентистам сьомого дня.

GSAM 406.2В часї навщівы пресвітера Батлера в Европі в базельскій друкарнї друковав ся нїмецькый часопис під назвов «Herold der Wahrheit». Того самого рока там выдавали і румуньскый часопис «Adevărulu Prezentu» («Сучасна правда»), а іщі далшый по італійскы, під назвов «L’Ultimo Messagio» («Послїднї звістки»). Обидва послїднї спомянуты часописны выданя выходили раз за три місяцї і мали по шістнадцять сторінок. На Швайцарьскій конференції в октобрї 1884 року было повіджене, же за рік было выдрукованых і розшыреных 146 000 примірників тых штирёх часописів. До 1895 року, кедь друкарню наслїдком переслїдованя в Базелї перенесли з того міста до Гамбурґа в Нїмецьку, там выдавали книжкы і трактаты в єденадцятьох розлічных языках, а то: французькім, нїмецькім, італійскім, румуньскім, іспаньскім, чеськім, російскім, голандьскім, мадярьскім, армяньскім, турецькім і турецько-ґрецькім. Так то была установа, котра, як і значіла єй назва, «друковала в многых языках».

GSAM 407Пані Уайт навщівує Европу

GSAM 407.13. септембра 1885 року пані Уайт, єй сын В. Ц. Уайт і родина прибыли до Базеля. Півтора рока были в старых країнах, навщівуючі місії на середньоєвропскім поли, де розлічным місіям оказали неоцїниму службу.

GSAM 407Заложена Швайцарьска конференція

GSAM 407.210. септембра 1885 року была заложена Швайцарьска конференція. В справі, поданій того часу, было повіджене, же конференція мала єдного рукоположеного служителя, сїм проповідників з дозволом на службу, десять церьковных громад і 224 членів. За передходячій рік они дали десяток у сумі $1 645.11. Окрем того на роботу были даны дары у сумі $2 041.22.

GSAM 407Пресвітер Ваґгонер в Европі

GSAM 407.3Пані Уайт з В. Ц. Уайтом і родинов ся вернула до Америкы в році 1887. Того самого рока пресвітер Дж. Г. Ваґгонер быв позваный придружыти ся до Середньоєвропской місії. На тім поли провів веце як два рокы, жыючы того часу в Базелї. В тім містї і умер 20. апріля 1889 року, як уж было повіджене.

GSAM 407.4Слабнуче здоровля пресвітера Вітнї і ёго наступна смерть (9. апріля 1889 року) были далшым тяжкым ударом про тоту місію.

GSAM 407Пресвітер Робінсон в Европі

GSAM 407.5Пресвітер Д. А. Робінсон, котрый робив в Анґлії, быв выбраный за наступника пресвітера Вітнї. В тім краю успішно робив коло шість років, покы в році 1895 на позваня Генеральной конференції не одышов до Індії. По ёго одходї было потрібне призначіти далшого управителя.

GSAM 408Пресвітер Голсер управителем поля

GSAM 408.1На тоту службу быв выбраный пресвітер Г. П. Голсер, а окрем той службы го выбрали і за управителя цїлой Середньоєвропской місії. Ту ся неустанно і успішно трудив до 1901 року, кедь і він мусив підлегнути нищівій хворотї. Умер в Каньйон-Сітї, в Колорадо, 11. септембра 1901 року.

GSAM 408.2Невзираючы на тоты несприятливы обставины, місія росла і робота поступала допереду, як то указує справа, подана Генеральній конференції в році 1895. Подля нёй Середньоєвропска конференція мала девятнадцять церьковных громад з 484 членами, котры за передходячій рік дали десяток у сумі $4 378.18. Того часу мали штирёх рукоположеных служителїв і пять проповідників з дозволом на службу.

GSAM 408НЇМЕЦЬКО-РОСІЙСКА МІСІЯ

GSAM 408.3В році 1870 Й. Г. Ліндерман, пастор церьковной громады недалеко Елберфелда в Пруску, і штиридцять єй членів наслїдком штудіованя Біблії зачали святити Суботу сьомого дня, не знаючі о жадній іншій громадї хрістіанів у світї, котра бы святила тот день як Суботу. Наші люде ся дізнали о тій громадї особливым способом. В Суботу до місійного дому в Базелї пришов жебрак. Родина якраз штудіовала лекцію суботнёй школы, маючы перед собов отворены Біблії. То, што тот чоловік увидїв, на нёго запособило і привело го до розпытованя.

GSAM 408Громада в Елберфелдї

GSAM 408.4Кедь ся дізнав, же то не Жыды, але хрістіане, котры святять Суботу сьомого дня, повів їм о тій громадї в Елберфелдї. Пресвітер Ендрюс вважав за мудре перевірити тото свідчіня; зато на початку 1875 року вєдно з пресвітером Ерценберґером одышов до Пруска, де нашли громаду таку, як о нїй было повіджене. Пресвітер Ерценберґер зістав даякый час робити в тій части Нїмецька, і 8. януара 1876 року было в Елберфелдї охрещеных вісем людей. То было перше хрещіня, котре выконали Адвентисты сьомого дня в Нїмецьку.

GSAM 409.1Правда пустила корїнї в Росії уж в році 1882 через літературу, котру нїмецькы братя в Америцї посылали своїм приятелям до нїмецькых колоній в Росії.

GSAM 409Пресвітер Конраді в Европі

GSAM 409.2В році 1885 пресвітер Л. Р. Конраді одышов з Америкы на середньоєвропске поле робити міджі Нїмцями. 28. юна 1886 року вырушив з Базеля до Крыму, в Росії. Ту вєдно з пресвітером Перком ішов до Бердебулата, де были охрещены дві сестры і была заложена церьковна громада з девятнадцятьма членами. То была перша церьковна громада Адвентистів сьомого дня в Росії.

GSAM 409Пресвітеры Конраді і Перк увязнены

GSAM 409.3Гнедь потім пресвітерів Конраді і Перка арештовали за ученя противне православній вірї і на пять тыжднїв увязнили в Перекопі. По своїм вызволїню (через заступлїня посла Споєных Штатів) пресвітер Конраді навщівив выходну Росію, а потім ся вернув до Швайцарії.

GSAM 409Робота над Волґов, в Росії

GSAM 409.4В тім самім роцї пресвітер Лавбган зачав робити в Росії недалеко свого дому, котрый быв над рїков Волґов. В році 1880 пресвітер Кляйн з Канзаса зачав роботу міджі Нїмцями в Росії. Так были позваны робітници на тото тяжке і трудне поле; і хотяй віруючі были высланы і увязнёваны, Господь незвычайно благословив роботу.

GSAM 409Успіх колпортерів в Нїмецьку

GSAM 409.5В році 1888 колпортеры зачали роботу в Рейнскім Пруску, Вюртемберґу, Баденї і Елзасї. Тых вісем або десять ревных і вірных робітників мало такый успіх, же за єден рік продали таке множество книжок: «Жывот Хріста» — 3 000; «Од Едена до Едена» — 2 000; і 12 000 брошур. Наслїдком той роботы майже в каждім місцї, де книжкы продавали і чітали, дакто — єден або веце людей — прийняв правду.

GSAM 410Зачаток місії в Гамбурґу

GSAM 410.1В маю 1889 року пресвітер Конраді зачав місійну роботу в Гамбурґу, в Нїмецьку, і за барз короткый час там была заложена школа на підготовку робітників. В наступнім октобрї была заложена суботня школа з двадцятьма вісьмома членами. В тім роцї пресвітер Гаскелл навщівив місію, была заложена церьковна громада з двадцятьма членами і книжный склад.

GSAM 410.2Пресвітер Й. Т. Бетхер того часу робив міджі Нїмцями в Барменї. В році 1890 была Генеральній конференції подана справа, подля котрой нїмецько-російска місія мала девять заложеных церьковных громад зо вшыткыма 422 членами, окрем сімдесятьох пятьох суботарїв, котры іщі не были зорґанізованы до громад. 7. апріля того самого рока было охрещеных далшых дванадцять людей, котры ся придружыли до гамбурґской церьковной громады. В децембрї кількость членів той громады зросла на штиридцять. За книжкы проданы з гамбурґского складу в Голандії, Росії і розлічных частях Нїмецька было одержане $5 000.

GSAM 410Успіх в Европі

GSAM 410.3Помалы, але певно робота Середньоєвропской місії поступала допереду, як указала справа подана на Генеральній конференції в році 1891. Того часу было в Нїмецьку пять церьковных громад зо сто штиридцятьма членами, з котрых шістдесять штирёх было членами гамбурґской громады. Дано было десяток у сумі $1 000. Книжкы, котры місіонарь про роботу на кораблях в Гамбурґу продав на кораблях, мали вартість $500, а колпортеры за рік на цїлім поли продали за $6 000. В Австрії сто пятьдесять людей прийняло правду, а в Росії было тринадцять церьковных громад зо штиристо членами.

GSAM 411Пятьох російскых суботарїв выслано

GSAM 411.1Коло того часу (1891) пятьох членів єдной російской церьковной громады, міджі котрыма быв і єй ведучій, арештовали за шырїня ученя противного державній церькви і одсудили на пять років выгнаня до Закавказя. Мали їх скувати вєдно ланцями і казати їм перейти пішо пятьсто миль. В тій пробі їх віра підтримовала їх, і они были щастливы в Господї. Протягом рока была приготована брошура по російскы в подобі біблійных чітань о страданях Хріста, о снї мертвых, о тім, котрый день і чом, і о тім, ці можеме знати.

GSAM 411.2На час Генеральной конференції в році 1895 кількость членів в Нїмецьку зросла на 368, а десяток за передходячій рік быв $2 327.43.

GSAM 411Веце суботарїв в Росії

GSAM 411.3В Росії, хотяй барз многы еміґровали до іншых країн, кількость членів зросла на 467; они дали десяток у сумі $841.60.

GSAM 411.4З повіджіня секретаря закордонных місій в чітаню на тыждень молитвы про 1896 рік ся дізнаваме, же

GSAM 411.4«на нїмецько-російскім поли за передходячій рік їх кількость майже ся здвогнасобила; прибыло їм веце як штиристо людей. В Берлінї, в Нїмецьку, шістдесять людей ходило на реґуларны суботнї богослужіня. Збудованя місійной каплицї в Гамбурґу посилнило там роботу. В Мюнхенї, в Баварії, дакілько людей чекало на хрещіня. Віруючі были в Ляйпціґу, Кеніґсберґу, Маґдебурґу, Познанї, Штутґартї і іншых головных містах Нїмецька. Громада была і в Роттердамі, в Голандії.

GSAM 412.1«В Росії колпортеры одержали дозволы од влады. Література была переложена до лотышского і естоньского языка. Нїмецькый часопис перенесли з Базеля до Гамбурґа, і в тій друкарнї друковали правду в штирнадцятьох языках».

GSAM 412Хрещіня в Угорьску

GSAM 412.2Протягом рока ся одбыло перше хрещіня в Угорьску і перше зібраня на святу вечерю в Чехах. В Ґалацї, в Румунії, была заложена місія про роботу на кораблях на Дунаю і Чорнім морю.

GSAM 412Колпортерьска робота в Нїмецьку

GSAM 412.3В «Домашнїм місіонарї» за децембер 1895 року пресвітер Шпіс повів о колпортерьскій роботї на нїмецькім поли:

GSAM 412.3«Ті, котрым была повірена колпортерьска робота, кедь на тім поли зачінала, не переставали єй розвивати, хотяй дакотры з головных выдавателїв і книжных торговцїв в Ляйпціґу їх переконовали, же „продаваня книжок на передплату ся скінчіть неуспіхом“.

GSAM 412.4«В авґустї 1887 року вышло перше выданя книжкы „Жывот Хріста“ по нїмецькы. Приближно в часї, кедь спомянута книжка была приготовлена до розшырёваня, в Базелї ся одбыло школїня колпортерів. То означіло зачаток колпортерьской роботы нелем в Нїмецьку, але в цїлій Европі. Теперь уж вышло з друкарнї сьоме выданя той книжкы в нїмецькім языцї.

GSAM 412.5«Од 1. януара 1895 року на поле вступило дванадцять новых колпортерів. В юнї 1895 року справа указала, же продаваня зросло о пятьдесять процентів. Теперь ся особитна увага звертать на „Herold der Wahrheit“, наш нїмецькый часопис. Дакотры не барз великы церьковны громады беруть од пятьдесять до двісто примірників і продають їх. З купуючіма мають барз милы досвіды. В „Оглядї і віснику“ з 18. фебруара 1896 року пресвітер Конраді повів: „1895 рік кінчіме з півтора тысячов суботарїв на нїмецько-російскім поли“».

GSAM 413СКАНДІНАВСКА МІСІЯ

GSAM 413.1Місію міджі скандінавскыма народами зачав пресвітер Джон Маттесон у році 1877. Дня 6. юна пришов до Вайле в Ютландії, в Данії. Кідь пришов до той страны, было там дакілько людей, котры зачали святити Суботу через чітаня часописів і трактатів, котры їм посылали приятелі з Америкы.

GSAM 413.2Кідь слїдуєме початкы той роботы, дізнаєме ся, же в році 1850 четверо людей, котры ся переселили з Норвеґії до Америкы, зачали святити Господню Суботу. Жыли в Окленді, у Вісконсіні. Двоє з них были отець і мати пресвітера О. А. Олсена. У році 1863 пресвітер Джон Маттесон зачав святити Суботу, сьомый день. Жыв у Пойсіппі, у Вісконсіні. За наступных шість місяців через його роботу коло сорок Данів і Норвеґів приняли ученя Адвентистів сьомого дня. Першый діючій проповідник, котрый ся з ним зъєднав у служіню, быв пресвітер Дж. Ф. Гансон з Міннесоты.

GSAM 413Перша книжка выдана в даньско-норвезькім языку

GSAM 413.3У році 1866 пресвітер Джон Маттесон звернув ся до управителів друкарні «Огляд і вісник», жебы дізнати ся, ці бы выдруковали про Скандінавців брошуры і трактаты в їх языку. Йому повіли, же недостаток грошей у друкарні не дозволює їм тото зробити; але у Вісконсіні і Міннесоті были люде його народности, котры так дуже желали мати правду выдруковану в материньскім языку, же, хоць жыли скромно і было їх менше як пятдесят, зобрали $1,000 готовых грошей і передали му їх на тоту ціль. З тыма грошми і зо старанно приготованым рукописом пресвітер Маттесон пришов до Батл-Крік і знова попросив о друкованя книжок. Кідьже быв готовый одповісти на давнїшы заперечіня, його просьбу сповнили, і 18. марца 1867 зачав чітати свій рукопис, приготованый про книжку «Liv og Død» («Жывот і смерть»), пресвітерови Дж. Н. Ендрюсови і менї, котры сьме тогды были членами выдавничого комітету. Інакше повіджено, повідав нам по анґліцькы тото, што в його рукописї было написане по даньско-норвезькы.

GSAM 414Пресвітер Маттесон ся стає друкарём

GSAM 414.1В тім часї не было друкаря, котрого бы могли уволнити од іншой роботы, жебы про нього складав друкарьскы буквы, і зато попросив, жебы му дозволили навчіти ся складати їх самому. Продовжовав тоту роботу, покы не мав выдрукованых коло тысяча сторінок брошур і трактатів у своїм языку.

GSAM 414.2З тым новым способом шырити правду міджі своїм народом вышов з обновленов одвагов і вів зібраня в розлічных штатах. Од того часу робота міджі Скандінавцями поступовала досить скоро.

GSAM 414Першый часопис у чужім языку

GSAM 414.3Робота міджі Данами і Норвеґами ся так розросла, же возникла потреба місячного часопису, в котрім бы люде той народности могли доставати поучіня і підбодріня в своїм языку. Зато 1. януара 1872 вышов у друкарні «Огляд і вісник» даньскый місячник, часопис у формі журнала на двадцять штирёх сторінках, під назвов «Advent Tidende» («Адвентны вісти»). В наступнім році обсяг того часопису збільшили на тридцять дві сторінкы. Быв то першый часопис, котрый Адвентисты сьомого дня выдали в чужім языку.

GSAM 414.4У році 1874 заінтересованя міджі шведьскы говорячіма віруючіма было таке велике, же зачали выдавати в тім языку місячник на шістнадцять сторінок під назвов «Svensk Härold» («Шведьскый вісник»).

GSAM 414.5В часї, кідь пресвітер Маттесон зачав місію міджі скандінавскыма народами в старім краю (юн 1877), з Америкы ся каждое місяця посылало 266 примірників «Tidende» до Данії і 60 до Норвеґії. Через чітаня тых часописів уже дакотры люде в Скандінавії святили Суботу. Як плод його єднорічной роботы в Данії постали на дакілько розлічных місцях ґрупы віруючіх.

GSAM 415Друкарня в Норвеґії

GSAM 415.1Потім пресвітер Маттесон пішов до Норвеґії, де 7. юна 1879 зорґанізовав церков з тридцять вісьмох членів як плод своёй роботы в Крістіанії. В тім часї ся до нього в служіню приєднав пресвітер Дж. П. Ясперсон з Америкы. В тім самім році было в Норвеґії заложене і выдавниче товариство, і в Крістіанії купили нерухомість про друкарню, залу на богослужіня і обываны ізбы за $14,580. Якісь час із друкарні в Крістіанії выходив каждое тыждня невеликый наклад часопису «Tidernes Tegn».

GSAM 415.2На початку осени 1880 пресвітер Маттесон пришов до Америкы, жебы здобыти поміч на розшыріня скандінавской роботы. Взяв участь у Генеральній конференції того року і в апрілю 1881 вернув ся до Европы дуже підбодреный. Скоро по його поворотї купили валцёву друкарьску машыну і поставили ї в друкарні в Крістіанії.

GSAM 415Часописы о здоровлю в даньскім і шведьскім языках

GSAM 415.3Зараз зачали выдавати в даньскім языку часопис о здоровлю під назвов «Sundheds Bladet». У році 1883 выдав подобный часопис у шведьскім языку і реліґійный часопис під назвов «Sanningens Härold». У році 1884 мали друкарьске обладнаня в цїнї $2,563. За тот рік было выдрукованых і розшыреных вєдно 115,000 примірників часописів, окрім многих тысяч трактатів і дакотрых книжок.

GSAM 415Пресвітер Гаскелл у Скандінавії

GSAM 415.4Робота в скандінавскых странах дістала велику поміч од навщівы пресвітера Гаскелла в році 1882, а в році 1884 їй значно помогла робота пресвітерів Джорджа І. Батлера, Б. Л. Вітні, А. Б. Оєна і Е. Ґ. Олсена.

GSAM 416Пані Уайт дуже помагає Скандінавії

GSAM 416.1У році 1885 пані Еллен Ґ. Уайт і їй сын В. К. Уайт навщівили Скандінавію, што мало неоцїнительный хосен про роботу в тім краю. Дакотры собі думали, же бідны в тій странї не можуть платити десяткы і же не має хосну пробовати розносити книжкы на продаж. Свідоцтво, котре принесла пані Уайт, пришло в правый час, і люде го добрі приняли, як то указала їх одповідь тыма словами: «Вшытко, што Господь повів, учіниме і будеме послушны.» За тотой навщівы ся в скандінавскій місії стала цїлковита переміна, головно завдякы невтомній роботї пані Уайт.

GSAM 416Нова будова друкарні поставлена в Норвеґії

GSAM 416.2У році 1886 пресвітеры О. А. Олсен і Н. Клаусен навщівили скандінавскы страны, причім другый з них там зістав досить довго. У році 1885 была в Крістіанії поставлена нова будова друкарні, і за рік, котрый ся скінчів 1. септембра 1886, друкарня дістала лем з продажу книжок і трактатів суму $5,386.68, тымчасом як сума, дістана з передплаты часописів, была $3,146.03.

GSAM 416Двадцять пять церквей у Скандінавії

GSAM 416.3У справозданю, переданім Генеральній конференції в році 1889, ся повідало, же в скандінавскій місії было двадцять пять церквей з 926 членами, котры заплатили десяток $2,548.75; было там і шість служителів, штирёх проповідників з дозволом на служіня і пятдесят двоє колпортерів. Продаж книжок у Норвеґії і Швеції за єден квартал вынїс $2,161.26.

GSAM 416Школа в Крістіанії

GSAM 416.4В тім часї в Крістіанії діяла школа з пятдесятьма штудентами. У році 1891 пресвітеры О. А. Олсен і Е. Дж. Ваґгонер вели в Крістіанії біблійну школу, котру навщівовало сто учеників. У тій школї давали ґрунтовне навчаня о колпортерьскій роботї.

GSAM 417Сорок церквей у Скандінавії в році 1895

GSAM 417.1О шість років пізнїше, в році 1895, находиме справозданя пресвітера Д. А. Робінсона, тогдышнього окружного керівника закордонных місій, котре так ясно указує значный зріст роботы за тот час, же наводиме з нього тото: «Скандінавія має сорок церквей і 1,458 членів. Річный десяток быв $5,585.55. Є пятнадцять рукоположеных служителів, єденадцять проповідників з дозволом на служіня, а продаж книжок за рік выносить $40,000. Тота велика сума є головно плодом старань колпортерів, причім у странї, де в році 1885 продавцї книжок і докінця служителї нашой віры твердили, же книжкы не можна продавати розношінём по домах.

GSAM 417Три скандінавскы конференції

GSAM 417.2В скандінавскій місії є теперь три конференції, котры были зорґанізованы в тых днях: Данія, 30. мая 1880; Швеція, 12. марца 1882; Норвеґія, 10. юна 1887. Пресвітера Джона Маттесона, котрый зачав Скандінавску місію і так успішно прокладав дорогу тій роботї та котрый так щіро і жертовно робив про благо того народу, постигла смертельна хворота, сухоты, і вмер у Ел-Монте, в Каліфорнії, 30. марца 1896, у віцї шістдесят єден років.

GSAM 417БРІТАНЬСКА МІСІЯ

GSAM 417.3Вільям Інґз, родом з Гемпшыра, в Анґлії, але духом і выхованём Американ, бо од хлопчачіх років жыв у Споєных Штатах, пришов 23. мая 1878 з Базеля, у Швайцарії, до Саутгемптона. Того разу там быв лем коротко, два тыжднї, а потім ся на короткый час вернув на контінент. Але скоро потім пішов знова до Саутгемптона, де по штирёх місяцях роботы од дому до дому, роздаваня трактатів і такых місіонарьскых дїл, на котры ся давала нагода, звістив о десятьох, котры святили Суботу. Дня 30. децембра того року я зо своёв женов пришов до Саутгемптона, де сьме споїли свою роботу з роботов пресвітера Інґза і вели через зиму зібраня в залі Шырлі і в нашім наятім домі. В лїтї 1879 сьме вели наметовы зібраня в Саутгемптонї. В тім часї і на тім місцї ся до роботы приєднала панна Мод Сіслі (теперь пані Бойд), котра вела біблійны чітаня і робила од дому до дому. Як плод того труду дакілько людей приняло правду. В наступній зимі сьме вели зібраня в залі віллы Рейвенсвуд, в будові, де сьме жыли і мали свій склад літературы.

GSAM 418Наметове зібраня в Анґлії

GSAM 418.1В лїтї 1880 пресвітер Ендрюс, хоць слабый на здоровлю, пришов зо Швайцарії помогти на наметовім зібраню в Ромзі, де і далшы люде приняли звістку.

GSAM 418.2Дня 11. януара 1880 было зорґанізоване трактатове товариство. Членове были в тій роботї дуже заінтересованы і роздали много літературы.

GSAM 418.3Дня 8. фебруара 1880 ся одбыв наше перше хрещіня, кідь было охрещеных шість кандидатів. До 2. юла 1881 было в Саутгемптонї охрещеных занурінём двадцять девять кандидатів.

GSAM 418Чісло робітників в Анґлії зросло

GSAM 418.4За голосованём Генеральной конференції, котра ся одбыла в осени 1881, пресвітер А. А. Джон і його жена, Джордж Р. Дрю і панна Дженні Теєр пішли до Анґлії і приєднали ся до роботы в тій місії. В році 1882 пресвітер Гаскелл навщівив европейску місію і быв дакілько днів з робітниками анґліцькой місії, приносячі цїнну поміч своїма радами і настановами.

GSAM 418.5У марцу 1882 зачали друковати брітаньскый додаток до «Знаків часів» на дві сторінкы і придавали го до тысяча примірників «Знаків», котры ся посылали з Америкы. Тоты ся ужывали в місіонарьскій роботї у Великій Брітанії. Справозданя о роботї з 1. октобра 1883 указує, же в тім часї было сто соботарів. Десяткы, заплачены од початку місії, выносили $2,078.71.

GSAM 419Місіонарьска робота через кораблї

GSAM 419.1Завдякы ласкавости доглядачів кораблїв пресвітерови Інґзови было дозволене даром посылати пакункы трактатів і часописів до вісімдесятьох головных портів «Півостровного і східного пароплавного товариства» в Южній Африцї, Східній і Западній Індії, Централній Америцї і на Затоковых островах. Через вплив так посланой літературы ся першый раз збудило заінтересованя на острові Демарара. Тоту вість сьме дістали з листів з острова.

GSAM 419«Історія Суботы» поміщена в анґліцькых бібліотеках

GSAM 419.2По єднім примірнику «Історії Суботы» пресвітера Ендрюса было тыж поміщено в шістдесятьох публічных бібліотеках і безплатных чіталнях по цїлій Великій Брітанії, і тоты книжкы там суть і дотеперь, розповідаючі свою історію тым, котры хочуть чітати.

GSAM 419.3У році 1884 пресвітер Батлер навщівив Анґлію в супроводї далшых робітників про тот край. Пресвітеры С. Г. Лейн і Роберт Ендрюс одплыли 9. мая 1885 з Бостона, жебы ся приєднати до місії у Великій Брітанії. Навщіва пані Уайт в Анґлії была про робітників жрідлом силы і підбодріня. Пані Уайт і їй сын там были дакілько тыжднїв перед своїм поворотом з европейской місії до Америкы.

GSAM 419Початок выданя «Сучасной правды»

GSAM 419.4На початку року 1884, скоро по приходї пресвітера Батлера до Анґлії, было рішене зачати в Ґрімзбі выдавати двічі за місяць часопис на вісім сторінок під назвов «Сучасна правда», з редактором М. К. Вілкоксом. Тот самый часопис теперь выходить у Лондонї, в Анґлії, як тыжденник на шістнадцять сторінок, з тыжденным накладом коло 18,000 примірників.

GSAM 420.1У році 1889 пресвітер Голсер звістив, же Брітаньска місія має вісім церквей з двомастами соботарями, з котрых шістдесят пять были в Лондонї. Десяток за попереднїй рік быв $1,244.58. Были там двоє рукоположеных служителів, двоє проповідників з дозволом на служіня, двоє корабелных місіонерів і сім біблійных робітників. Приближно в тім часї пресвітеры Вільям Гатчінсон і Френсіс Гоуп вступили до анґліцькой місії.

GSAM 420Тихоокеаньска друкарня в Лондонї

GSAM 420.2В році 1890 Тихоокеаньске выдавниче товариство з міста Окленд, Каліфорнія, заложыло оддїлїня в Лондонї на вулицї Патерностер-Роу, 48, і друкарню в сївернім Лондонї на вулицї Голловей-Роуд, 451. Продаж книжок з того оддїлїня за першый рік, за велкоторговыма цїнами, вынїс $9,556.89.

GSAM 420.3У фебруарї 1895 пресвітер Робінсон подав таке справозданя:

GSAM 420.3«У Великій Брітанії є єденадцять церквей, 363 членів, пять служителів і єден проповідник з дозволом на служіня. Десяток за минулый рік быв $5,077.20, або в середнїм $13.98 на члена. Маєток выдавництва теперь належыть Міджінародному трактатовому товариству з обмеженов одповідностёв, анґліцькій компанії, котра ним і управляє».

GSAM 420.4У децембрї 1895 секретарь закордонных місій звістив, же у Великій Брітанії є 560 членів. Десяткы за тот рік зросли о $1,000. В тім часї ся в Лондонї на розлічных місцях у Суботу сходило вісім ґруп.

GSAM 420.5Так поступовала робота в тій місії, часом майже непозоровательно. В дакотрых родах землї насїня не выходить так скоро, як в іншых. Його клїчіня є поволїйше, але зріст певнїшый і крїпшый. Так є і з правдов третьой звісткы в тім кралївстві. Їй насїня было посїяне, пустило корїня і росло поволї, аж теперь досягло порівняно великых розмірів.

GSAM 421АВСТРАЛАЗІЙСКА МІСІЯ

GSAM 421.1Дня 10. мая 1885 пресвітеры С. Н. Гаскелл, Дж. О. Корліс зо своёв родинов, М. К. Ізраел зо своёв родинов, Вільям Е. Арнолд і Генрі Скотт одплыли з Сан-Франціска, жебы зачати місію в австралійскім краю. Єденадцять років перед тым, у році 1874, на зібраню в Батл-Крік пані Уайт повіла, же іщі многы народы приймуть правду і же видїла друкарьскы машыны в роботї і книжкы та часописы друкованы в розлічных странах. Кідь їй попросили назвати тоты страны, одповіла, же Австралія є єдина назва, на котру собі може спомянути.

GSAM 421Біблійскый одгук

GSAM 421.2Завдякы щірій і успішній роботї пресвітера Гаскелла і його співробітників ся звістка так скоро шырила, же друкованя часопису в Австралії было признане за потрібне. Зато зробили приготованя до выданя, і 1. януара 1886 вышов у Мелбурнї місячник на шістнадцять сторінок під назвов «Біблійскый одгук і Знаки часів». Першый номер выдруковали в накладї шість тысяче примірників, тымчасом як обычайный наклад быв лем три тысяча.

GSAM 421Перша церков зорґанізована в Австралії

GSAM 421.3У недїлю, 10. апріля 1886, была зорґанізована перша церков Адвентистів сьомого дня в Австралії. Присутных было вісімнадцять людей, котры підписали завіт, і іщі семеро попросили о принятя через хрещіня. Тоты были охрещены наступной Суботы, і каждую Суботу через дакілько тыжднїв прибывали членове, покы церков не мала пятдесят пять членів. До мая 1886 цїле чісло записаных было девятьдесят. Окрім них было на іншых місцях коло тридцять пять людей, котры святили Суботу.

GSAM 421.4В друкарні были дві добры друкарьскы машыны і єден мотор, вшытко заплачене і у властництві Адвентистів сьомого дня в тій далекій землї — коло сім тысяче миль од нашой великой друкарні в Окленді, в Каліфорнії.

GSAM 422.1В році 1886 ся звістка розшыріла до Новой Зеландії. Справозданя з австралійской місії повідать, же в Новій Зеландії было пятдесят соботарів. Сума, дістана в выдавництві з продажу книжок, была $700. Окрім того колпортеры продали в Новій Зеландії штиристо примірників «Великого спору», а в Австралії тысяча примірників «Роздумів над Даниїлом».

GSAM 422Будова друкарні в Австралії

GSAM 422.2Із звіту, поданого 19. юла 1889 року, ся дознаєме о такых фактах: у Мелбурні была докончена будова друкарні, в котрій є і каплиця про богослужіня.

GSAM 422Початок роботы в Тасманії

GSAM 422.3І в Австралії, і в Новій Зеландії была зорґанізована конференція, а пресвітерї Ізраел і Стід розшырили роботу до Тасманії. Там уж были зорґанізованы три церькви зо сполочным чіслом сто тридцять шість членів. Окрем них суть і далшы розсіяны соботарї, котры іщі не суть зорґанізованы.

GSAM 422.4Десяток за рік на австралійскім полі роботы выносив $9,371. На тім полі было пятнадцять колпортерів, котрых продай книжок досяг $19,500.

GSAM 422.5На своїй другій дорозі довкола світа пресвітер Гаскелл знова навщівив Австралію, брав участь на їх конференції, котра ся конала в авґусті 1889 року, і многыма способами подав успішну поміч, котру тота новозорґанізована громада барз цінила. Розлічны робітници з Америкы з часу на час навщівовали Австралію в інтересі єдной великой справы — будованя і зміцнёваня Божой роботы.

GSAM 422Пані Уайт в Австралії

GSAM 422.6Восени 1891 року пані Еллен Ґ. Уайт, їй сын В. К. Уайт, пресвітер Джордж Б. Старр і іншы одішли з Каліфорнії до Австралії і прибыли там у децембрі — посеред літа на тім контіненті. Свідоцтво пані Уайт, хоть она протягом девятьох років свого перебываня в тій землі терпіла тілесну слабость, барз помогло дати роботі належный напрям у згоді з духом і змістом звісткы третього ангела. В часі їх перебываня в Австралії пресвітер Дж. О. Корліс знова ся прилучів до роботы ту, а В. А. Колкорд і іншы вступили на тото поле як служителї, учітелї і так дале.

GSAM 423Пресвітер Олсен в Австралії

GSAM 423.1В часі свого урядованя як председа Генеральной конференції пресвітер О. А. Олсен навщівив вшыткы нашы головны установы по цілій землі. То выжадовало довгу путь — дорогу довкола світа. Подняв єї, жебы ліпше спознати їх потребы і стан розлічных місій та так быти приготовленым служыти їм без упереджіня. На тій дорозі, в 1893 році, перебыв дакілько тыжднів в Австралії.

GSAM 423Австралазійска унійна конференція

GSAM 423.2В тім часі была зорґанізована Австралазійска унійна конференція, котра складала ся з Австралійской і Новозеландьской конференцій та австралійскых місійных полів. Тота конференція ся сходить раз за два рокы і є ведена подля устрою унійных конференцій в іншых країнах. Протягом 1893 року нечисленны колпортерї на тім полі продали виданя 5,000 примірників книжкы «Крокы до Хріста», і было вытлачене друге виданя в тім самім чіслі. За літо 1894-95 років за штири місяці прияли 4,000 замовлінь на книжкы, котры ся продавали на передплату.

GSAM 423Пресвітер Прескотт в Австралії

GSAM 423.3В 1895 році пресвітер В. В. Прескотт, секретарь церькви про справы освіты, перебыв у тій конференції дакілько місяців, присвячуючі много часу і роздумів тій галузі роботы. В тім часі провів і учітельскый курс, котрый быв про них барз хосенный.

GSAM 424.1Звіт о роботі за рік, поданый Генеральній конференції пресвітером В. К. Уайтом, быв такый:

GSAM 424.1«Австралійска унійна конференція ся складає із сімнадцятьох церьквей з 1074 членами, котры за попередній рік оддали десяток $9,810.10. Тота конференція має дванадцять рукоположеных служителів, двох служителів з дозволом на проповідованя, трьох біблійных робітників і пятдесять колпортерів, котры протягом року продали книжок за $28,731.11. В тім році колонія Новый Южный Уелс зо шістьма церьквами і 321 членами была одділена од Австралійской конференції і названа Конференціёв Нового Южного Уелсу».

GSAM 424ЮЖНОАФРИЦЬКА МІСІЯ

GSAM 424.2На Генеральній конференції, котра ся конала в Батл-Кріку в 1886 році, была розглянута справа отворіня місії в Южній Африці. Кедь было прияте рішіня на підпору того наміру, на початку літа 1887 року ся зачало усилованя заложыти роботу в тій далекій землі, де дакотры люде, што уж зачали святити Суботу, просили о робітників.

GSAM 424Пресвітерї Бойд і Робінсон в Южній Африці

GSAM 424.3З тым цілём 11. мая пресвітер К. Л. Бойд з родинов, пресвітер Д. А. Робінсон з женов і далшы робітници одплавили з міста Ню-Йорк до Африкы через Ліверпул і Лондон. О три рокы пізніше, на Генеральній конференції, пан П. В. Б. Весселс повів, же, кедь тоты робітници прибыли до Африкы, там было коло штиридцять людей, котры уж святили Суботу четвертой заповіді наслідком чітаня выдань о тій справі і штудованя Святого Писма.

GSAM 424.4Пресвітерї Робінсон і Бойд зачали місійну роботу в Кейптауні, а одты она ся розшырила на північный выход майже вісемсто миль аж до Кімберлі, до алмазных родовищ.

GSAM 424.5До 1889 року там были лем два служителї, єден служитель з дозволом на проповідованя, штири церькви і вісемдесять членів; тоты оддали десяток $2,798.36. В тім році пресвітер Айра Дж. Ганкінс з Америкы робив у Кейптауні з добрыма выслідками, а пан Друяр з панёв Друяр пришли з Небраскы, жебы ся прилучіти до роботы на тім місці і ділити труды та недостаткы, котры выпадають тым, што суть покликаны зачынати роботу на новім полі. Робота пані Друяр была головно звязана з книжным складом, де їй было звірене ведіня справ той галузі; пан Друяр ся занимав загалнов місійнов справов. Протягом року на кораблях, котры заходили до того порту, продав книжок за $750.

GSAM 425Пресвітер Гаскелл в Африці

GSAM 425.1В авґусті того самого року пресвітер Гаскелл прибыв до Кейптауна. Пять місяців хосенно провів, навщівуючі розлічны громады в Южній Африці і роблячі з нима. Тов навщівов справа была зміцнена і розбудована, а і ёго властне серце ся підкріпило, бо видів плоды свойой роботы. Было пробуджене зацікавліня о освітню роботу, так же дванадцять штудентів з Африкы пришло до Америкы учіти ся в школах нашой церькви.

GSAM 425.2В тім часі была належна увага присвячена і колпортерьскій роботі. В Кейптауні ся провів курс про ту роботу під ведінём пана Е. М. Моррісона, котрый дав новый жывот і силу тій важній галузі звісткы. Зараз по навчаню на тім курсі тринадцять колпортерів за шість місяців продали і доручіли книжкы за $5,621.28. Замовлінь было в дійсности тілько, же цілком «завалили» лондонську канцеларію, бо книжкы не могли быти приготовлены так скоро, жебы успокоїти попит.

GSAM 425.3В 1892 році пресвітер А. Т. Робінсон ся прилучів до роботы в Южній Африці. В тім часі робота наросла до такой міры, же намісто старого книжного складу быв потрібный новый. Зато была поставлена нова будова, досить велика, жебы в ній было місце і про зібраня церькви.

GSAM 426Будова коледжу в Африці

GSAM 426.1Так робота ішла крок за кроком допереду, аж у Клермонті, передмісті Кейптауна, была поставлена будова коледжу за $35,000. Єдина поміч, о котру просили америцькых братів, была послати гурт учітелів, здатных учіти курс коледжу, а выдаткы мали покрыти самы. Кедь тота просьба была сповнена, школа ся отворила 1. фебруара 1893 року.

GSAM 426Южноафрицька конференція

GSAM 426.2Южноафрицька конференція была зорґанізована в 1892 році. На Генеральній конференції в 1893 році была голосованём прията до Генеральной конференції. Тогды мала пять церьквей і сто тридцять вісем членів, котры за попередній рік оддали десяток $34,077.32. На тій конференції Южноафрицьку конференцію заступовав Петер Весселс, котрый щедро даровав Генеральній конференції $16,000, што было веце, як Генеральна конференція выдала на зачінаня роботы в Южній Африці. Окрем того дару він з єдным із своїх братів даровав $40,000 на початок роботы безплатной амбулаторії в місті Чікаґо.

GSAM 426.3На Генеральній конференції в 1895 році секретарь про закордонны місії повів о африцькім полі:

GSAM 426.3«Конференція в Южній Африці была зорґанізована лем перед двома роками, але за тот час Генеральна конференція послала на тото поле дванадцять робітників. Двоє з них пішли до внутрішньой части страны як місіонерї, котры самы себе утримують, а іншы ся прилучіли до роботы в розлічных галузях. Тота конференція має процвітаючу школу, дом про сироты і санаторій, котрый ся будує. Подля чісел має 184 членів».

GSAM 426Часописы выдаваны в Южній Африці

GSAM 426.4Справа реліґійной слободы в Южній Африці спонукала нашых людей за послідні дакілько місяців выдавати два часописы: єден по голандьскы, названый «Сторож», і другый по анґліцькы, названый «Южноафрицькый сторож і одгомін Євангелія». Другый ся розходить у чіслі 4,000 примірників.

GSAM 427Южноафрицька унійна конференція

GSAM 427.1В януарі 1903 року была зорґанізована Южноафрицька унійна конференція, котра ся складала з конференцій Капской колонії і Наталу-Трансваалу та місій Басутоленду і Матабелеленду під ведінём унійной конференції. В конференції є пятнадцять зорґанізованых церьквей з 595 членами, девять незорґанізованых громад з девятдесятьма членами і тридцять окремо жыючіх соботарїв — вєдно 715, котры оддали десяток $7,850. Робітників было тридцять девять, з котрых двадцять єден діставали платню од розлічных конференцій.

GSAM 427ПОЛІНЕЗІЙСКЕ ПОЛЕ РОБОТЫ

GSAM 427.2В 1876 році пресвітер Джеймс Уайт і писатель тых рядків послали на острів Піткерн том часопису «Знаки часів» і дакілько трактатів разом з листом. Тоты писемности были даны на корабель, котрый плыв довкола мысу Горн до Ню-Йорку. Нас запевнили, же корабель ся заставить при Піткерні і там доручіть пакунок. Мы не знали на острові ани єдного чоловіка і нич не знали о самім острові, окрем ёго славы, же там жыють одданы і побожны люде. Часописы были посланы на сліпо.

GSAM 427Навщіва Піткерна

GSAM 427.3Мы нич не чули ани о тых людях, ани о нашій літературі, покы пан Джон І. Тей не навщівив острів в 1886 році, о десять років пізніше. Тогды сьме ся дознали, же наслідком чітаня тому «Знаків часів» і трактатів цілый острів у єднім часі майже ся рішыв перемінити свій день богослужіня з першого дня тыждня на сьомый день і святити Господню Суботу. Але не зробили того аж до навщівы пана Тея. Він уж довгый час чув в собі силне спонуканя навщівити острів, але особно не знав тых людей ани о їх зацікавліню о правду, котре ся уж пробудило.

GSAM 428.1По своїм навернутю до Америкы він барз настойчіво просив, жебы быв збудованый корабель, на котрім бы могли місіонерї быти перевожены з острова на острів у Тіхім океані. З тов думков на першім місці брав участь на Генеральній конференції в 1889 році і там ся заступовав за справу Полінезійскых островів. Конференція, видячи хосен того діла, одголосовала позберати дарами суму $12,000 на збудованя або купліня корабля про роботу меджі островами Тіхого океану.

GSAM 428Збудованя «Піткерна»

GSAM 428.2В згоді з тым рішінём корабель «Піткерн» быв збудованый уліті 1890 року недалеко Беніції, коло тридцять миль од Окленду в Каліфорнії, за $12,035.22. За три четверти року тота сума была позберана і дарована суботніма школами лем на тоту ціль, і николи іщі дар не быв принесеный з таков радостёв і запалом. Корабель быв посвяченый в Окленді в Каліфорнії 25. септембра 1890 року. Коло тісяч пятьсто людей ся зышло на корабли і пристани, жебы видіти тоту славность.

GSAM 428Перша плавба «Піткерна»

GSAM 428.3Корабель выплыв на свою першу плавбу із Сан-Франціска до далекого поля роботы 20. октобра. На ёго палубі были місіонерї: пресвітер Е. Г. Ґейтс з женов, пресвітер А. Дж. Рід з женов, Джон І. Тей з женов і місіонерска команда під ведінём капітана Марша. Корабель плыв найперше до острова Піткерн, штири тісячі миль на юг од Сан-Франціска, де прибыв 25. новембра. Кедь корабель одходив од острова 17. децембра, вісемдесять двоє дорослых уж прияли крещіня і были зорґанізованы в церьков Адвентистів сьомого дня. Потім корабель плыв до островных громад Товариства, Герві, Самоа, Дружбы і Фіджі, лишаючі реліґійны книжкы і трактаты о здоровлю і здержанливости людям, котры говорили по анґліцькы. За вісем місяців, до септембра 1891 року, місіонерї продали книжок за $1,900, окрем того роздали много літературы безплатно.

GSAM 429.1Місіонерї ся розмістили так: пресвітер Рід на Таїті; пресвітер Ґейтс зістав на Піткерні, жебы докінчіти там уж зачату роботу; а пан Тей собі выбрав роботу на острові Фіджі. В «Огляді і віснику» з 14. апріля 1904 року пресвітер Фултон говорить о роботі на Фіджі: «На тім місійнім полі є теперь веце як сто пятдесять соботарїв». З Фіджі корабель поплыв до Окленду в Новій Зеландії про потрібны направы і поліпшіня, а тыж про запас книжок.

GSAM 429Смерть місіонерів

GSAM 429.2По неприсутности єдного року, єдинадцятьох місяців і вісемнадцятьох днів ся «Піткерн» навернув до Сан-Франціска, де прибыв 9. октобра 1892 року. За тот час капітан Марш умер і быв похороненый на острові Нової Зеландії. Пан Тей захворів на запал плїц, з котрого уж ся не выздравив. І він тихо умер і быв положеный на одпочінок у далекій землі Фіджі; так были два дорогы жывоты так скоро одданы Полінезійскій місії.

GSAM 429.3Місіонерї, котры ся оселили на острові Таїті в Папеете, ся радовали, же майже зараз виділи плоды свойой роботы. В тім часі могли послати до рідной землі потішный звіт о штиридцятьох оберненых людях, зорґанізованых у церьков Адвентистів сьомого дня.

GSAM 429Друга дорога «Піткерна»

GSAM 429.4Корабель выплыв із Сан-Франціска на свою другу дорогу 17. януара 1893 року з такыма місіонерами: Б. Дж. Кейді з женов, Дж. М. Коул з женов, Е. К. Чепмен з женов і доктор медіціны М. Ґ. Келлоґ. Панна Гетті Андре з Огайо їх спроваджала як учітелька про острів Піткерн. Восени 1893 року пан Кейді отворив школу на Раятеї в громаді островів Товариства зо шістдесятьма школярами. На кінци першого шкільного періоду їх чісло наросло на сто пять. На початку другого періоду ходило до школы сто двадцять учнів.

GSAM 430Третя дорога «Піткерна»

GSAM 430.1Третя плавба корабля ся конала в 1893-94 роках. Місіонерями на тій дорозі были Ґ. О. Веллман з женов і Лілліан Уайт, вшыткы з Мічиґану, котры мали іти до Раятеї, жебы там помагати пресвітерови Кейді в ёго роботі. Пан Стрінґер з женов пішли як місіонерї, котры самы себе утримують. Заставили ся на Руруту. На Раротонзі, де люде святили суботу як неділю, ся оселили доктор Колдвелл з женов; а пресвітер Бакнер з женов, з Каліфорнії, зістав на Піткерні. В часі ёго перебываня меджі тыма людьми были заведены многы новы ремесла, котры ся многыма способами оказали хосенныма про жытелів. Найперше быв збудованый вітряк на меленя кукуріцы, котра ся теперь на острові пестує, і тов самов силов вітра суть гнаны легкы машины, што привело до далшых ремесел, дотеперь островянам незнамых.

GSAM 430Четверта дорога «Піткерна»

GSAM 430.215. децембра 1895 року секретарь про закордонны місії повів: —

GSAM 430.3«„Піткерн“ є теперь у порті по своїй четвертій плавбі.... Робота была заложена в девятьох розлічных островных громадах, і роблять там тоты робітници: —

GSAM 430.4«На острові Піткерн — учітелї Е. С. Бутц з женов і Гетті Андре. На острові Норфолк — дакілько місіонерів, котры самы себе утримують, пришли з Австралії і роблять ту. На островах Товариства — служитель Б. Дж. Кейді; лікарьскы місіонерї пан Р. А. Прікетт з панёв Прікетт. На Раротонзі — лікарьскы місіонерї доктор Дж. Е. Колдвелл з женов, панны Лілліан Уайт і Мод Янґ; учітелї Ґ. О. Веллман з женов, пресвітер Дж. Д. Райс з женов. На Фіджі — пресвітер Дж. М. Коул з женов. На островах Дружбы — пресвітер Е. Гіллард з женов. На Руруту — пан Стрінґер з панёв Стрінґер, місіонерї, котры самы себе утримують. На Гаваях — пресвітер Е. Г. Ґейтс з женов; учітелї Г. Г. Бранд з женов. На Самоа — доктор Ф. Е. Браухт з женов. Пресвітер Д. А. Оуен з сыном і дівков, місіонерї, котры самы себе утримують.

GSAM 431.1«„Піткерн“ за свої штири плавбы продав і роздав велике множество літературы. Наслідком того ся на многых місцях появили соботарї. Церькви были зорґанізованы на острові Піткерн, на Норфолку і Таїті».

GSAM 431«Піткерн» продано

GSAM 431.2Кедьже теперь суть можности дістати ся до полінезьского місійного поля, якых не было, коли ся будовала лодь, лодь продали і на продовжованя роботы ужывають іншы способы. Пресвітер Е. Г. Ґейтс є теперь надзирателём полінезьского поля і подає вісти о поступі в розлічных ґрупах островів.

GSAM 431ЗАПАДНА ІНДІЯ

GSAM 431.3В зимі 1889 року пан Вільям Арнолд з Америкы зачав колпортерьску роботу в Западній Індії. При тій роботї ся му подарило зобрати мена і адресы 1200 осіб, котры были посланы Меджінародному товариству трактатів, жебы їх ужыло в місійній роботї. Дописованём і посыланём чітаня на тоты адресы ся пробудив інтерес о правду, і так ся отворила путь про шыріня євангелія через проповідованя Слова.

GSAM 431.4На закликаня до служительской роботы пресвітер Д. А. Болл в новембрі 1890 року одышов робити на Барбадос і на іншы міста. Наслїдком ёго старань дакілько осіб прияло правду. В 1892 роцї пан Паттерсон з Каліфорнії з добрым успіхом ходив по островах і продавав книгу «Біблїйны чітаня». В 1893 роцї Б. Б. Нюмен одышов з Флоріды на Ямайку, жебы за неприсутности пана Арнолда взяти надзор над колпортерьсков роботов. Пан Еванс і пан Гекет того самого року тыж одышли до Западной Індії, жебы ся заняти тым оддїлом роботы. В місяцї маю пресвітер Гейсмер і ёго жона пришли на тото поле робити, як ся їм буде отворяти путь. Скоро по тім ся вернув пан Арнолд, того разу жебы продавати книгы о здоровлю. До юла 1895 року лем на Ямайцї было продано такых книг за $8,200, а набожных книг за $7,654, разом за $15,854. Розшыріня такого великого множества літературы вельо помогло основати в Кінґстонї добре зорґанізовану церьков із сімдесятьпятьма членами і отворити путь до служительской роботы в іншых частях острова.

GSAM 432Трінідад

GSAM 432.1Ту ся робота зачала подобно як на Ямайцї. В 1889 роцї пана Ф. Б. Ґранта і ёго жону позвали навщівити остров, жебы ту зачали розшыряти літературу нашой церкви, а за ними скоро на позваня пришов пресвітер Флауерс із жонов робити, як ся буде отворяти путь. Мали добрый успіх, аж покы пресвітера Флауерса не зломила горячка, котра спричінила ёго смерть 29. юна 1894 року. Пресвітер Е. В. Вебстер быв выбратый за ёго наступника і в авґустї 1895 року выплыв з Ню-Йорка.

GSAM 432.2В 1896 роцї были в Западній Індії тоты робітникы: на Ямайцї пресвітер А. Дж. Гейсмер і В. В. Істмен, а на Багамскых островах дакілько колпортерів. На Малых Антілах были пресвітер Е. Ван Дюсен і ёго жона, з C. Ф. Пармлї і ёго жонов як біблїйныма робітниками та паном Біном і паном Гекетом як колпортерами. На Трінідадї пресвітер Е. В. Вебстер і ёго жона, із слечнов Стеллов Колвін як здравотнов місіонарьков. Наслїдкы — сто десять соботарїв на Ямайцї і пятдесять соботарїв на Трінідадї, зосередженых коло Кувы; єдна церьков на Барбадосї і єдна громада на Антіґуї, на Малых Антілах.

GSAM 432СЕРЕДНЯ АМЕРИКА

GSAM 432.3Пресвітер Ф. Дж. Гатчінс і ёго жона одышли із Споєных штатів на островы затокы 16. новембра 1891 року. В тім часї там было, головно на Роатанї, коло двадцять осіб, котры захововали Суботу четвертой заповіди подля Десятислова; перше їх увагу на тоту правду обернуло чітаня, котре їм послали поштов. О три рокы пізнїше, в 1894 роцї, В. А. Міллер і ёго жона одышли з Каліфорнії на Бонакку, де ся прилучіли до освітнёї роботы як учітелї в школї, котра ся отворила 4. юла 1894 року в школьскій будові, збудованій Адвентистами сьомого дня. За першый школьскый період пересїчно ходило до школы тридцять четыри школярїв. В 1895 роцї было вызнано, же школа ся утримує сама, бо чісло школярїв наросло до сорок пять.

GSAM 433.1На Генеральній конференції, котра ся конала в 1895 роцї, пресвітер Гатчінс подав вість о сто особах на островах, котры ся держали звісткы, і тыж повів, же там збудовали два молитовны домы, котры належать Адвентистам сьомого дня. Про недостаток землї, котра зато мала велику цїну про обробляня, єден із тых домів богослужіня збудовали над водов. Тоты дві будовы і школьскый дом были правно переданы Здружіню Генеральной конференції. Цїну маєтку конференції на острові оцїнили на $1,789.60. До 1895 року было продано книг за $2,243.

GSAM 433Мала лодь про Середню Америку

GSAM 433.2Кедь увагу конференції обернули на выгоду і хосен з малой лодї, котров бы ся могли місіонері перевозити з єдного острова на другый, было ухвалено збудовати таку лодь про роботу меджі островами затокы за цїну, котра не перевершить $3,000.

GSAM 433.3В 1896 роцї были в Середнїй Америцї лем четыри робітникы: пресвітер Ф. Дж. Гатчінс і ёго жона та пресвітер Дж. А. Морроу і ёго жона в Іспаньскім Гондурасї. В Белїзе, головнім містї Брітаньского Гондурасу, была громада вірных, котры захововали сьомый день подля четвертой заповіди. Найвекшу часть роботы на тім полї выконали на островах Карібского моря. Ту было продано книг за дакілько тысяч доларів, і шістдесять осіб ся радовало правдї звісткы третього ангела.

GSAM 434Смерть пресвітера Гатчінса

GSAM 434.1Коло дванадцять років пресвітер Ф. Дж. Гатчінс вельми вірно і ревно робив на середнёамеріцькім полї. Наконеч ся ёго силы вычерпали, і він підлег хворотї. Теперь спочівать у снї, ожидаючі закликаня Пана — закликаня, котре збудить вірных.

GSAM 434ЮЖНА АМЕРИКА

GSAM 434.2Погляды Адвентистів сьомого дня ся до Южной Америкы першый раз дістали через друковане слово. В октобрі 1891 року панове Снайдер, Штауффер і Новлін зачали свою колпортерьску роботу в Арґентінї. В 1893 роцї на основі ухвалы Генеральной конференції пресвітер Ф. Г. Вестфал з Іллїнойсу, нїмецькый служитель, ся прилучів до роботы на тім місійнім полї, а в 1894 роцї Френк Келлї з Каліфорнії одышов до Споєных штатів Колумбії як місіонарь, котрый ся сам утримовав. О дакілько місяцїв пізнїше за нима пришли іншы робітникы, і так ся зачала тота нова місія. В 1896 роцї о роботї на тім полї подали таку вість: Чіле має єдного служителя, пресвітера Ґ. Г. Бейбера, котрый пришов 19. октобра 1895 року; і двох колпортерів, Ф. В. Річардса і Ф. Г. Дейвіса. Арґентіна має тыж двох служителїв, Ф. Г. Вестфала і Жана Вюємьє; і двох колпортерів, О. Оппеґарда і К. А. Новліна. Окрем них суть там четыри біблїйны робітникы: Люсі Пост, пан Снайдер і ёго жона та Джон Маккарті. Бразілія має двох служителїв, пресвітера В. Г. Терстона і Г. Ф. Ґрафа; і трёх колпортерів, А. Б. Штауффера, Дж. Ф. Берґера і Дж. А. Берґера. Брітаньска Ґуяна має двох служителїв, пресвітера В. Ґ. Нїленда і пресвітера П. Ґіддінґза; і двох здравотных місіонерів, доктора Б. Дж. Феркойта і ёго жону.

GSAM 435.1До 1896 року было в Чіле продано книг за тысячу доларів, і тридцять соботарїв прияло Суботу і споріднены правды через чітаня літературы, купленой од колпортерів. В Бразілії і Арґентінї было продано книг за десять тысяч доларів; і, што было іщі лїпше, сто осіб захововало Суботу. Была зорґанізована єдна церьков і пять суботнїх школ. В Арґентінї были три зорґанізованы церкви: в Буенос-Айресї, Креспі і Сан-Крістобалї. Тыж в Брітаньскій Ґуянї была єдна зорґанізована церьков і пятдесять соботарїв, так же в цїлій Южній Америцї было сто пятдесять Адвентистів сьомого дня.

GSAM 435ЮЖНЕ МІСІОНЕРЬСКЕ ТОВАРИСТВО

GSAM 435.2Точно повіджено, тото товариство ся не може называти загранічным, хоць робить роботу євангелізації чужого народу (африканцїв) в нашій родній земли. За дотеперь досягнуты наслїдкы належыть вельке узнаня вытривалым стараням пресвітера Дж. Е. Уайта під Божым благословінём.

GSAM 435.3В зимі 1893 року, коли єм служыв як председа Іллїнойской конференції, пришов ку мнї пресвітер Уайт із тяжков турботов о темношкірых людей в южных штатах. Кедьже перебывав дакілько тыжднїв в Чікаґу, просив, жебы му было доволено робити меджі темношкірыми людьми, котры жыли в містї. Ёго просьбу з вельков радостёв сповнили, і там ся властно зачала ёго робота про тот нещастный народ.

GSAM 435Місійный пароход пресвітера Уайта

GSAM 435.4Од того часу ся молив і приготовлёвав планы про южне поле. При розважованю ёго планы дозрївали, аж вєдно привели ку збудованю парохода коло озера Мічиґан, названого «Рання звізда». Із тым плавучім «Ветилём» одышов до Чікаґа, одтамаль долов рїками Іллїнойс і Міссісіпі і 10. януара 1895 року дійшов до Віксбурґа в Міссісіпі. Ту з дакількома сполуробітниками зачав роботу на іщі недоторкнутій земли.

GSAM 436Робота Южного місіонерьского товариства

GSAM 436.1Цітуєме із справы, котру подав пресвітер Уайт на Генеральній конференції 9. апріля 1903 року і котра указує наслїдкы роботы і стан южной місійной роботы в тім часї: —

GSAM 436.2«Наше товариство збудовало і теперь веде пять школ в Міссісіпі.... Тоты школы суть у Віксбурґу, Язу-Сіті, Колумбусї і Джексонї.... Наші робітникы тыж продовжовали стараня в Нешвіллї, Мемфісї і Еджфілд-Джанкшнї в Теннессі та в Луїсвіллї і Боулінґ-Ґрінї в Кентуккі.

GSAM 436Робітникы на юзї

GSAM 436.3«Теперь є в розлічных оддїлах товариства двадцять сім робітників. В роботї Южного місіонерьского товариства выросло пять рукоположеных служителїв.... Тринадцять школьскых учітелїв было розлічныма способами приготовленых до їх роботы.... Єдному молодому чоловікови товариство платить науку за лїкаря в Лїкарьскім коледжі Мегеррі в Нешвіллї, а другому помагать при науцї на тій самій школї.... Выросло дакілько добрых біблїйных робітників. Дакотры з учітелїв ся тыж ставають спосібныма робітниками в тім оддїлї.

GSAM 436Пароход «Рання звізда»

GSAM 436.4«„Рання звізда“ є мій особный маєток, збудованый за мої властны грошы. Окрем того вшыткы выдаткы на плаваня той лодї ся платили з мого властного доходу. Тыж повім, же выдаткы на жытья на лодї єм все платив сам. Часто было в громадї од десять до вісемнадцять робітників.... Навіть платню вшыткых робітників, котрых товариство роками замістнавало, ся не брало з дарів, але з мого властного особного доходу.

GSAM 437Як пришли грошы про южну місію

GSAM 437.1«Може ся поставити вопрос: „Де сьте взяли тоты грошы?“ Господь нам їх дав. Было выдано дакілько книжочок. Перша была «Євангельскый букварь», котрого первістным наміром было ужываня при навчаню темношкірых людей. Сподївали ся продати дакілько тысяч примірників, але на наше здивованя продалося майже міліон примірників.

GSAM 437.2«Мати [пані Е. Ґ. Уайт] нам помогла з книгов «Хрістос, наш Спаситель», котрой ся продало тристо або четыристо тысяч. Із книгы «Найлїпшы оповіданя» ся продало двісто або тристо тысяч примірників. Оцїнює ся, же книгы «Грядущій Царь» ся розшырило тілько, же бы з них міг быти стовп высокый четыри милї. З авторьскых одмін за тоты книгы єме, окрем утримованя многых іншых подуять і родів роботы, збудовали «Ранню звізду».»

GSAM 437В МНОГЫХ ЗЕМЛЯХ

GSAM 437Мексіко

GSAM 437.3Наша робота в тій земли ся зачала в 1894 роцї основанём здравотной місії в Ґвадалахарї. В 1896 роцї было подано такый перегляд робітників: пресвітер Д. Т. Джонс і ёго жона, котры вели місію. Учітелями были Ора А. Озборн, пані А. Купер, Кейт Росс і єден місцевый помічник. Здравотными місіонерями были доктор Дж. А. Нїл, А. Купер, пані А. Дж. Райс, пані Бартлетт і пані Рейчел Флауерс. Каждый день ся в місії лїчіло сорок пацієнтів, а до місійной школы ходило сорок школярїв. В тім часї ся будовав новый санаторій за $12,000.

GSAM 437Середня Африка

GSAM 437.4В 1893 роцї дїло звісткы третього ангела тілько поступило, же выбор Генеральной конференції мав за оправдане поручіти основаня місії в Середнїй Африцї. Зато было ухвалено: «Най ся в Матабелеландї отворить місія, як лем то буде можне». Подля той ухвалы ґрупа Адвентистів сьомого дня в 1894 роцї пришла до той землї і выбрала ґаздівство з 12,000 акрами. На конференції в 1895 роцї были за місіонерів про тото далеке поле выбраны пресвітер C. Б. Тріпп і ёго жона, В. Г. Андерсон і ёго жона та доктор А. С. Кармайкл. Зараз зачали приготовы на довгу путь і по щастливім плаваню дійшли на місто 26. юла 1895 року.

GSAM 438Златый берег

GSAM 438.1За дакілько років приходило ку Адвентистам сьомого дня із западного берега Африкы македоньске воланя о поміч. Чітаня адвентистськых выдань пробудило інтерес о правду, але поміч была послана аж коло 1894 року. Тогды выбор Генеральной конференції позвав пресвітера Сенфорда і пана Рудолфа взяти ся за роботу, котра так довго чекала. Вступили на поле з ревностёв і одвагов. Але недовго по тім пресвітера Сенфорда зломила горячка, котра є там така розшырена, же тоту землю называють «гробом білого чоловіка». Мав три напады, і потім, жебы ся захранити при жывотї, быв примушеный вернути ся до Америкы. На западный берег послали іншых, меджі нима пресвітера Д. У. Гейла, Джорджа Ф. Керра і ёго жону та Ґ. П. Ріґґза. Послїднёго єднак хворота так ослабила, же страчали надїю на ёго жывот, і він утік до Анґлії в надїї, же му поможе зміна піднебя; в тім ся він і ёго приятелї розчаровали, бо ёго силы помалы слабли, аж вмер, і там быв похованый. І він очекує приход Дарця жывота.

GSAM 438Індія

GSAM 438.212. януара 1890 року пресвітер Гаскелл выплыв із порту Дурбан на юговыходнім побережу Африкы до Калкаты в Індії, до Кітаю і Японії. Іщі перед тым ся ку нёму прилучів ёго таёмник Персі Т. Меґан. Цїлём той путї до Індії было своєрідне «розгляданя» про здобытя відомостей, котры бы їм доволили давати рады і настановы, коли бы Адвентисты сьомого дня зачали на тім полї дїяльну місіонерьску роботу. З думков основати місію в Індії Генеральна конференція в 1893 роцї поручіла, жебы до той землї одышов Вільям Ленкер як колпортер. Послухнувшы тото поручіня, одышов до Індії і зачав розшыряти літературу Адвентистів сьомого дня. Пізнїше пан Ленкер подав вість, же він і іщі четыри особы до 1896 року ходили з книгами по розлічных частях Індії і продали выдань за $10,000. Жебы указати інтерес, котрый пробудили проданы книгы, іщі повів, же коли продавав книгы коло Мадрасу на западнім побережу Індії, «єден місцевый проповідник перешов пішо шістдесять миль, жебы купити примірник «Думок о Даниїлови і Зъявлїню»».

GSAM 439Джорджія Баррус в Індії

GSAM 439.1В 1895 роцї слечна Джорджія Баррус одышла з Каліфорнії до Індії. По приходї там зараз зачала учіти ся бенґальскый язык і скоро ся взяла до місійной роботы. До 1896 року дакілько осіб через сполочность з нашыма робітниками зачало захововати Господню Суботу.

GSAM 439.2Робітниками на полї в 1896 роцї были пресвітер Д. А. Робінсон і ёго жона. Слечна Мей Тейлор і слечна Джорджія Баррус были біблїйныма робітничками. Пан Ленкер і пан Мастерс были колпортерами. Про місійный дом была здобыта пригідна будова, а до родной землї были посланы закликаня о лїкарїв, опатрователькы і далшу поміч, жебы ся могло выговіти налегаючім потребам. На тото закликаня озыв ся пресвітер Браун і іншы. Він і пресвітер Д. А. Робінсон вмерли в Карматарї в Бенґальску в Індії при кінцї децембра 1899 року.

GSAM 439Гаваї, Сендвічовы островы

GSAM 439.3В 1884 роцї пан Ла Рю і Генрі Скотт одышли на властны выдаткы як місіонері на Гаваї. Зачали свою роботу особнов місійнов службов і продаванём книг. То пробудило на острові такый інтерес, же Генеральна конференція в новембрі 1885 року ухвалила, жебы пресвітер Вільям Гілї одышов наступного періоду на Гаваї робити і жебы ся попросило Каліфорнійску конференцію пожычіти на тоту цїль намет. Так выбавленый пресвітер Гілї разом з тыма, котры вже были на острові, провів в лїтї 1886 року наметове зібраня. Наслїдком того стараня дакілько осіб прияло звістку. Пан Ла Рю зістав в Гонолулу до 1889 року, коли выплыв до Гонконґу в Кітаю.

GSAM 440Робота меджі Кітайцями на Гаваях

GSAM 440.1На острові ся выконовало лем мало служительской роботы аж до засїданя Генеральной конференції в місяцї марцї 1895 року, коли было ухвалено, жебы «пресвітер Ґейтс і ёго жона разом з паном Брандом і ёго жонов як учітелями про Кітайцїв одышли до Гонолулу заняти ся місійнов роботов». Навчаня ся зачало зараз, а пресвітер Ґейтс, хоць мав слабе здоровля, робив, што міг, жебы робота поступала. За місіонерями скоро пришли лїкарь і опатрователькы, і робота в тім оддїлї звісткы мала добрый зачаток.

GSAM 440Перегляд місій на 1. януара 1903 року

GSAM 440.2Справа таёмника про загранічны місії, подана 31. децембра 1902 року, так описує роботу звісткы за граніцями Споєных штатів: —

GSAM 440.3Австральска унійна конференція, зложена з конференцій Вікторії, Нового Южного Валесу, Новой Зеландії, Квінсленду, Южной Австралії, Тасманії і Западной Австралії.

GSAM 440.4Европска Генеральна конференція, зложена з Нїмецькой унійной конференції, Западнонїмецькой, Выходнонїмецькой, Южнонїмецькой, Голандії і Фламандьской Белґії, Австро-Угорщіны і Балканьскых штатів, Нїмецько-швайцарьской, Южноросійской, Сїверноросійской і Середнёросійской.

GSAM 440.5Шкандінавска унійна конференція, зложена з Даньска, Норьска, Шведьска, Фіньска і Ісландії.

GSAM 441.1Брітаньска унійна конференція, котра обнимать Сїверну Анґлію, Южну Анґлію, Ірландію, Шкотію і Валес.

GSAM 441.2Французько-латіньска унійна конференція, котра обнимать Французьку Швайцарію, Францію і Італію.

GSAM 441.3Орієнтална місія, котра обнимать Еґіпет, Сірію і Турецько.

GSAM 441.4Южноафріцька унійна конференція, котра обнимать Капску колонію, Натал-Трансваал, Басутоланд і Матабелеланд.

GSAM 441.5Розлічне: Бермуды, Бразілія, Брітаньска і Голандьска Ґуяна, Середня Америка (юг), Кітай, Фіджі, Індія, Ямайка, Японія, Малы Антілы, Мексіко, Ньясаланд, Піткерн, Пуерто-Ріко, Ла-Плата, Раротонґа, Самоа, Островы товариства, Суматра, Тонґа, Трінідад, западный берег (Южна Америка) і западный берег (Африка).

GSAM 441.6Чісло дїяльных робітників на тых розлічных полях, вєдно із служителями, особами з доволінём проповідовати, біблїйныма робітниками, книгоношами і колпортерами, є 754.

GSAM 441Заложены опорны міста

GSAM 441.7На основі тых короткых вістей о нашых місіях можеме повісти, як повів таёмник про загранічны місії в 1896 роцї:

GSAM 441.7«З тыма опорныма положінями, котры теперь звістка зайняла майже в каждій части світа, Бог своёв безконечнов силов може выконати велике і могутнє дїло за вельми короткый час. Він скоротить своє дїло в праведности.»

Notes

  1. Римлянам 15:21. ↩

Note

Back