Adventist Pioneer
Library
aplib.orgLibrary
Table of Contents
01 / 31
01 / 31

Meyi a Kumpala

John Norton Loughborough

GSAM 3.1Kudi mikanda ya mushinga mivule mu bianza bia bantu, ne tshindi nsakidila mukuabu ku mulongo wayi ntshia bualu, mu mabeji aa, ndi ngamba malu mavule a Bena Adventiste, nangananga Bena Adventiste ba dituku dia muanda mutekete, akadi kayi manji kumanyishibua bantu mu mushindu ewu. Kabidi, bantu bavule bakatabuja mudimu ewu mu bidimu bia pashishe, ne bakadi kabayi bamone malu adi matumbudibue, bakalomba bikole ne bakadi mu mudimu kumpala babalondele malu aa ne biakabapitshila. Bu mundi mumanye Mudimu wa Dilua dia Pa Buadi mu 1843 ne 1844, ne bu mundi muyisha diyisha edi kubanga dia 2 dia ngondo wa 1 wa 1849, kumpala bu Muena Adventiste, ne kubanga mu 1852 bu Muena Adventiste wa dituku dia muanda mutekete, ndi mmona disanka dia “kuamba malu andi mumone ne mumvue.”

GSAM 3.2Ndi mulonde malu a Mudimu wa Dilua dia Pa Buadi wakamwangalala mu bisamba bionso bia bulongolodi bia pa buloba kubanga mu 1831 too ne mu 1844.

GSAM 3.3Kubanga mu 1845 kuakadi bisumbu bikuabu bia Bena Adventiste biakayisha, ne bitshidi biyisha, dilua dia Kristo didi pabuipi. Pamutu pa kulonda malu a bisumbu ebi bionso, dijinga dianyi diakadi dia kulonda ne meyi a bungi mbangilu ne dikuluka dia Bena Adventiste ba dituku dia muanda mutekete. Ndi nangananga ndeja mushindu wakafila Nzambi bintu biakabakolesha, bakabanga mu bupele ne mu malu makese, bakafika kuikala bantu ba bungi bua pabuipi ne nkama umue wa binunu anu, kadi bamue ba bakadi babapumbisha bakamba bua bualu buabo ne: “Bu mudibu benza mudimu ne bukole ne tshisumi, muntu udi mua kuela meji ne badi miliyo ibidi.”

GSAM 3.4Nansha bantu badi bamanye anu bikese malu a kale a Bena Adventiste ba dituku dia muanda mutekete badi bamanye ne, kubanga mu 1845, Mrs. E. G. White wakadi ne mudimu munene mu mudimu ewu, bu muambi ne mufundi. Badi bamanye kabidi ne mu mudimu wende muakadi bienzedi nansha bipedi bia pa buabi. Nakadi ne diakalengele dia kuikalaku ne kumona mudimu wa tshipedi etshi misangu pabuipi ne makumi atanu. Mu mabeji aa ndi muleja malu pabuipi ne makumi abidi ne asambombo akamba Mrs. White kumpala kua kuenzeka kuawu, akakumbana bu muakadiane kuamba.

GSAM 4.1Pamue ne malu anakamona meme muine, ndi mufile kabidi bumanyishi bua bantu bakuabu bakamona malu aa ne mesu abo, bua biakabapitshila. Malu a mushindu ewu adi ne mushinga munene kudi mubadi udi ukeba bulelela kupita meyi a patupu adi bantu bakadi kabayiku mu bikondo bia mushindu eu bamba.

GSAM 4.2Ndi nteka mukanda ewu mu bianza bia babadi, ne ditekemena dia ne, ne dibenesha dia Nzambi, dibala dia mabeji aa nedikuatshishe mudimu wa Kristo mu mitshima mivule. Ndi ntekemena ne bonso, padibu babala, nebavuluke meyi a Paulo kudi Bena Tesalonike ne: “Nutete malu onso; nulamate malu adi mimpe.”

GSAM -J. N. Loughborough. Mountain View, California, dituku dia 1 dia ngondo wa 5 wa 1905.

Note

Back